அன்புள்ள பம்மலார் சார்,

தங்களின் பாராட்டுக்கு முதல் நன்றி.

'நீதி' திரைக்காவியத்தின் ஆவணப்பதிவுகள் அனைத்தும் மிக மிக அருமை. அன்றைய காலகட்டத்தை நினைவில் நிறுத்தியது. 50-வது நாள் விளம்பரம் கிடைத்ததும் பதிவிடுவதாக வந்த உங்கள் அறிவிப்பு உள்ளத்தில் உவகை பொங்கச்செய்கிறது.

சென்னை தினத்தந்தியில் தேவி பாரடைஸில் 'நீதி' படத்தின் 99-வது நாள் விளம்பரம் கூட வெளியாகியிருந்தது. அத்துடன் தேவி பாரடைஸ் தியேட்டரில் இப்படத்தின் 99-வது நாள் ஷீல்டும் உள்ளது.

தங்களின் காவியப்பதிவுக்கு கணக்கிலடங்கா நன்றிகள்.

// "ஜஸ்டிஸ் கோபிநாத்" மலரும் நினைவுகள் மிக அருமை ! 16.12.1978 சனிக்கிழமையன்று காலைப்பொழுதில் 'லிபர்ட்டி' வாயிலில் நடந்த நிகழ்வுகளை தாங்கள் எழுதியிருந்தவிதம் சிரிப்புக்கு பஞ்சமில்லாமல் செய்துவிட்டது. //

பம்மலார் சார், இந்த் வேடிக்கை நடந்தது படம் வெளியான அன்று அல்ல. அதற்கு நான்கு நாட்களுக்கு முன் ரிசர்வேஷன் துவங்கியபோது நடந்தது.