மனதைக் கவரும் மதுர கானங்கள் - பாகம் 4

மனதைக் கவரும் மதுர கானங்கள் - பாகம் 4
***************************************


முந்தி வணங்கிடுவோம் முக்கண்ணன் மைந்தனாம்
தொந்திக் கணபதியின் தாள்..

*

ஆகப் பலவாறாய் ஆடலும் பாடலுமாய்
பாகம் பிரித்திங்கே பக்குவமாய் – தேகஞ்
சிலிர்க்கவும் மென்மேலும் சிந்திக்கவும் வைத்தே
மிளிர்ந்ததே இந்தத் திரி..

*

ம்ம் என் இனிய வலை மக்களே..!

முதற்கண் பாகம் துவக்க அழைத்த வாசு அவர்களுக்கும் பணித்த கோபால் அவர்களுக்கும் வாழ்த்திய ராஜேஷ் எஸ்.வி,, கல் நாயக், ரவி, ராகவேந்தர் சிவாஜி செந்தில்,முரளி,கலைவேந்தன் எஸ்.வாசுதேவன் கோபு, ஆதிராம் ராஜ்ராஜ், ராகதேவன், நவ் வேலன் மற்றும் படிக்கும் எண்ணிலா நண்பர்களுக்கும் என் இதயத்தின் ஆழத்திலிருந்து நன்றி சொல்கிறேன்.. மிக்க நன்றி..

மூன்றாம் பாகத்தில் மிளிர்ந்தவர்களை அடுத்த பதிவில் சொல்கிறேன் என்று சொன்னாலும் கூட இந்தப் பதிவில் ஒருவரைப் பற்றிக் கண்டிப்பாகச் சொல்லக் கடமைப் பட்டுள்ளேன்..அவர்.. இனிய நண்பர் கல் நாயக்..

கொஞ்சம் தொய்வடைந்து சோஓஓஒகமாய் இழை இருந்த போது.. ஹஹஹ..அஹோ வாரும் சி.க எனக் கைகோர்த்து சோர்வடையாமல் மாறி மாறி பதிவு செய்து இழையோட்டத்தை உணர்வோட்டமாய்ச் செய்த கல் நாயக்.. கொஞ்சம் கொஞ்சம் குட்டிக் குட்டிப் பாராவில் சிரிக்க வைத்திருந்தவர், முழுக்கையை மடித்து முழுவீச்சில் இறங்கிப் பதிவுகள் செய்தார்..அதுவும் ஒன்லைன் பஞ்ச்சாய் கடைசியில் எழுதும் ஒருவரியில் ஹி ஹி எனப் புன்முறுவல் தானாகவே முகத்தில் வந்து தொற்றிக் கொள்ளும்.. அவருக்கு நன்றி + மென் மேலும் எழுதிக் குவிக்க வாழ்த்துக்கள்..
வேலைப்பளுவின் காரணமாகவோ உடல் நிலை சரியில்லையோ என்னவோ வாராதிருக்கும் கிருஷ்ணாவும் வருவார் என மனசுக்குள் ஒரு நம்பிக்கை..

*
வான மகளுக்கு என்ன கோபமோ, சோகமோ கட்டியிருந்த கருமேகச் சேலையை முகத்தில் போர்த்தி க் கொள்ள காற்றோ வேண்டாம்மா ப்ளீஸ் கொஞ்சம் சிரியேன்.. ஏன் கண்ணா பாகம் ஆரம்பிக்கிறான்னு பயந்துட்டியா என்பது போல் கொஞ்சம் சீண்ட அதையும் மீறி க் கொஞ்சம் கண்ணோரம் துளியாய் நீர் கோர்த்து இறங்கிக் கீழே விட.. அந்தத் தூறல் மெல்ல மெல்லக் கீழிறங்கி விழுந்து மண்ணில் கலக்கும் போது வருமே ஒரு ச்சிலீர் மண் வாசனை..அடடா அடடா.. அது என்ன செய்யும்..

அப்படியே இதயத்தைக் கிளறி எத்தனையோ நினைவுகளைக் கிளர்ந்தெழ வைக்குமில்லையா.. அது போல என் இதயத்திலும் கொஞ்சம் நினைவுகள் பின்னோக்கி ஓட விரல் அதை முன்னோக்கி உங்களுக்காக அடிக்கிறது!
*
அதாகப் பட்டது மன அம்பாஸடரை ரிவர்ஸ் எடுத்து படக் படக்கென பலவருடம் பின்னோக்கிச் சென்றால்..யார் அது என்ன சொல்றது..

தெரியுமே தலைகீழ்ப் ப மீசை, ஒல்லி ஒல்லி சி.க.. கல்லூரி மாணவன் அதானே..

ஆமாங்க்ணா.. கல்லூரி படித்த இறுதியாண்டுஎன நினைக்கிறேன்.. என் கல்லூரி விமான நிலையத்துக்கு அருகில்.. ஆனால் க்விஸ் போட்டி என
விளாங்குடிக்கு அருகில் இருக்கும் ஃபாத்திமா கல்லூரிக்குச் சென்றிருந்தோம்..

எங்கள் கல்லூரியில் இருந்து திடுதிப்பென என் வகுப்பில் நானும் இன்னொரு நண்பரும்.. பின் சில பல கல்லூரிகள்.. ஐந்தாறு இருக்கும் என நினைக்கிறேன்..

க்விஸ் கேட்டது ஒரு ஐ.ஏ.எஸ். ஆஃபீஸர்.. நார்த் இண்டியன். பேசியது ஆங்கிலத்தில் தான்.. நிறையக் கூட்டமெல்லாம் இல்லை..

அவர் கேட்ட ஒவ்வொருகேள்விக்கும் படக் படக்கென மற்ற கல்லூரி மாணவர்கள் சொல்லிக்கொண்டே இருக்க நாங்களும், ஃபாத்திமா கல்லூரி மாணவிகள் இருவரும் முழிமுழியென மேடையிலேயே முழித்துக் கொண்டிருந்தோம்.. ஏதாவது கேள்விக்கு த் தெரிந்த ஆன்ஸர் என்று சொல்வதற்குள் மற்றவர்கள் சொல்லிவிட நானும் நண்பரும் ஒருவரை ஒருவர் பார்த்துக் கொண்டு இருக்க, கடைசியாய் ஒரு கேள்வி..

அந்தக் கேள்வி கேட்கும் போது அந்தக் கலெக்டர் உணர்ச்சி வசப்பட்டார்..இந்தப் பாட்டு எனக்கு மிகவும் பிடிக்கும்..ஏனெனில் இந்தப் பாட்டு என் தம்பிக்கு மிகப் பிடிக்கும்..ஆனால் அவன் மரித்துவிட்டான் ஒரு விபத்தில் எனச் சொல்லி டேப்ரிகார்டரில் அந்தப் பாட்டின் இடையில் வரும் இசையைப் போட்டு என்ன பாடல் எனக் கேட்க எங்கள் கண்களில் பலப்பல மின்னல்கள் அடிக்க கோரஸாய்ச் சொன்னோம் பாடலையும் படத்தின் பெயரையும்..

பாடல் செல்வமே..ஒரே முகம்காண்கிறேன் எப்போதும்.. படம் அமர காவியம்..

முக்கந்தர் கா சிக்கந்தர் என ஹிந்தியில் வந்து ஓட்டஓட்டமாய் ஓடிய படம்.. தமிழில் சிவாஜி மாதவி ஜெய்கணேஷ் என சினிப்ரியாவில் ரிலீஸாகி சகோதரி வெளி நாட்டிலிருந்து வந்திருந்த போது அவருடன், அவர் கணவருடன் சென்று பார்த்த படம்..

நன்றாகத் தான் இருக்கும் ஆனால் சற்றே நீளம் என நினைவு.. அதன் பிறகு அந்தப் படத்தைப் பார்க்கவில்லை..

பாருங்கள் இதயத்தின் ஆழத்திலிருந்து இவையெல்லாம் வருகின்றன..இவை சொல்லும் செய்தி என்னன்னாக்க..

சரி சரி..இதயத்தைப் பற்றிப் பாட்டுதான்..

கண்களில் மயக்கம் கொண்டுவிட்ட அக்கன்னி
.. காதலதன் தாக்கம் மேனியதை வாட்டிவிட
எண்ணமது பலவாய் எங்கெங்கோ செல்லும்படி
..ஏக்கமாய்ப் மூச்சும் எழிலாக வந்தபடி
தென்றலும் தீண்ட தேகமது சிலிர்க்காமல்
…தேனுடன் சுவையாய் தித்திப்பாய்ப் பாடுகிறாள்
கன்னமும் சிவக்க களிகொள்ளும் அவள்மனமும்
…காதலன் நினைப்பினிலே கவிதையெனப் பாடுகிறாள்..

இதயம் பேசினால்..

இதயம் பேசினால் உன்னிடம் ஆயிரம் பேசுமோ..
இதழ்கள் பேசுமோ மெளனமே போதுமோ..

ஒரு நாள் வானிலே வெண்ணிலா வந்தது
உன்னைத் தான் எண்ணினேன் என்னவோ பேசினேன்

நாடக மேடையைப் போலே இந்தப் பெண்ணின் கனவுகள்
நாளெலாம் யோசனை நாடினேன் தலைவனை

ஆசைகளின் பின்னலிலே அழகின் சோதனை
இரவில் வேதனை விடிந்ததும் சிந்தனை



ந.தி, க.தி (கண்களின் திலகம்) மாதவி,

https://youtu.be/Hz9oRsTibDg

அப்ப்புறம் க்விஸ் என்ன ஆச்சா.. :) வேறுகல்லூரி வின் பண்ணிச்சு..

..அப்புறம் வாரேன்..

**

**
சென் ட்ரல் சினிமாவில் புதுப்படம் வந்தால் கொஞ்சம் கஷ்டம் தான்.. நேரில் க்யூவில் நின்று வாங்க நிறைய நேரம் நிற்க வேண்டும்.. ராகவேந்திரரோ வேறு யாரோ நினைவில்லை.. தொலைக்காட்சி நிகழ்ச்சியில் சொன்னார்கள்..முன்னாலெல்லாம் சைக்கிள் டிக்கட் என்று ஒன்று உண்டு சைக்கிள் கொண்டு போனால் அதற்கு டிக்கட் கிடைக்கும் என..

அப்படி அப்பாவின் கொஞ்சம் கனமான உயரமான ராலே சைக்கிளை எடுத்துக் கொண்டு சென்று பார்த்த படம் இன்று போல் என்றும் வாழ்க..

டிபிகல் ம.தி படம்.. எண்ட் டர் டெய்னர்.. ம.தி அரசியலில் குதித்துசூடுபிடிக்க இருந்த கால கட்டம் என நினைக்கிறேன்..

வழக்கம் போல பாடல்கள் ஓஹோ தான்.. ஆனால் .. இந்தப் பாடல் நேற்று த் தேடியதில் அகப்பட்டு ரொம்ப நாளுக்கப்புறம் கேட்டுப் பார்த்ததில் நெஞ்சத்தில் கொஞ்சம் ச்சிலீர் செய்தது.. வாலி ஐயா வரிகள். கேள்விபதில் டைப்பாக இருந்து .வெகு கவித்துவம்.. ம.தி ராதா சலூஜா.. ரொமான்ஸ்..( இதயக்கனி மறக்க முடியுமா)

காதலன் காதலி பாட்டில் வெகு யதார்த்தமான வரிகள்..

மார்கழி பூம்பனி குளிர்கள் கொண்டு
மாலை சூடியதேன்
ஆண்டவன் நீயென வணங்கி நின்று
அவள் ஆண்டாள் ஆனதனால்
*
காவிரி போல் ஒரு உணர்ச்சி வெள்ளம்
உனை கண்டால் பாய்வதென்ன

காலடி ஒசை பிறக்கும் இன்பம்
கானம் பாடுவதால்
*
தாமரைக் கன்னி சூரியன் வந்தால்
தமிழ் போல் ஏன் சிரித்தாள் ( ஹை ரவி விட்டுட்டாரே இந்தப் பாட்டை!)

பூங்குல ராணி நீரினில் ஆட
மஞ்சள் தூவியதால்

*
நீ தொடும் வேளையில் கொதிப்பும் என்ன
எந்தன் நிழலும் சுடுவதென்ன

பெண்மையின் தீபம் கண்களில் ஏந்தி
திருநாள் தேடுவதால்
*
இதயத்திலிருந்து இதழ்கள் வரை அது
ஏதோ ஒரு வகை புதிய கலை

மனப் புயலுக்குப் பிறகு அமுத மழை
அதில் மலர் போல் வளர்வது என்ன கதை...
என்ன கதை...

அது காதல் கதை.. ( நல்ல கதை தான் இல்லியோ) :)

*

https://youtu.be/hLnbxYcYhXk

ஒருவர் ந.தி திரியில் பாகப்பிரிவிணை பற்றி பேச இங்கே 4’ம் பாகம் பிரித்தே ஆகிவிட்டது. ஆம் 4’ம் பாகம் இனிதே ஆரம்பம்..திருவிளையாடல் ஆரம்பம்..
ஆம் சி.கவின் குறும்பும் தொந்தி கணபதியின் ஆசீர்வாதமும் .. நல்ல இதயங்களின் வாழ்த்துக்களுடன் தொடங்கியாயிற்று.

எல்லாவற்றையும் விட நிஜமாகவே திரி கொஞ்சம் சோர்வடைந்த நிலையில் நிலவின் ஒளி வீசி வலைக்கு வெளிச்சம் தந்தவர் கல் நாயக் .. நிச்சயம் பாராட்ட பட வேண்டியவர்.. அதை இங்கே அழகாக செய்த சி.கவிற்கு மனமார்ந்த நன்றி.

வழக்கம் போல் வாசு ஜி, ராகவ் ஜி, ரவி, கலைவேந்தர் மற்றும் கோபால் இங்கே நிறைய வர வேண்டும் அருள் மழை பொழிய வேண்டும்
செல்ல அங்கிளும்(ராஜ்ராஜ்) ஜுகல் பந்தி விருந்து அளிக்க வேண்டும்.
இந்த திரியும் மள மளவென பக்கங்களில் மட்டுமல்லாமல் நட்பும் வளரவேண்டும் என்று எல்லாம் வல்ல இறைவனை வேண்டுகிறேன்

வாழ்த்துக்கள் சி.க

மனதைக் கவரும் மதுர கானங்கள் - பாகம் 4

துவக்கிய இனிய நண்பர் திரு சின்ன கண்ணனுக்கு மனம் நிறைந்த வாழ்த்துக்கள் .உங்கள் கவிதை நடையில் மேலும் மதுர கானம் சிறப்புற பயணம் செய்ய ஆவல் .

இந்த இனிய நாளில் திரியின் தலைப்புக்கு ஏற்ற எண் 4உடன் பொருந்துகின்ற ஓர் இனிய பாடலை பதிவிடுகிறேன் . இளமை திலகம் மக்கள் திலகம் உலக பேரழகன் எம்ஜிஆர் அவர்களின் சூப்பர் நடனமும் பாடலும் நம்மை மயக்கும்.
https://youtu.be/Zqvk5Vtw3Ts

கல் நாயக். மூன்றாம் பாகத்தில் மலையாளப்பாடல்களை கேட்டு மகிழ்ந்து பாராட்டியமைக்கு நன்றி.

சின்ன கண்ணன் பெயருக்கேற்ற பாடல்
உமக்குத்தானய்யா சின்ன கண்ணா ...
https://www.youtube.com/watch?v=YGe3M47Vmvg

பிண்ணனி இசையில்லாத ஒரு பாடல். இசையரசி குரல் மட்டுமே

https://www.youtube.com/watch?v=-isZJOFXsDQ

ராஜேஷ் எஸ்வி.சார்.. மிக்க நன்றி.. வெரி ஃபாஸ்ட் ஃபீட் பேக்.. ( வயிறெல்லாம்கலங்கினது எனக்குத் தான் தெரியும்)

*

சின்னக் கண்ணனுக்குள்ளே வந்த செல்லக்கண்ணனே எந்தன் சின்னக்கண்ணனே..
கண்ணா உந்தன் பேர் சொல்லியே குயில் ஒன்று கூவுது

உந்தன் பெயர் சொன்ன பூமரம் பனிப்பூவைத் தூவுது..
குழலோசை போலுந்தன் குரல் கேட்கும் போது

உருகாத ஓர் நெஞ்சம் உலகெங்கும் ஏது..
நல்ல பாட்டு ராஜேஷ் தாங்க்ஸ்..

*
எஸ்வி சார்..

மறுபடியும் எஞ்சாய் பண்ணிக் கேட்டேன் பார்த்தேன்.. சரியான குறும்புப் பாட்டு..தில் குஷியாய்டுத்து.. நன்றி..
*
மாடியிலே காலெடுத்து மடியிலே விழுந்தேன்
மாளிகைக்கு நன்றி சொல்வதா..
இல்லை ஜாடியிலே தேனெடுத்துத் தந்தாளே
அந்தத் தங்கத்துக்கு நன்/றி சொல்வதா
*
பருவம் பழகாதது பல நாள் தனியானது
எல்லாம் புதிதானது..ஆஹா எதையும் அறியாதது..
*
அச்சமும் நாணமும் தடுக்கும்
அதில் ஆசையும் தேவையும் இருக்கும்..
*
என்னா சீன்ஸ்..!
*

ராஜேஷ் மேற்சொன்னது எழுதி போஸ்ட் பண்ண வந்தால் பின்னணி இசையில்லாத பாட்டு.. வாவ் சுசீலாம்மா குரல்..
நாமணக்கப் பாடியே நன்றாக நீந்துகின்ற
தாமரைகள் மின்னும் தளம் ( குளம்) :)

சரிங்க நான் குளிக்கலைன்னு உங்களுக்கு எப்படித் தெரியும் :)

வாழ்க்கையில் இளமைப் பருவத்தில் மட்டும் எல்லாவிதமான கேள்விகளும் எழும்புகின்றன..(ஆரம்பிச்சுட்டான்யா ஆரம்பிச்சுட்டான்)

அதுவும் இந்த கெமிஸ்ட்ரி வாலிபப்பருவத்தில் செய்யும் வேலை இருக்கிறதே நிறைய கேள்வி எழுப்பி விடைகாணத் தவிக்க வைக்கும்..

தூங்காமல் ஏங்கிநிற்க தென்றலுமே தூண்டிவிட
பூங்கொடியின் நெஞ்சத்துள் பூ!

*
இங்கே ஸ்ரீகாந்துக்கும் ஒரு கேள்வி..ராஜஸ்ரீயோ தில்லாப் பதில் சொல்கிறார்..


பூங்கொடியே பூங்கொடியே பூவிருந்தால் தருவாயோ
பொன்னைக் கொண்டு மாலை கட்டி மாலையிட வருவாயோ

பூந்தோட்டம் நல்ல பூந்தோட்டம்
ஒரு புடவையில் ஒளிந்தது மெதுவாக
பார்க்கவோ பறிக்கவோ கேட்கவோ அணியவோ
பெண்ணின் மனதிலும் எண்ணம் உள்ளது கண்ணன் சொன்னால்
போதாதோ போதாதோ

கண்களிலே நாணம் வரும்
கைகளினால் மூடிவிட்டேன்

கைகளினால் மூடிவிட்டால் காதலுமா ஓடிவிடும்
கன்னங்களில் என்னென்னவோ மின்னல் விளையாடும்

தாங்கவோ தழுவவோ
உண்ணவோ உறங்கவோ

வருஷம் மாசம் போகப் போக
வளரும் ஆசை தீராது தீராது (பொய்!)

பூமியிலே வானம் வந்து போதைகொண்டு
சேர்ந்துவிடும்
சேர்ந்தவுடன் மழைபொழியும்
பூமிஎங்கும் வெள்ளம் வரும்

வெள்ளத்தினால் பிள்ளைகள் போல் முல்லை விளையாடும்

எடுக்கவோ
தொடுக்கவோ
கொடுக்கவோ
முடிக்கவோ ஓஓ

பெண்ணின் மனதிலும் எண்ணம் உள்ளது கண்ணன் சொன்னால்
போதாதோ போதாதோ

(அதான் சொல்லிட்டேன்லம்மா) :)

**

https://youtu.be/fuSfooy7rwA


ஸ்ரீகாந்த் ராஜஸ்ரீ – ஸ்கூல் மாஸ்டர் (வாசுங்க்ணா..போட்டாச் இல்லையே!)

"இந்த திரியும் மள மளவென பக்கங்களில் மட்டுமல்லாமல் நட்பும் வளரவேண்டும் என்று எல்லாம் வல்ல இறைவனை வேண்டுகிறேன்"

உயர்ந்த கருத்துக்கள் ராஜேஷ் . உண்மையில் எல்லோருடைய வேண்டுதலும் இதுவாகத்தான் இருக்க முடியும் .

Ck - இனிதான ஆரம்பம் -கணேசனை வேண்டிக்கொண்டு ஆரம்பித்துள்ளீர்கள் - எந்த விக்னங்களும் வரவே வராது . கவைப்படாமல் மேலேசெல்லுங்கள் - வாழ்த்துக்கள் .

திரு கல்நாயக் - உங்களுக்கு நன்றி சொல்லாமல் இந்த திரியில் முதலடி எடுத்து வைப்பது சரிப்பட்டு வராது - 3ஆம் பாகத்தை ஒருவருடன் இருவராக தாங்கிப்பிடித்துக்கொண்டு நிலவின் குளிமையை எங்களுக்கு தந்து உள்ளீர்கள் - 1000 கரங்கள் கூப்பி உங்களுக்கு நன்றி சொல்ல வேண்டும் .

ராஜேஷ் : நீங்கள் கை ராசிக்காரர் - நெய்வேலியில் ஒளிந்து இருந்த நெய் மனத்தை மீண்டும் இந்த திரியில் வரவழைத்து விட்டீர்கள் - இதற்கே ஒரு பெரிய சபாஷ் உங்களுக்கு போட வேண்டும் .

Naya(k)gan illaiyendral Kannan Ethu.


Mr CK.

Started the thread with a melody of NT. Now it is your turn to rock as usual.


Regards

சீனா கானா,

முதலில் வாழ்த்துகள் மதுர கானத் திரி பாகம் 4-ஐ கவிதை மணக்க மணக்கத் துவக்கியதற்கு.

பயந்த மாதிரியே பண்ணிவிட்டீர்களே!!!

- என்ன இப்படி சொன்னதற்கு மறுபடியும் பயந்து விட்டீர்களா? இல்லை, திரியை துவக்குவதை நினைத்து பயந்து இருந்தீர்களே - நல்ல படியா துவக்கணுமேன்னு. ஆதி மூல கணபதியை கும்பிட்டு துவக்கின பின்னாடி நீங்க பயந்தது போலவே நல்ல படியாக துவக்கி விட்டீர்கள்தானே என்று கேட்டேன். அந்த குஷியில்தான் கவிதை மழையாய் பொழிகிறீர்கள். அத்தோடு உங்கள் பின்னால் நினைவுகளும் கலந்து கட்டி கவிதையும், பாடலும்... தூள்.

மற்றபடி நான் அதிகமாக பங்கெடுத்தது மதுரகானத் திரியின் 3-ஆம் பாகத்தில்தான். உண்மை. வாசுவும் நீங்களும் தந்த உற்சாகம்தான் காரணம். ராஜேஷ், ரவி, கோபால், ராஜ்ராஜ் , கலைவேந்தன், சித்தூர் வாசுதேவன், முரளி, ராகவேந்தர், கோகுல் போன்றோர் அவ்வப்போது கொடுத்த ஆதரவும் இதற்கு காரணம். யாரையாவது குறிப்பிடாமல் இருந்தால் மன்னிக்கவும். கிட்டத்தட்ட 500 பதிவுகள் இட்டிருப்பேன் என்று நினைக்கிறேன் - 11 வருட மைய அனுபவத்தில், 70 சதவீதத்திற்கு மேல் இத்திரியில்தான் பதிந்திருக்கிறேன். பாராட்டிய அனைவருக்கும் தலை வணங்குகிறேன்.

நடிகர் திலகம் திரியில் நிறைய எழுத வேண்டுமென்று ஆசை இருந்தாலும் அங்கே இருக்கும் பெரிய ஜாம்பவான்களை பார்த்து நான் திமிங்கலங்களின் முன் சிறிய ஒரு மீனாய் உணர்கிறேன் அத்துடன் அந்த திரி சற்றே உணர்ச்சி வயப்படக் கூடியவர்கள் நிறைந்தது. அதனால் பயமாயும் இருக்கும். இந்த திரியில் உங்களைப் போன்ற திமிங்கலங்களுடன் சிறிய மீனாய் உற்சாக நீச்சல் அடிக்க முடிகிறது. அதற்காக நான் அனைவருக்கும் கடமைப் பட்டுள்ளேன்.

சரி உங்களுக்காக இந்த சின்ன கண்ணன் பாடல்:

https://www.youtube.com/watch?v=sgtNN2oflUA

மேலிருக்கும் பாட்டை விட அழகான பாடல் இதோ:

https://www.youtube.com/watch?v=Fo_dKWe-MoE

என்ன ரவி,

கொதிக்கும் எண்ணெய் தொட்டி தயார் செய்து கொண்டு, ஒவ்வொரு மலராக எண்ணி கொண்டு வர ஆள் போட்டு ஆயிரம் கரங்கள் நீட்டி ஆயிரம் பதிவுகளுக்காக குலோத்துங்கன் போல காத்திருந்தேன். நீங்கள் ,அதற்குள், தப்பித்து கருவின் கருக்குள் போய் விட்டீகள். ஆவலுடன் உங்கள் புது கருவுக்காக காத்திருக்கிறோம்.

சின்ன கண்ணா,

கணபதி தோத்திரம்(வம்பில்லாமல்), எனக்கு பிடித்த இதயம் பேசினால் என்ற அபூர்வ பாடல் போட்டு ,ஆவலுடன் ராஜேஷ் சொன்னது போல,கத்தியுடன் காத்திருந்த என்னை,மலர் செண்டு கொடுக்க வைத்ததற்கு ,வாழ்த்துக்கள்.

ரவி.., //எந்த விக்னங்களும் வரவே வராது . கவைப்படாமல் மேலேசெல்லுங்கள் - வாழ்த்துக்கள் // மிக்க நன்றி.. கருவை ப் பற்றிய தொடர் ஸ்டார்ட்...

எஸ்.வாசுதேவன்.. நன்றி

கல் நாயக் நன்றி

சின்னக்கண்ணன் தோட்டத்துப் பூவாக ஒரு தேவதை வந்தாள் அழகாக.. நான் கேட்டிராத பாடல் கல் நாயக் அழகு.. நன்றி..சின்னச் சின்னக்கண்ணனுக்கும் அழகான பாட்டு நன்றி

கோ, மலர்ச்செண்டுக்கு மிக்க நன்றி..( ஆண்டவா தொடர்ச்சியா வாங்கணுமே)
*
(தங்கச் சலஙகை கட்டித் தழுவுது பூச்செண்டு!

https://youtu.be/DyqNnDKWTjE

ஓடும் நதி.... ரவி ஷீலா) ப்ரிண்ட் தான் சரியில்லை

சீனா, கானா

நான் எழுதின நிலாப் பாடல்களை எல்லாம் காணாமல் போகச் செய்த நீங்கள் போட்ட நிலாப் பாடல் யாரும் கண்டார்களா இல்லையா தெரியவில்லை. நான் கண்டேன். பயந்தேன். வெளியே சொல்லவில்லை. எனது நிலாப் பாடல்களை வேண்டுமென்றே தொடர்ந்தேன். அதுதான் அன்பே ஆருயிரே படத்தில் நடிகை நிலா நடித்த மயிலிறகே என்ற பாடல்தான். அதிலிலேயே தெரிந்துவிட்டது நீங்கள் எவ்வளவு பயங்கரமான ஆள் என்று. இப்போது பூவின் பாடல்களில் பூமாலை பாடல்கள் எழுதிக் கொண்டிருந்தேன். நீங்கள் எப்படி கவிழ்ப்பீர்கள் என்று பயந்து எதிர்பார்த்தேன். நீங்கள் பாகம் 4-ஐ துவக்குவதில் கவனமானதால் யோசிக்கவில்லை என்று நினைக்கிறேன். நான் எதிர்பார்த்த வழிகள் இவையாக கூட இருந்திருக்கலாம்: பூமாலை படப் பாடல்களை போட்டிருக்கலாம். இல்லை 'பூ' படப் பாடல்களை போடலாம். யாரும் எதிர்பார்க்காத முறையில் கவிழ்ப்பவராயிற்றே. நீங்கள் எப்படி என் பூவின் பாடல்களுக்கு ஆப்பு வைப்பீர்கள் என்று நீங்களே சொல்லி விடுங்கள். நீங்கள் ஆப்பு வைத்தாலும் நான் தொடர்வேன் என்பது தெரிந்த கதைதானே.

Quote:

---

Originally Posted by Gopal,S.

என்ன ரவி,

கொதிக்கும் எண்ணெய் தொட்டி தயார் செய்து கொண்டு, ஒவ்வொரு மலராக எண்ணி கொண்டு வர ஆள் போட்டு ஆயிரம் கரங்கள் நீட்டி ஆயிரம் பதிவுகளுக்காக குலோத்துங்கன் போல காத்திருந்தேன். நீங்கள் ,அதற்குள், தப்பித்து கருவின் கருக்குள் போய் விட்டீகள். ஆவலுடன் உங்கள் புது கருவுக்காக காத்திருக்கிறோம்.

---

கோபால்,

நீங்கள் குலோத்துங்கன் என்று சொல்லாமல் இருந்திருந்தால் உங்களை ஒட்டக்கூத்தர் என்று நினைத்திருப்பார்கள்.

*
நேற்று க் கொஞ்சம் சாவைப் பற்றிய நினைப்பு வந்தது எனக்கு..

காரணம் இரண்டு வெண்பாக்கள்:

முதலாவது எனது எழுத்தாள நண்பர் இரா. முருகன் அவர்கள் எழுதியது:

பாலுக் கொருதினம் பட்டுடுத்திச் சுற்றத்தார்
மேலுக்குத் துக்கம் நடித்தழ நாலுநாள்
இந்துவிலா பிச்சுவரி இத்தணூண்டு ஃபோட்டோவும்
வந்தால் முடியும் இறப்பு

அவர் பாட்டிற்கு எசப்பாட்டாக திரு. கிரேஸி மோகன் எழுதியது

"செத்தாத்தான் என்னஒய் ! சேதாரம் சட்டைக்கே
பத்தானால் மாசம் பிறப்பிருக்கு-சொத்தா!
உசுருனக்கு மூடா ,உயிலெழுதிச் செல்ல
மசிரேபோச் சென்று மடி "

நானும் எழுதிப் பார்த்தேன்..

மடியில் சிரம்வைத்து மாய்ந்தது போக
நடித்திருந்த வாழ்க்கை நகரும் - துடிப்பாகப்
பொங்கிப் புனர்ஜென்மம் போகுமென் றெண்ணியே
இங்கிருந்து செல்வோம் இனி

ஆக பிறந்த தேதி தெரியும்.. மறையும் தேதி தெரியாது..ஏதோ போய்க்கொண்டிருக்கிறது வாழ்க்கை..

*
இந்தப் பெண்ணிற்கும் அப்படித் தான்… படித்தவள் புரொஃபசர்..அ வள் விரும்புவதும் ஒரு ப்ரொபஸரை..ஆனால் அவருக்கோ கான்ஸர்..சில நாட்களில் ஜீவிதம் முடியப் போகிறது..

ஆனால் அவளால் காதலிக்காமல் இருக்க முடியவில்லை..உன்னுடன் இருக்கிறேனே.. என்னுடல் பொருள் ஆவியெல்லாம் தருகிறேனே ஏற்றுக்கொள்..

ம்ஹூம்.. முடியாது..

அப்படியெல்லாம் சொல்லாதே எனச் சொல்லிப் பின் என்னவெல்லாமோ பேசி அவனுடன் இருந்து விடுகிறாள்..
இது நம்மவரில் வரும் கமல் கெளதமி பார்ட். ப்ரொபஸர் ஒரு முரட்டு மாணவனைத் திருத்தும் கதை மெயின் லைன்.. ஆனால் சைடாக வரும் காதல் மிக அழகாக ஆழமாக ப் படம்பிடிக்கப் பட்டிருக்கும்..

இந்தப் பாடலும் தான்..

படத்தில் பொசுக்கென முடிந்துவிடும் பாடலை இன்று தான் ஆடியோவில் கேட்டேன்.. நிறைய்ய இருக்கிறது..


*

உடையோடு பிறக்கவில்லை
உணர்வோடு பிறந்துவிட்டோம்..
வாழ்வின் தேவையை
வாழ்ந்து போகவந்தோம்

வாடி பூங்கொடி
பிரம்மன் படைப்பில்
எந்தன் பங்கு நீயடி
உன் பங்கு அது நான் தானே

ஆஹா மன்மதா
ரத்தம் சதையில் இத்தனை சொர்க்கம் உள்ளதா

ஆண் பெண்ணின் இந்தத் தேடல் தான்
தீராதா..
கண்டேன் காதலா
இங்கே மட்டும் துன்பம் கொண்ட இன்பமே
இன்றோடு உயிர் போனாலும் வாழ்வேனே..

வா வா முல்லையே..

சாவை வெல்லும் சங்கதி இதுபோல் இல்லையே
நூறாண்டு என்னை நீ வாழவைத்தாயே..

இடையோடு தொடுவதற்கு
இடைக்கால தடைஎதற்கு
இது பாதி வேளை தான்
மீதி நாளை தான்..
*
சுஜாதா மோஹன், எஸ்.பி.பாலசுப்ரமணியம்.. சென்சார் செய்யாத ஆடியோ

https://youtu.be/RozF-zKtX_k

தனியாக வீடியோ பாட்டுக் கிடைக்கவில்லை..

பாடலுக்கு முன்னால் கமல்,கெளதமி பேசிக்கொள்ளும் ஸ்வீட் நத்திங்க்ஸ் கொள்ளை அழகு.
*
(என்ன மன்ச்சு இப்ப வந்திருக்க..

சாவுன்னு ஆரம்பிச்சு ரொமான்ஸ் பாட்டுப் போட்டிருக்கயே.. உன்னை…)

பின்ன வாரேன்..

நீண்ட குறுந்தொடர். பூவின் பாடல்கள் 9: "பூமாலை போடும் வேளை"
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
அஜித் படமாங்க. பகைவன்னு பேராங்க. நாயகி பேரு அஞ்சலா ஜாவேரியா?

ஆட தயாரா இருக்கீங்களா. சரி ஆடிக்கோங்க.

https://www.youtube.com/watch?v=cKY5Xn685mg

இதுக்கு மேல தெரிஞ்சவங்க சொல்லுங்க.

சி.க,

முதலில் வாழ்த்துக்கள். என்ன தெளிஞ்சுட்டீங்களா?

நடிகர் திலகம் திரியில் பதிய ஒரு பெரிய பதிவு தயார் செய்து கொண்டிருந்ததால் மெய்மறந்து அதிலேயே மூழ்கி விட்டேன். (நமக்குதான் நடிகர் திலகம் என்றாலே நானூறு நாளுக்கு பசி, தூக்கம் இருக்காதே)

அதான் கொஞ்சம் லேட்! ஹி ஹி ஹி...

அமர்க்களமான துவக்கம். இனிதே ஆரம்பம்.

அந்தக் கணபதியும், எங்கள் கணேசனும் இருக்க வெற்றிக்கு எது பஞ்சம்?

//கொஞ்சம் தொய்வடைந்து சோஓஓஒகமாய் இழை இருந்த போது.. ஹஹஹ..அஹோ வாரும் சி.க எனக் கைகோர்த்து சோர்வடையாமல் மாறி மாறி பதிவு செய்து இழையோட்டத்தை உணர்வோட்டமாய்ச் செய்த கல் நாயக்.. கொஞ்சம் கொஞ்சம் குட்டிக் குட்டிப் பாராவில் சிரிக்க வைத்திருந்தவர், முழுக்கையை மடித்து முழுவீச்சில் இறங்கிப் பதிவுகள் செய்தார்..அதுவும் ஒன்லைன் பஞ்ச்சாய் கடைசியில் எழுதும் ஒருவரியில் ஹி ஹி எனப் புன்முறுவல் தானாகவே முகத்தில் வந்து தொற்றிக் கொள்ளும்.. அவருக்கு நன்றி + மென் மேலும் எழுதிக் குவிக்க வாழ்த்துக்கள்..//

நிஜமான, மெய்யான, நிதர்சனமான உண்மை. நாயக் மூன்றின் நாயகர். நேற்று கிருஷ்ணாவிடம் போனில் உரையாடும் போது இதையேதான் சொன்னேன். நீரும் இன்னொரு கதாநாயகர். ('காளி' ரஜினி விஜயகுமார் போல்) உங்கள் இருவருக்கும், மற்றைய அனைவருக்கும் என் நெஞ்சார்ந்த நன்றி! நல்லபடியாக மூன்றை தொடக்கி முடித்த ராஜேஷ்ஜிக்கும் நன்றி!

'இதயம் பேசினால்' அற்புதமான பாடல். வாணியின் முத்திரைகளில் சிறந்த ஒன்று. அதை ரசித்த உமது ரசனை அதனினும் பெரிது.

அப்புறம் இன்னொரு மகிழ்ச்சியான செய்தி. நம் எல்லோருக்கும் நல்லவரான நமதருமை கிருஷ்ணா இன்னைக்கு வரார்.:redjump: 'டும் டும் டும்'... அவரை இப்போதே வரவேற்கத் தயாராவோம். நேற்று அவரிடம் பேசி விட்டேன்.

சி.க,

சந்தோஷம்தானே! அப்புறம் போட்டாச்சு போட்டாச்சு:)

கிருஷ்ணா! வருக! வருக!

கல்நாயக்,

வருக! தருக! மூன்றின் நாயகர் அல்லவோ தாங்கள். வாழ்த்துக்கள்.

இங்கு நல்லாயிருக்கணும் எல்லாரும்
நலம் எல்லாம் விளையணும் எந்நாளும்

மதுரகானம் திரியின் 4-வது பாகத்தை துவக்கியிருக்கும் நண்பர் சின்னக்கண்ணனுக்கு மனப்பூர்வமான வாழ்த்துக்கள். நீங்கள் துவங்கியிருக்கும் இந்த திரி அபூர்வ பாடல்களாலும் அரிய தகவல்களாலும் நிரம்ப வாழ்த்துக்கள்.

நீங்கள் குறிப்பிட்டது போல கடந்த பாகத்தில் திரியை வெற்றிகரமாக கொண்டு சென்றதில் கல்நாயக்கின் பங்கு மகத்தானது. அவருக்கும் வாழ்த்துக்கள்.

சின்னக்கண்ணன் தொடங்கியிருக்கும் இந்த திரியில் பங்கு கொள்வோர், படித்து ரசிப்போர் மட்டுமின்றி எல்லாரும் நன்றாக இருக்க வேண்டும் என்று வாழ்த்தி இந்த பாடலை தரவேற்ற வேண்டுகிறேன்.

ஒருதாய் மக்கள் படத்தில் இடம் பெற்ற திரு.வாலி அவர்களின் பாடல்.

இங்கு நல்லாயிருக்கணும் எல்லாரும்
நலம் எல்லாம் விளையணும் எந்நாளும்
நாம ஒன்னோடு ஒன்னாக சேரணும்
இந்த மண்ணெல்லாம் பொன்னாக மாறணும்

... எனக்கு ரொம்ப பிடித்தமான பாடல்.

பாடலில் மக்கள் திலகம், சில்க் ஜிப்பா, தார் பாய்ச்சி கட்டிய ஜரிகை வேட்டியுடன் மிக அழகாக இருப்பார். போடும் ஸ்டெப்ஸ் அமர்க்களம். ஓரிடத்தில் 4 பேர் குந்தியபடி உட்கார்ந்திருக்க எந்த பிடிமானமும் இல்லாமல் அடுத்தடுத்து பச்சைக்குதிரை மாதிரி அவர் தாண்டிச் செல்வது வியப்பு.

‘உச்சி வெயில் சூடுபட்டு உடம்பு கருத்தது
இந்த ஊருக்காக உழைச்சு உழைச்சு கண்கள் சிவந்தது
கருப்பும் சிவப்பும் கலந்திருக்கிற மேனியப்பாரு (அப்போது மக்கள் திலகம் திமுகவில் இருந்தார்)
நம்ம காலம் இப்போ நடக்குதுன்னு கூறடி கூறு (நாளை முதல்வராக பதவியேற்க உள்ள செல்வி. ஜெயலலிதா அவர்களுக்கு பொருத்தமான வரிகள். ஆளுநரை சந்தித்து அமைச்சர் பட்டியல் கொடுத்தாச்சு)

ஊரும் உறவும் சேர்ந்திருந்தா உசந்து வாழலாம்
எதையும் உனக்கு மட்டும் சேத்து வச்சா உலகம் ஏசலாம்
காத்தும் மழையும் யாருக்கும்தான் பொதுவில் இருக்குது
அந்த கடவுளுக்கும் பொதுவுடமை கருத்து இருக்குது

........என்ன அழகான, கருத்துள்ள வரிகள்.

இன்றுபோல் என்றும் வாழ்க பாடலை தரவேற்றியதற்காக நன்றி சின்னக்கண்ணன். அதற்காக உங்களுக்கு இதயத்தில் இருந்து இதழ்கள் வழியே நன்றி கூறுகிறேன். இதைப் பார்த்ததும் எனக்கு நினைவு வந்தது.

இன்றுபோல் என்றும் வாழ்க படத்தின் 100வது நாள் விழா, சென்னை உட்லண்ட்ஸ் ஹோட்டலில் நடந்தது. அப்போதைய ஆளுநர் திரு.பிரபுதாஸ் பட்வாரி விழாவில் கலந்து கொண்டு புரட்சித் தலைவர் உட்பட கலைஞர்களுக்கு விருதுகள் வழங்கினார். மக்கள் திலகத்தின் அழகையும் இளமையையும் வியந்து பாராட்டினார்.

அந்த விழாவில் திரு.வாலியும் கல்கண்டு பத்திரிகை ஆசிரியர் திரு. தமிழ்வாணனும் கலந்து கொண்டனர். தமிழ்வாணன் அவர்கள் திரு.வாலியை தாக்கியும் கவியரசர் கண்ணதாசனை தூக்கியும் எழுதுவார். ஒருமுறை கல்கண்டு பத்திரிகையில் கேள்வி பதிலில் இருவரையும் ஒப்பீடு செய்து ‘கண்ணதாசன் யானை, வாலி ஒரு கொசு’ என்று குறிப்பிட்டார்.

இந்த விழாவில் கலந்து கொண்டபோது, திரு. வாலியிடம் திரு.தமிழ்வாணன் சகஜமாக பேசிக் கொண்டிருந்துவிட்டு, பின்னர், ‘உங்களை நான் கொசு என்று குறிப்பிட்டது பற்றி வருத்தப்பட்டீர்களா?’ என்று கேட்டார். அதற்கு வாலி அளித்த பதில்...

‘வருத்தப்படவில்லை. ஆனால் ஒன்று மட்டும் சொல்கிறேன். கொசு கடித்தால் யானைக்கால் வரும்’.

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்

வாசுங்க்ணா.. வாங்க.. லேட்டானாலும் பரவாயில்லை..ஏதோ எஸ்.பி.பி யோட வருவீங்கன்னு நினச்சேன் ம்ம்.. ந.திக்கா.. ஒண்ணு அங்கிட்டு இன்னொண்ணு இங்கிட்டு ஓகேயா

//கொசு கடித்தால் யானைக்கால் வரும்// :) கலைவேந்தன் வழக்கம்போல் பஞ்ச்..உங்கள் பாட்டு தான் தேடினேன் கிடைக்கவில்லை

பாராட்டிய வாசுசார் கலைவேந்தனுக்குத் தனித்தனியாக நன்றிகள்..:)

கடலோரம் வீடு கட்டி கற்பனையால் சுவரெடுத்து
காதலினால் வாசல் வைத்துக் காத்திருப்பேன்

சிவகுமார் லஷ்மி கஸ்தூரிதிலகம்..

https://youtu.be/-qJOcjdxij8

i think ithu pOttach illai ena ninaikirEn :)

அனைவருக்கும் இனிய வணக்கம்

நீண்ட நாள் கழித்து நேற்று இரவு நம்மவர், நல்லவர், குணக்குன்று நெய்வேலியார் அவர்களிடம் தொலைபேசியில் உரையாடிய போது
மதுர கானம் திரி மூன்றாம் பாகம் இனிதே முடிந்து நான்காம் பாகம் மதுரை தங்கம் சி கே துவக்குகிறார் என்பது அறிந்து மட்டற்ற மகிழ்ச்சி அடைந்தேன்.அமர காவியம் பாடலுடன் இனிதே துவங்கி உள்ள இந்த பாகம் அமர காவியமாக விளங்க எல்லாம் வல்ல அந்த கணேச பெம்மானையும் ,ராமச்சந்திர பிரபுவையும் வணங்குகிறேன்.

வெண்ணிற ஆடை மூர்த்தியின் ஒரு வசனம் நினைவிற்கு வருகிறது.
குமரன் சன் ஒப் மகாலட்சுமி திரை படத்தில் இடம் பெற்றது.
'துவண்டு கிடந்த வியாபாரத்தை செங்குத்தாக தூக்கி நிறுத்திட்டே " என்று விவேக்கிடம் கூறும் போது அரங்கமே அலறும்.

அதே போன்று சற்று தொய்வு அடைந்த மூன்றாம் பாகத்தை எந்த மாச்சரியதிற்கும் ஆட்படாமல் தொடர்ந்து தூக்கி நிறுத்திய கல்நாயக் ஜி ,சி கே ஜி மற்றும் உறுதுணை புரிந்த ரவி ஜி ,கலை ஜி ,ராஜேஷ் ஜி,ஜுகல் பந்தி புகழ் பெரியவர் ராஜ் ஜி எல்லோருக்கும் வாழ்த்துகள். திக்கெட்டும் ஒலிக்கட்டும் மதுர கானம் .

உடன் நெய்வெலியாரின் 'ஜோதி' வேறு துணை இருக்க மதுர கானத்தின் வெற்றிக்கு யார் தடை போடுவர்.

மேலும் நண்பர் சி கே ஜி 7000 பதிவுகள் இட்டு தொடர்ந்து வெற்றி நடை போட்டு கொண்டு இருக்கிறார் என்பது அறிந்தும் அளவிலா ஆனந்தம் .
கொண்டேன். அவருக்கு சிறப்பு வாழ்த்துகள்.

வாழ்க தமிழ் வளர்க கலை .

https://encrypted-tbn3.gstatic.com/i...zmcbo5bDC16hSQ

குணக்குன்று நெய்வேலியாருக்கு ஒரு விண்ணப்பம் 'கீழ் கண்ட படத்தில் இருக்கும் 'குன்று' மன்னிக்கவும் நடிகையை பற்றி சிறு குறிப்பு ஒன்று வரையவும் :) மேற்படி படத்தில் குதிரை ஒலி மூர்த்தி-ஜோதியின் மகளாகவும் விவேக்கின் காதலியாகவும் வருவார்

https://encrypted-tbn2.gstatic.com/i...jOv4-m_wrXgHLg

(சின்னக்) கண்ணனுக்கும் கிருஷ்ணா(சாரு)க்கும் வாழ்த்துரைப்போம் பாடி

சின்னக்கண்ணன், பாடலை எனக்காக தேடியதற்கு நன்றி. கிடைக்காவிட்டால் பரவாயில்லை. இருந்தாலும் புதிய திரியின் முதல் நாளில் நான் சொன்ன பாடலை தரவேற்ற முடியவில்லை என்ற குறை வேண்டாம். இந்தப் பாடல் கிடைக்கும் என்று நினைக்கிறேன். அருமையான பாடல். வாசு சார் விட்டிருக்க மாட்டார்.

திருமால் பெருமை படத்தில், ‘கண்ணனுக்கும் கள்வனுக்கும் பேதமில்லை தோழி...’ பாடல் எனக்கு மிகவும் பிடிக்கும். திருமங்கை ஆழ்வாராக நடிகர் திலகம் திரு.சிவாஜி கணேசன் அவர்கள் சிறப்பாக நடித்திருப்பார்.

அந்தக் கண்ணனும் சரி, நீங்களும் சரி திருடர்கள் என்பதில் பேதமில்லைதான். ஆனால், அவன் திருடியது வெண்ணையை. நீங்கள் திருடுவது உள்ளங்களை. அன்பால் உள்ளங்களை திருடுவதும் நல்லதுதான். அதனால், புதிய திரியை துவங்கியுள்ள உங்களுக்காக....

‘நல்லதற்கு திருடுவதும் நாணயம்தான் தோழி
அதை நாட்டி வைத்த (சின்னக்) கண்ணனுக்கு வாழ்த்துரைப்போம் பாடி’

கிருஷ்ணா சார், எவ்வளவு நாளாகி விட்டது உங்களை சந்தித்து. மிக்க மகிழ்ச்சி.

கண்ணனும் கிருஷ்ணனும் ஒன்றுதானே. வருகை தந்துள்ள கிருஷ்ணா (சாருக்கும்) வாழ்த்துரைப்போம் பாடி.

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்

Quote:

---

Originally Posted by KALAIVENTHAN

(சின்னக்) கண்ணனுக்கும் கிருஷ்ணா(சாரு)க்கும் வாழ்த்துரைப்போம் பாடி

கிருஷ்ணா சார், எவ்வளவு நாளாகி விட்டது உங்களை சந்தித்து. மிக்க மகிழ்ச்சி.

கண்ணனும் கிருஷ்ணனும் ஒன்றுதானே. வருகை தந்துள்ள கிருஷ்ணா (சாருக்கும்) வாழ்த்துரைப்போம் பாடி.

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்

---

வாழ்த்திற்கு மிக்க நன்றி கலை சார். என்றும் தொடர வேண்டும் நமது நட்பு

https://encrypted-tbn1.gstatic.com/i...lBB_qsmj3r3c3c

திரு கிருஷ்ணாஜி , நல் வரவு . உங்களை இங்கு மீண்டும் அழைத்து வந்த வாசுவிற்க்கும் , அவரை மீண்டும் இங்கு அழைத்து வந்த பாகம் , அந்த மூன்றை திறந்து , நெய்வேலியை உடைத்து , அதை பொது உடமையாக்கிய ராஜேஷ் அவர்களுக்கும் உங்கள் வரவு மூலம் மீண்டும் நன்றி சொல்ல கடமைப்பட்டுருக்கிறோம் .

நான்காம் பாகம் கலை ( அவர்களின் அருமையான பதிவுகள் மூலமும் ) கட்ட ஆரம்பித்து விட்டது - ஒரு பக்கம் நிலவின் அரசாட்சி , பூக்களின் புன்சிரிப்பு , மறு பக்கம் 7000 த்தை எட்டி பிடித்தவரின் பேனாவின் ( சாரி மௌஸ் இன் ) விளையாட்டு , -" பாலாவின் " பூகம்ப பதிவுகள் , திலகங்களின் சங்கமம் --- இதன் நடுவில் எந்த பக்கமும் வழித்தெரியாமல் தவிக்கும் நான் போடும் பதிவுகள் - இவைகளை ஒன்றாக இணைய வைக்கும் திறமை உங்கள் புல்லாங்குழலில் தான் உள்ளது ..

அன்புடன்

WELCOME KRISHNA SIR

https://youtu.be/YTM_u8xjTEI

சி.க. சார்
பாகம் நான்கினை வெற்றிகரமாகத் துவக்கி கிருஷ்ணாவையும் வரவைத்து விட்டீர்கள். கண்ணனை நினைத்தால் சொன்னது நடக்கும் என்ற பாட்டு உண்மையாகி விட்டது பார்த்தீர்களா.
தங்களுக்கு என் உளமார்ந்த வாழ்த்துக்கள்.
பாகம் மூன்றினை மிகச் சிறப்பாக நடத்திச்சென்றதற்கும் உளமார்ந்த பாராட்டுக்கள். நடுவில் கணினியின் கோளாறால் பல நாட்கள் பங்கேற்க முடியவில்லை என்றாலும் மிகவும் விறுவிறுவென பாகம் மூன்று பறந்து விட்டது. இதற்கு பெரிதும் துணை நின்றவர் பெயரில் மட்டும் கல்லை வைத்துக்கொண்டு உள்ளத்தில் மென்மையை வைத்திருக்கும் கல் நாயக் அவர்களே. அவருக்கே பெரும் பங்கு பாராட்டு சேரும். நிலாத் தொடரைத் தொடர்ந்து மலரைத் துவக்கி, மதுர கானம் திரி நிலவும் மலரும் பாட, நினைவில் தென்றலை வீச வைத்தார்.

முதலில் அவருக்குப் பாராட்டாக ஒரு பூப் பாடல்..

இந்தப் பூவின் மனசில் என்னவோ குழப்பம். அதை அவன் அறிவானா தெரியவில்லை. அவனே கேட்கிறான், பூவே என்ன போராட்டம்...நாமும் அறிந்து கொள்ள முயல்வோமே..

குலதெய்வம் ராஜகோபால் அவர்களின் புதல்வர்கள் சம்பத் மற்றும் செல்வன் இருவரும் இணைந்து இசையமைத்து, மறைந்த இயக்குநர் அமீர்ஜான் இயக்கிய ஓடங்கள் படத்திலிருந்து இனிமையான பாடல்...

https://www.youtube.com/watch?v=-6Zn1krKRCc

கிருஷ்ணா ஜீ,
வாருங்கள்.. தாங்கள் இல்லாமல் அந்தக் குசும்பு இல்லாமல்.. திரி மூன்று சற்றே தொய்வில் இருந்தது. இருந்தாலும் சி.க. கல்நாயக் இருவரும் அவர்களுடைய பாணியில் தூள் கிளப்பி விட்டார்கள்.
இனி என்ன... தொடருங்கள்...
ஆவலுடன் காத்திருக்கிறேன்...

கலை..
இதோ நீங்கள் கேட்ட ஒரு தாய் மக்கள் பாடல்..

http://www.dailymotion.com/video/x15...971_shortfilms

சி.க.
அமர காவியமாய் விளங்குகிறது தங்களின் இணைப்புரை இதயம் பேசினால் ஆயிரம் என்ன லட்சம் கூட பேசும். ஆனால் அதைப் பேச விடவேண்டுமே.. அது நடந்து விட்டால் மனித வாழ்க்கையில் எல்லாமே நல்லதாய் நடந்து விடும்..

ஆஹா! கிருஷ்ணா சார்!

http://www.akilan.8m.net/varuga.gif

http://dingoyoga.com/wp-content/uplo...12/Krishna.jpg

http://img1.sendscraps.com/se/180/006.gif

வாருங்கள். வாருங்கள். அப்பாடி! எவ்வளவு நாட்கள் ஆகி விட்டது? தங்கள் வருகை அப்படியே பாகம் இரண்டை ஞாபகப்படுத்தி விட்டது. சற்று கிள்ளிப் பார்த்துக் கொண்டு பிறகுதான் நார்மலுக்கு வந்தேன். இனி கலகலப்புக்கு பஞ்சம் எது? கேள்விகளுக்கும், பதில்களுக்கும் பஞ்சமேது?

நேற்று இரவு தங்களுடன் கைபேசியில் உரையாடியதும், அப்போது என் வேண்டுகோளை ஏற்று "நாளை நான் கண்டிப்பாக நான்கில் பதிகிறேன்.... சின்னக் கண்ணனை வாழ்த்துகிறேன்" என்று சொன்னதும்தான் நிம்மதியாக உறங்கினேன். அதே போல் உங்களுக்கே உரித்தான பெருந்தன்மையுடன் நீங்கள் இங்கே களம் இறங்கி எங்களை எல்லையில்லாக் களிப்புக் கடலில் மிதக்க வைத்து விட்டீர்கள்.

எல்லாம் கண்ணனின் லீலைகள். அந்த நல்லதையே நினைக்கும் இனிய உள்ளம் தன் கைகளால் புதிய பாகத்தைத் துவங்கியவுடன் என் உயிர்க் கிருஷ்ணாவும் வந்து விட்டீர்கள். ராசியான கைகளுக்கு சொந்தக் காரர் சி.கவுக்கும் என் மனமார்ந்த நன்றி!

'வாராயென் தோழா வாராயோ' என்று திருமுருகன் பெயர் சொல்லி உங்களை வரவேற்கிறேன்.:)

கிருஷ்ணா வந்தவுடன் இப்படி ஒரு சந்தேகமா? எட்டாங்கிளாஸ் பையனிடம் எட்டாத உயரத்தில் ஒரு கேள்வியா? (வாசு... தூக்கம் போச்சேடா! மண்டை வெடிச்சுடுமே! மொதக் குத்தே இப்படி விழுந்துடுச்சே!):)

தங்கள் அன்புக்கு என் அளவில்லா ஆனந்த நன்றிகள்.

கிருஷ்ணா நீங்கள் திரிக்கு மீண்டும் வந்ததால்

https://youtu.be/M44UMo1yYZw

அன்பு ராகவேந்திரன் சார்,

பாகம் நான்கிற்கு தங்களை மனதார வரவேற்கிறேன்.

என்ன வரவேற்பு !

அமர்க்களம் போங்கள். இந்த சும்பனின் மீது காட்டும் வேந்தரின் வம்பு (சும்மா ஜாலிக்கு தான் :)),வாசு ஜி யின் அம்பு மன்னிக்கவும் அன்பு ,எஸ்வி அவர்களின் பாம்பு :) மன்னிக்கவும் பண்பு ,ரவி ஜி யின் கனிவு எல்லையில்லா இந்த நட்பு என்றும் தொடர வேண்டும் நண்பர்களே

http://i1098.photobucket.com/albums/...hga0000001.jpg
http://www.youtube.com/watch?v=ucIT-ESbXkA

ராகவேந்திரன் சார்,

'ஓடங்கள்' படப் பாடலுக்கு நன்றி!

ஒரு சந்தேகம். இந்தப் படம் நம் ராதாரவியின் சொந்தத் தயாரிப்புதானே?

ஆச்சிக்குக் கூட ஒரு பாட்டு உண்டே!

'கிழவிக்கு முதல் இரவு'

பார்த்தீங்களா சார்! கிருஷ்ணா வந்ததும் கிழவிக்கு கூட முதல் இரவு.:) எல்லாம் எப்படி அமைகிறது பார்த்தீர்களா?

Quote:

---

Originally Posted by gkrishna

என்ன வரவேற்பு !

அமர்க்களம் போங்கள். இந்த சும்பனின் மீது காட்டும் வேந்தரின் வம்பு (சும்மா ஜாலிக்கு தான் :)),வாசு ஜி யின் அம்பு மன்னிக்கவும் அன்பு ,எஸ்வி அவர்களின் பாம்பு :) மன்னிக்கவும் பண்பு ,ரவி ஜி யின் கனிவு எல்லையில்லா இந்த நட்பு என்றும் தொடர வேண்டும் நண்பர்களே

---

பெரிய க(கொ)ம்பனய்யா நீர். வம்பனும் கூட. :)

https://encrypted-tbn3.gstatic.com/i...oLmk8XBs9Pgq7Q

வாசு நாம் பாகம் இரண்டில் இந்த படத்தை பற்றி பேசி இருக்கிறோம்
28-jul -14 - பதிவு எண் 2527

இந்த ஓடங்கள் படம் ஷபீக் என்ற சஞ்சய் என்ற வருன்ராஜ் என்ற நடிகர் நடித்து வெளிவந்தது 1986 .
பாலச்சந்தர் உதவி இயக்குனர் அமீர் ஜான் இயக்கம்
psv ஹரிஹரன் தயாரிப்பு

வைரமுத்துவின் வைர வரிகளில் பாலாவின் இனிய குரல்

'சந்தன பூவா சந்தன பூவா சம்மதம் கேக்க போரேன் போரேன் .
பங்குனி மாசம் பரிசம் போட வாரேன் வாரேன்
உனது உதட்டில் எனது உதடு கவிதைகள் தீட்டுமே
காமன் தேசம் கடிதம் போட்டு பாராட்டுமே '

இந்த நடிகர் மலையாளத்தில் ஷபீக் என்ற பெயரில் அறிமுகம் ஆகி பின் சஞ்சய் என்ற பெயரில் ஓடங்கள் என்ற தமிழ் படத்தில் நடித்து
பிறகு 1992 கால கட்டத்தில் வருன் ராஜ் என்ற பெயரில் 'தூது போ செல்லகிளியே','கங்கை கரை பாட்டு '
போன்ற திரை படங்களில் மீண்டும் முயற்ச்சி செய்தார்.