Comedy Actors of Yester Years

[RAGHAVENDRA]

தமிழ்த் திரைப்படங்கள் என்றாலே நகைச்சுவையில்லாமல் இல்லை என்கிற அளவிற்கு ஆண்டாண்டு காலமாய் பல தலைமுறையாய் வியாபித்து வருகிறது நகைச்சுவை நடிகர்களின் பங்கு. கலைவாணர் என்.எஸ்.கே. அவர்கள் காலந் தொட்டு இன்றைய வடிவேலு வரை, மக்கள் நகைச்சுவையில் தான் தங்கள் கவலைகளை மறக்கின்றனர் என்பது உள்ளங்கை நெல்லிக்கனி. பல்வேறு பரிமாணங்கள் பல்வேறு காலகட்டங்கள் பல்வேறு நடிகர்கள் என கிட்டத்தட்ட 80 ஆண்டுகளாக வளர்ந்துள்ள தமிழ் சினிமாவின் வளர்ச்சியில் நகைச் சுவை நடிகர்களின் பங்கு முக்கியமானதாகும். ஏற்கெனவே நம் ஹப்பில் பல நகைச்சுவை நடிகர்களுக்கான திரிகள் உள்ளன. அவற்றைத் தவிர்த்தும் பொதுவாக வெவ்வேறு காலகட்டங்களில் பரிமளித்த இதர நகைச்சுவை நடிகர்களின் பங்களிப்பு பற்றி அலசவே இத்திரி உருவாக்கப் பட்டுள்ளது.

கலைவாணர் அவர்களின் காலத்திலேயே அவராலேயே பெரிதும் வியந்து ரசிக்கப் பட்ட பாராட்டப் பட்ட நகைச்சுவை நடிகர் டி.ஆர். ராமச்சந்திரன். சபாபதி திரைப்படம் மூலம் மிகப் பெரிய பிரபல்யம் அடைந்த அவரின் நடிப்பு அனைத்துத் தலைமுறையையும் கடந்து மெய் மறந்து சிரிக்க வைக்கும். ஆனால் அவருக்குள் இருந்த நடிப்புத்திறமை குணசித்திர வேடங்களிலும் கதாநாயக வேடங்களிலும் சிறந்த முறையில் வெளிப்பட்டது. உதாரணம் ராஜி என் கண்மணி, சாது மிரண்டால், போன்றவையாகும். அவருடைய நடிப்பினைப் பற்றி முதலில் அலசலாமே.

ராகவேந்திரன்