TV tid bits

**R.Latha** · 11th May 2010, 12:17 PM

டெலி சிப்ஸ்

First Published : 11 May 2010 12:47:56 AM IST

Last Updated :

கலை ஞர் டி.வி.க்காக மற்றொரு நிகழ்ச்சியைத் தொகுத்து வழங்கப் போகிறது கணேஷ் - ஆர்த்தி ஜோடி. முழுக்க முழுக்க முதியவர்களை சந்தோஷப்படுத்தும் நோக்கில் இந்த நிகழ்ச்சியை களம் இறக்குகிறது கலைஞர்டிவி குழுமம். 50 வயதுக்கு மேற்பட்டவர்கள் கலந்து கொள்ளும் இந்த நிகழ்ச்சியில் டான்ஸ், காமெடி உள்ளிட்ட அனைத்து அம்சங்களும் இருக்குமாம். வாரம் ஒரு சிறப்பு விருந்தினரும் உண்டாம்.

திருமணத்துக்குப் பின் முதன் முறையாக டி.வி. நிகழ்ச்சிக்கு வருகிறார் அமலா. விஜய் டி.வி.யின் "சூப்பர் மாம்' நிகழ்ச்சிக்காக தமிழகத்தின் சிறந்த அம்மாக்களை தேர்வு செய்யப் போகிறார். நாகார்ஜுனாவை திருமணம் செய்து கொண்ட பின் புளூ கிராஸ் உறுப்பினர், தன்னார்வத் தொண்டு நிறுவனங்களில் ஈடுபாடு என்றிருந்த அமலாவுக்கு சீரியல், சினிமா, டி.வி.ஷோ என வாய்ப்புகள் வந்த நிலையில் ரியாலிட்டி ஷோவை டிக் அடித்தது நாகார்ஜுனாவாம்.

"நிஜம்', "நடந்தது என்ன', "நம்பினால் நம்புங்கள்' என சேனல்கள் போட்டிப் போட்டு இரவு நேரங்களை த்ரில்லர் ஆக்கி வரும் வேளையில், புதிய வரவான கேப்டன் டி.வி.யும் த்ரில்லர் ஷோவை இறக்கப் போகிறதாம். வழக்கமான மூட நம்பிக்கை பாணிகளில் பயணிக்காமல் சேரி பகுதி மக்களின் வாழ்க்கை முறை, கிராம மக்களின் வாழ்க்கை நிலை, நகர வாழ்க்கையின் சிரமங்கள் என வரிசைப்படுத்தப் போகிறார்களாம். நிகழ்ச்சிக்கு பெயர் தேடும் படலமும் தொடங்கி விட்டது.

கோடை விடுமுறையில் சிறுவர்களை கவரும் வகையில் "இஷான்' என்ற தொடரை களம் இறக்குகிறது டிஷ்னி குழுமம். ஒரு சிறுவனின் இசைப் பயணத்தை ஊக்குவிக்கும் வண்ணம் உருவாக்கப்பட்டுள்ள இந்தத் தொடர் முழுக்க முழுக்க இசைச் சார்ந்த நாடக வடிவில் அமைக்கப்பட்டுள்ளது. பிரபல சீரியல் இயக்குநர் ஜெயடி சர்க்கார் இயக்கியுள்ள இந்தத் தொடரை மே 15 முதல் காணலாம்.

சென்னை முட்டுக்காடு பகுதியில் பிரமாண்ட பங்களாவை கட்டி வருகிறார் சிம்ரன். இதற்காக அதன் அருகிலேயே வாடகைக்கு வீடு எடுத்து, கட்டடப் பணிகளை கண்காணித்து வருகிறார். பங்களா பணிகள் முடிந்த பின் சினிமா மற்றும் சீரியல்களில் மும்முரமாக ஈடுபடப் போகிறார். தன் படங்களில் பணியாற்றிய சில உதவி இயக்குநர்களுக்கு முதல் சினிமா வாய்ப்பைத் தரப் போகிறாராம்.

சினிமா வாய்ப்புகள் குறைந்த நிலையிலும், விளம்பர வாய்ப்புகளில் நடிகைகளைப் போல் கவனம் செலுத்துகிறார்கள் நடிகர்கள். மோகன்லாலுடன் வேஷ்டி விளம்பரத்தில் வலம் வருகிறார் சரத்குமார். நகைக்கடை விளம்பரங்களுக்கு பெயர் போன பிரபு மேலும் சில புதிய விளம்பரங்களில் வருகிறார். கார்த்திக்கும் விளம்பரங்களில் நடிக்க ஒப்பந்தமாகி உள்ளாராம். விளம்பர கவனத்தில் சிவமைந்தன் முக்கியமானவர்.

விளம்பரங்கள், பார்ட்டி என ஐ.பி.எல். கொண்டாட்டத்தில் இருந்த பாலிவுட் நடிகைகளில் சிலர், 20-20 உலகக் கோப்பை போட்டிகளை பார்க்க மேற்கிந்திய தீவுகளுக்கும் சென்று விட்டார்களாம். ப்ரித்தி ஜிந்தா, ஷில்பா ஷெட்டி, தீபிகா படுகோன், பிபாஷா பாசு என நீளகிறது இந்தப் பட்டியல். சமீரா ரெட்டி, ஜெனிலியா என சிலர் புறப்படத் தயாராகி வருகிறார்கள்.

தனது ஒவ்வொரு பிரேமிலும் அதிர வைக்கும் பேரழிவுகளை படமாக்கி உள்ளார் ரான் பிட்ஸ். பெரும் கட்டிடங்கள் திட்டமிட்டு தகர்க்கப்படுவதிலிருந்து, பெரும் சூறாவளி, நடு வானில் நிகழும் பேரழிவு மோதல், எதிர்பாராத தீவிரவாதத் தாக்குதல் என பல்வேறு பேரழிவுகளை டிஸ்கவரி சேனலின் "டெஸ்ட்ராய்ட் இன் செகன்ட்ஸ்' என்ற தொடருக்காக படம் பிடித்திருக்கிறார். வாரந்தோறும் ஞாயிற்றுக்கிழமைகளில் இந்நிகழ்ச்சி ஒளிபரப்பாகிறது.

"சேலஞ் சஸ் ஆஃப் லைஃப்' என்ற பெயரில் புதிய தொடரை களம் இறக்கப் போகிறது டிஸ்கவரி குழுமம். பல கண்டங்களையும், வாழ்விடங்களையும் தழுவிய இந்தத் தொடரை 70 ஒளிப்பதிவாளர்கள் 3000 நாள்கள் படமாக்கியிருக்கிறார்கள். உயிரினங்கள் தங்கள் இனம் தொடர்ந்து நீடித்து வாழ்வதற்காக செய்யும் செயல்களை இந்தத் தொடர் படம் பிடித்து காட்டப்போகிறது. விலங்குகள் வேட்டையாடப்படும் கென்யா காடுகளின் த்ரில்லர் வேட்டைகளும் இடம் பெறுகிறது.

http://dinamani.com/edition/story.as...41&SEO=&Title=

**Google Adsense** · 11th May 2010 12:17 PM

**aanaa** · 29th May 2010, 10:10 PM

நடிக்க வந்தாச்சு

`அசத்தப் போவது யாரு' நகைச்சுவைத் தொடரை இயக்கி வரும் ராஜ்குமார், இப்போது `பசங்க' பாண்டிராஜ் இயக்கும் `வம்சம்' படத்தில் வில்லனாக நடிக்கிறார்.மு.க.தமிழரசு தயாரிக்கும் இந்தப் படத்தில் நாயகனாக நடிப்பவர் அருள்நிதி.

"வில்லன் என்றில்லை, நடிப்புக்கு சவாலான எந்த மாதிரியான கேரக்டரிலும் நடிப்பேன்'' என்கிறார், ராஜ்குமார்.

நன்றி: தினதந்தி

**aanaa** · 29th May 2010, 10:15 PM

இன்று `விஜய் விருதுகள்'

நான்காவது ஆண்டில் அடியெடுத்துள்ள ` விஜய் அவார்ட்ஸ்' நிகழ்ச்சி, திரை நட்சத்திரங்களிடையே பெரும் வரவேற்பை பெற்றுள்ளது.

2009- ம் ஆண்டு வெளியான 131 திரைப்படங்களிலிருந்து சிறந்த திரைப்படங்களை தேர்வு செய்ய `விஜய் ரசிகன் எக்ஸ்பிரஸ்' வாகனம் தமிழகம் முழுவதும் சுற்றி ரசிகர்களின் வாக்குகளை சேகரித்து வந்துள்ளது.

இந்த விருதுகள் இன்று மாலை அறிவிக்கப்படுகிறது. இன்று மாலை 6.30 மணிக்கு நேரு உள்விளையாட்டரங்கில் இதற்காக நடைபெறும் நிகழ்ச்சியில் தமிழ்த்திரையுலக நட்சத்திரங்கள், தொழில்நுட்பக் கலைஞர்கள் பெருமளவில் கலந்து கொள்கிறார்கள்.

ரசிகர்கள் தேர்ந்தெடுத்த பேவரைட் பிரிவைத் தவிர மற்ற பிரிவுகளுக்கான விருதுகள் நடுவர்களால் தேர்ந்தெடுக்கப்படும். நடுவர்களாக ஏ.ஆர்.முருகதாஸ், ரவி.கே.சந்திரன், ராதிகா, மதன் மற்றும் ïகிசேது இடம் பெற்றுள்ளனர்.

[html:fb8104d436]<div align="center">

</div>[/html:fb8104d436]

நன்றி: தினதந்தி

**aanaa** · 29th May 2010, 10:15 PM

`புதிய' சித்திரம்

கலைஞர் தொலைக்காட்சி குழுமத்திலிருந்து மற்றுமொரு தொலைக்காட்சியான `சித்திரம்' விரைவில் உதயமாகிறது.

சிறுவர்களை மகிழ்விக்க, நவீன தொழில் நுட்பத்துடன் தயாரிக்கப்பட்ட கார்ட்டூன் படங்கள் இதில் இடம் பிடிக்கும். அதோடு உலகப் பொதுமறையாம் திருக்குறள், மற்றும் புகழ்மிக்க காப்பியங்களும், எளிய முறையில் புகழ்பெற்ற சொற்பொழிவாளர்களின் விளக்க உரைகளுடன் ஒளிபரப்பு செய்யப்படும்.

2007-ம் ஆண்டு செப்டம்பர் 15-ந் தேதி துவங்கப்பட்ட கலைஞர் தொலைக்காட்சி குறுகிய காலத்திலேயே, இசைக்கென்று `இசையருவி' சேனல், செய்திகளுக்காகவே `செய்திகள்' சேனல், நகைச்சுவைக்கு `சிரிப்பொலி' சேனல் என்று ஒவ்வொரு சுவைக்கும் ஒரு தொலைக்காட்சியாக நான்கு செயற்கைக் கோள் தொலைக்காட்சிகளை உருவாக்கி வெற்றி கண்டது. இந்த வெற்றிகளைத் தொடர்ந்து குழந்தைகளுக்கென்று உருவானதே `சித்திரம்' தொலைக்காட்சி.

**aanaa** · 5th June 2010, 05:25 AM

தயாரிப்பாளர் சிம்ரன்

பெரியதிரையில் இருந்து சின்னத்திரைக்கு நடிக்க வந்த சிம்ரன், எதிர்பார்த்த தொடர் வாய்ப்புகள் கிடைக்காததால் தயாரிப்பாளராக தடம் பதிக்கிறார். தயாரிக்கும் தொடரில் முக்கிய கேரக்டர் இருந்தால் நிச்சயம் நடிக்கவும் செய்வாராம்.

நடிகையே தயாரிப்பாளர் என்னும்போது அவர் நடிக்க விரும்பினால் முக்கிய கேரக்டர் தானே உருவாகி விடாதா...!

**aanaa** · 8th June 2010, 05:15 AM

எந்த டிவியும் தங்களைக் கண்டு கொள்ளாமல் புறக்கணிப்பைக் கையாண்டதால் தேமுதிக தலைவர் விஜயகாந்த் தானே ஒரு டிவியை தொடங்கினார். கேப்டன் டிவி என பெயரிடப்பட்ட அந்த சானல் கடந்த ஏப்ரல் 14ம் தேதி முதல் ஒளிபரப்பாகி வருகிறது.

வித்தியாசமான சில நிகழ்ச்சிகளுடன் சினிமாவையே பிரதானமாக கொண்ட பல நிகழ்ச்சிகளுடன் ஒளிபரப்பாகி வருகிறது கேப்டன் டிவி.

இந்த நிலையில் நாளை முதல் கேப்டன் டிவியில் செய்திகள் ஒளிபரப்பாகவுள்ளன.

தினமும் காலை 7.30 மணி; பகல் 1 மணி; மாலை 6 மணிக்கு தலைப்புச் செய்திகள்; இரவு 7.30 மணி மற்றும் இரவு 10 மணி ஆகிய நேரங்களில் கேப்டன் செய்திகள் ஒளிபரப்பாகவுள்ளன.

தமிழகத்தில் உள்ள 234 சட்டசபைத் தொகுதிகளிலும் செய்தியாளர்களை நியமித்துள்ளதாக கேப்டன் டிவி கூறுகிறது.

சன், கலைஞர் என திமுகவுக்கு இரண்டு முக்கியமான சானல்களும், அதிமுகவுக்கு ஜெயா டிவியும், பாமகவுக்கு மக்கள் டிவியும், காங்கிரஸுக்கு வசந்த், மெகா டிவி என இரு சானல்களும் செய்திகளை வாரி வழங்கி வரும் நிலையில், தற்போது தேமுதிகவின் செய்திகளை மக்களுக்கு அளிக்க வருகிறது கேப்டன் டிவி.

**aanaa** · 8th June 2010, 05:16 AM

Tamil entertainment industry is growing leaps and bounds. If the number of films produced is growing every year the number of television channels is also growing in Tamil Nadu. The newest entrant into the home television world is Dhayanidhi Alagiri.
Cloud Nine Movies Dhayanidhi Alagiri is already a producer and distributor of repute. He is also a name in cable television MSO. Now the energetic producer is planning start a new general entertainment television channel in Tamil. The channel name under wraps is 'Dhaya' according to sources.
Sources also say the work for the new channel has already started and an office is already functioning.

**aanaa** · 11th June 2010, 05:19 AM

சிம்ரனின் சீரியல் தயாரிப்பு திட்டம் ஒரு வழியாக வரும் மாதம் ஆரம்பமாகும் எனத் தெரிகிறது. தமிழ், தெலுங்கு, ஹிந்தி என ஒரே நேரத்தில் சீரியல் தயாரிப்பில் களம் இறங்குகிறார். தமிழில் கஸ்தூரி, சங்கீதா, சங்கவி என பெயர் பட்டியல் இருக்க, கஸ்தூரிக்கே அதிர்ஷ்டம் அடித்திருக்கிறதாம். மலையாளத்திலும் தமிழ் நடிகை ஒருவர் நடிக்கலாம் எனத் தெரிகிறது. ஹிந்தியில் மனீஷா கொய்ராலா என்பது புதுத் தகவல்.

**aanaa** · 11th June 2010, 05:21 AM

பிரபு, சரத்குமார், மோகன்லால் வரிசையில் விளம்பரத்துக்கு வந்து விட்டார் அர்ஜுன். சினிமாவுக்கு வந்து 20 வருடங்களுக்கு மேல் ஆன நிலையில், இப்போதுதான் விளம்பரத்தில் நடித்துள்ளார். தன் படங்களின் தொடர் தோல்வியும் அவர் விளம்பரங்களில் கவனம் செலுத்த ஒரு முக்கிய காரணமாம். இனியும் விளம்பரங்கள் வரலாம் என்கிறார்கள்.