veNbA vadikkalAm vA

[venkkiram]

நன்றி p_r.

[chinnakkannan]

இன்று தான் கண்டேன் சிவமாலா இந்த வெண்பாவினை.. நன்றி..மீண்டுவருவேன்..

தீபாவளிக்கு நண்பர் சின்னக்கண்ணன் ,,,,,,,,,,,,,,,,,,,,,,,,,,,,,,,,,, அவருக்கு இந்த வெண்பா"

பெரியகண்ணன் பேர்புகழ்தீ பாவளி நாளில்
சிறியகண்ணன் சென்றவிடம் எங்கோ-- நறியதேன்
ஒத்த தமிழ்ப்பாடல் ஒன்றிவண் தந்தவரும்
மெத்தப் புகழ்ச்சிபெறல் விட்டு.

இருபொருள்:

தந்தவரும் -- தந்து+அவரும், தந்தவர் +உம்.

[chinnakkannan]

அன்பின் வெங்கி ராம்..இந்தத் திரியிலேயே old archivesல் கிடைக்கும் வெண்பாவின் பாடங்கள்..

[bis_mala]

வாங்கிய நூலில் வரைந்த வழிமுறைகள்
நீங்கள் படித்தவை நெஞ்சுவிட்டு --- நீங்காமல்
நன்கினிச் செய்வீரே வெண்பாநம் நண்பர்க்குத்
தெங்கினிமை உள்ளில் திணித்து.

You may scan and analyse.

[chinnakkannan]

வந்தது தான்வந்தீர் வாரம் பலசென்று
பொங்கலது போனாலும் இங்குதான் - தங்கமாய்
எண்ணச் சிறகை எளிதாய்ப் பறக்கவிட்டு
வண்ணக் கவிதையுடன் வா(ரும்)

[bis_mala]

C.K avarkaLE, why not try to give "room" to the "rum" in the veNba itself....it is worth the effort! Nice.

[chinnakkannan]

வண்ணக் கவிதையுடன் வந்தால்தான் சொல்லிடுவேன்
எண்ண முரைக்கும் எழில்..

[chinnakkannan]

முக நூலில் செளந்தர்ய லஹரிக்கு உரை எழுத முயற்சித்துக் கொண்டிருக்கிறேன்.. அதற்காக இன்று எழுதின வெண்பாக்கள்(?!) ..

“வானில் நடமிட்டு வட்டமுகம் கோணாமல்
நாணி நகைபுரியும் நங்கையினைப் போலே
வரையற்ற வண்ணவொளி வையத்தில் நன்றாய்
நிறைத்தே அருளும் நிலவு
*
ஏக்கம் மிகக்கொண்டு ஏங்கிவரும் காதலரை
தேக்கி நிறுத்தாமல் தென்றலுடன் கூடக்
குளிர்வித்துக் காட்டின் மரநிழலில் அழகாய்
ஒளியும் நிலவின் ஒளி
*
மன்னனா மற்றோரா மாயங்கள் செய்கின்ற
கண்ணனா கள்வனா என்றெல்லாம் வெண்மதியும்
எண்ணாமல் ஈவாள் ஒளியை அதுவுமவள்
கொண்டிருக்கப் பெற்ற குணம்
*
பாவை அழகினைத்தான் பக்குவமாய் வர்ணிக்க
தேவையுள வார்த்தைகள் தீர்ந்துவிட அங்கே
கதியேது மில்லாமல் கற்றவர்கள் சொல்வர்
மதியை மயக்கும் மதி
*
வானில் இருந்தவள்தான் வந்துவிட்டாள் என்றெண்ணி
தேனில் பழத்தினைத் தோய்த்தே சுவைத்தாற்போல்
மேயும் நிலவின் பிரதிபிம்பம் தான்வாங்கிக்
காயும் நிலவால் கடல் “

நீங்க வந்தாத் தான்கொஞ்சம் எழுத முயற்சிக்கத் தோன்றுகிறது!!

[bis_mala]

அன்பின் சின்னக்கண்ணனவர்களே

நான் உங்கள் கவி கண்டு வரைந்த சில வெண்பாக்கள், எனது விரலகைவு (thumb drive) திறக்கமுடியாமல் மாட்டிக்கொண்டுவிட்டன. இதைக்கடைக்கு அனுப்பியுள்ளேன். இதில் பல கவிதைகள் உள்ளன.
என் செய்வேன்!

sad

It says drive F inaccessible, Incorrect function.

[chinnakkannan]

பரவாயில்லை சிவமாலா நான் தான் sad எனச் சொல்ல வேண்டும்.. மறுபடியும் எழுத முடிந்தால் எழுதுங்கள்..