மனதை மயக்கும் மதுர கானங்கள்

மனதை மயக்கும் மதுர கானங்கள்

அனைவருக்கும் வணக்கம்.

அதுவும் பழைய பாடல்கள் விரும்பிகளுக்கு என் ஸ்பெஷல் வணக்கங்கள்.

இது ஒரு புது இழை.

'மனதை மயக்கும் மதுர கானங்கள்'

தமிழ்ப் படங்களில் நம் மனதில் என்றும் நீங்கா இடம் பெற்ற மதுர கானங்களைக் கண்டும், கேட்கவும், மகிழவும் இந்த இழை தொடங்கப்பட்டுள்ளது.

நம் மனதில் பல பாடல்கள் எப்போதும் ரீங்காரமிட்டுக் கொண்டே இருக்கின்றன. சில பாடல்களை நம்மை அறியாமல் வாய் முணுமுணுத்துக் கொண்டே இருக்கும். ஆனால் படம் என்னவென்று தெரியாது. படத்தின் பெயர் தெரியும். பாடல் நினைவுக்கு வராது.

இதற்கெல்லாம் இந்த இழை ஒரு தீர்வாக அமையும் என்று நினைக்கிறேன்.

இதில் இன்னொன்று. மிடில் சாங்ஸ் என்று நாம் செல்லமாகப் பெயரிட்டு அழைக்கும் பல பாடல்களை நாம் இங்கே நினைவு கூற இருக்கிறோம். அவ்வளவு அற்புதமான பாடல்கள் இருக்கின்றன. திரையிசைப் பாடல்களைப் பற்றி அறிந்த ஜாம்பவான்கள் பலர் நமது ஹப்பில் இருக்கிறார்கள். நிச்சயம் அவர்கள் இந்த இழையில் பங்கு கொண்டு தங்களுக்குத் தெரிந்த பல அபூர்வ விஷயங்களை நம்முடன் பகிர்ந்து கொள்வார்கள் என்று நான் உறுதியாக நம்புகிறேன்..

வெறுமனே யூ டியூபிலிருந்து பாடலை இழுத்துப் போட எனக்கு உடன்பாடில்லை. அது போரடிக்கவே செய்யும். அப்பாடல்களைப் பற்றிய சுவையான தொகுப்புகளை நாம் நமக்குத் தெரிந்தவற்றை மற்றவர்களுக்கு தெரிவித்தால் இத்திரியின் சுவாரஸ்யம் வெகுவாகக் கூடும். மேலும் அரிய, மிக அரிய பாடல்களை நாம் இங்கே அலசலாம்.

அனைவரது ஒத்துழைப்பும் இங்கு கிடைக்கும் என்று பரிபூரணமாக நம்புகிறேன்.

முதலில் 'மறுபிறவி' படத்திலிருந்து ஒரு பாடல்.

http://www.inbaminge.com/t/m/Marupiravi/folder.jpg

முதலில் இந்தப் படத்தைப் பற்றிய சிறு குறிப்பு. 1973-இல் வெளியான இத்திரைப்படம் விஜயா சூரி கம்பைன்ஸ் தயாரிப்பு.

முத்துராமன், மஞ்சுளா, அசோகன், தேங்காய் ஸ்ரீனிவாசன் போன்றோர் நடித்திருந்த இத்திரைப்படம் நிஜமாகவே ஒரு புதுமைத் தயாரிப்புதான். டாக்டர் கோவூர் அவர்களும் இப்படத்தில் மனநல மருத்துவராகவே நடித்திருந்தார்.

அப்போதே 'அடல்ட்ஸ் ஒன்லி' அதாவது 'A' செர்டிபிகேட் பெற்ற படம் இது. மலையாளத்தில் வந்து பெரும் வெற்றி பெற்ற 'புனர்ஜென்மம்' என்ற திரைப்படத்தின் தமிழாக்கமே 'மறுபிறவி' ஆகும். மலையாளத்தில் பிரேம்நசீர், ஜெயபாரதி பிரதான பாத்திரங்களில் நடித்திருந்தனர்.

சிக்கலான முள் மேல் நடப்பது போன்ற கதையமைப்பு கொண்ட அருமையான திரைப்படம் இது.

ஒரு வரியில் கதையை சொல்ல வேண்டுமென்றால்

கல்லூரி பேராசிரியர் ஒருவர் அக்கல்லூரி மாணவியை விரும்பியே மணந்து கொள்கிறார். ஆனால் அவளுடன் தாம்பத்ய உறவு கொள்ள மட்டும் அவர் உடலும், மனமும் நடுங்குகின்றது. உடலில் அவருக்குக் குறையில்லை. தனக்கு உடல்சுகம் தேவைப்படும் போது தன் வீட்டு வேலைக்காரியுடன் அவர் உறவு வைத்துக் கொள்கிறார். மனதில்தான் அவருக்குக் குறை. மனைவியோ தன் கணவனின் போக்கை எண்ணி செய்வதறியாது திகைக்கிறாள். கண்ணீர் வடிக்கிறாள்.

இறுதியில் மருத்துவரை நாடும் போது கணவனின் பலவீனத்துக்குக் காரணம் புரிகிறது. கணவனின் தாயின் உருவமும், அவன் தாரத்தின் உருவமும் ஒத்துப் போவதால் அவன் தன் தாரத்தை நெருங்கும் போதெல்லாம் மனைவியின் முகத்தில் தன் அன்னையின் உருவத்தைப் பார்க்கிறான். அதனால் மனைவி உறவு கொள்ள வரும்போதெல்லாம் அவளை விட்டு விலகுகிறான்.

இறுதியில் அருமையான மனநல மருத்துவ சிகிச்சைக்குப் பிறகு நார்மலாகிறான் கணவன்.

அன்றைய காலகட்டத்தில் "அய்யய்யோ! 'மறுபிறவி' மோசமான படமாயிற்றே!" என்று பொய்யாக எல்லோரும் வெறுத்த படம் இது.

ஏனென்றால் படத்தின் கதை அமைப்பிற்குத் தேவையான காட்சி அமைப்புகள். இளமை பொங்கும் மனைவியாக மஞ்சுளா தன் தாம்பத்ய உறவிற்காக கணவன் முத்துராமனிடம் ஏங்கும் காட்சிகள் அப்போது மிகவும் பரபரப்பாகப் பேசப்பட்டன. மஞ்சுளாவும் சற்று தாராளமாக நடித்திருந்தார். முத்துராமனுக்கு முற்றிலும் புதுமையான வேடம். அமிர்தம் அவர்களின் ஒளிப்பதிவு பௌர்ணமி நிலவின் ஒளி போல பளிச்சோ பளிச்.

18 வயதுக்குக் கீழே வரும் சிறுவர், சிறுமிகள், மாணாக்கர்களுக்கு தியேட்டரில் டிக்கெட் தர மாட்டார்கள்.

இந்த லிஸ்டில் சேர்ந்த வேறு இரண்டு படங்கள். ஒன்று 'அவள்'. இன்னொரு படம் பாலச்சந்தரின் 'அரங்கேற்றம்'.

இலங்கையை சார்ந்த 'டாக்டர் கோவூர்' எழுதிய இந்த கதையை அற்புதமாகப் படமாக்கியிருந்தார் இயக்குனர் ராமண்ணா. டி .ஆர் பாப்பா என்ற அற்புத இசையமைப்பாளரின் பங்கை இப்படத்தில் என்னவென்று சொல்ல!

ஒவ்வொரு பாடலும் தேன் சொட்டும் ராகம்.

டி.என்.பாலு வசனம் எழுதிய இப்படத்தை இப்போது பார்க்கும் போது மிகவும் ரசிக்க முடிந்தது. அப்போது ஆபாசம் மட்டுமே தென்பட்டது. இப்போது மனநல ரீதியாக பல விஷயங்கள் இப்படத்தின் மூலம் புரிய வந்தது.

படத்திலிருந்து சில காட்சிகள்.

http://i1098.photobucket.com/albums/...piravi0002.jpg

http://i1098.photobucket.com/albums/...piravi0004.jpg

http://i1098.photobucket.com/albums/...piravi0005.jpg

http://i1098.photobucket.com/albums/...piravi0007.jpg

http://i1098.photobucket.com/albums/...piravi0009.jpg

இப்போது பாடலுக்கு வருவோம்.

http://i1.ytimg.com/vi/HhastadadV0/maxresdefault.jpg

படத்தின் நாயகன் சிறுவனாக இருக்கும்போது கணவனை இழந்த அவனது தாய் தன் மகனைக் கொஞ்சிப் பாராட்டுவது போல் அமைந்த இந்தப் பாடலில்

விஷேசங்கள் சில உண்டு.

அந்த இளம் வயதிலேயே எந்த ஈகோவும் பார்க்காமல் நெற்றியில் விபூதி அணிந்து விதவைத் தாயாக மஞ்சுளா நடித்திருந்தார். (இப்போதுள்ள ஹீரோயின்கள் அப்படி நடிக்கத் துணிவார்களா!?)

மஞ்சுளாவின் சிறுவயது மகனாக வருபவர் நடிகர் பப்லு. என்ன ஒரு அழகு இந்த சிறுவன்!

இந்தப்பாடலைப் பாடியவர் சூலமங்கலம் ராஜலஷ்மி. ஆஹா! ஒரு தாயின் பரிவையும் பாசத்தையும் இக்குரல் என்னமாய் பிரதிபலிக்கிறது! கேட்க கேட்க அவ்வளவு சுகம். மனதை தாலாட்டும் இப்பாடலைக் கேட்டு மயங்காதவர் இருக்கவே முடியாது.

காவேரி மாந்தோப்புக் கனியோ!
கண்கள்
கல்யாண மண்டபத்து மணியோ!
நல்ல பாவேந்தர் பாராட்டும் மொழியோ!
பண்பாடும் தென்பாங்கு கிளியோ!

நீங்களே பார்த்து உங்கள் கருத்துக்களைப் பதியுங்கள்.

http://www.youtube.com/watch?feature...&v=N9xVrdiKAcc

vasudevan.

VASUDEVAN SIR

SUPER ANALYSIS MARU PIRAVI SONG .VERY NICE .

THIS SONG IS MY FAVORITE IN THIS MOVIE.

http://youtu.be/C4oz2EFbrkw

நன்றி வினோத் சார்.

அருமையான இன்னொரு பாடல் ஒன்றை மறுபிறவி படத்திலிருந்து அளித்துள்ளீர்கள். அடுத்து அந்த பாடலைத்தான் எடுக்கலாம் என்று இருந்தேன். நீங்கள் முந்தி விட்டர்கள்.

மாணவர் தமிழ் இலக்கிய மன்ற கல்லூரி விழா ஒன்றில் கல்லூரி மாணவியான மஞ்சுளா ஸ்டேஜில் பாடுவது போன்ற சிச்சுவேஷன்.

சிக்கென்ற, கண் திருஷ்டி பட்டு விடும் அளவிற்கு அழகான மஞ்சுளா. எம்.ஆர்.விஜயாவின் மயக்கும் குரல்.

http://i1098.photobucket.com/albums/...piravi0003.jpg

http://i1.ytimg.com/vi/C4oz2EFbrkw/hqdefault.jpg

ஏடி பூங்கொடி...
ஏனிந்தப் பார்வை...
கோடி கோடியோ...
நீ கொண்ட ஆசை...
தேடி வந்த தெய்வம் யாரடி?....

கவிஞரின் அருமையான வரிகள். பாடலின் இடையிசையின் போது தொண்டையை அமைதியாகக் கனைத்து சரி செய்து கொண்டு மைக்கையும் சரி செய்து கொள்ளும் மஞ்சுளாவின் சாமர்த்தியம். (நடிகர் திலகத்தின் திருவிளையாடலான 'பாட்டும் நானே பாவமும் நானே' (தொண்டை செருமல்) பார்த்துவிட்டு மஞ்சுளா ஷூட்டிங்கிற்கு வந்திருப்பார் போல)... அமைதியாக மஞ்சுளாவை ரசிக்கும் முத்துராமன்ஜி. மனதைப் பிசையும், மனதை என்னவோ செய்யும் பாப்பாவின் மயக்கும் இசை.

இசையை ரசிக்காதவர்கள் கூட பலமுறை தாளம் போட்டு ரசிக்கும் பாடல்.

இரவு தூங்கப் போகுமுன் கேட்டுப் பாருங்கள். சொர்க்கம் என்பதன் அர்த்தம் புரியும்.

ஆஹா... வாசு சார்... நெஞ்சை அள்ளிக் கொண்டு போகும் பாடல்களுக்கென்றே பிரத்யேகமாக மனதை மயக்கும் மதுரத் திரியைத் தொடங்கி விட்டீர்கள். இனி இத்திரி மிக விரைவில் ஐந்து நட்சத்திர அந்தஸ்தை எட்டி விடும் என்பதில் ஐயமில்லை.

அடியேனின் பங்கிற்கு..

மீண்டும் டி.ஆர். பாப்பா இசை..

எஸ்.பி.பாலாவுடன் கலைச்செல்வி ஜெயலலிதா பாடிய அற்புதமான பாடல். இதுவும் மனதை மயக்கும் கானமாகும். வைரம் திரைப்படத்தில் இடம் பெற்ற இரு மாங்கனி போல் இதழோரம், வெளியான கால கட்டத்தில் விவித் பாரதியில் மதிய வேளையில் திரை அமுதம் நிகழ்ச்சியில் அடிக்கடி இடம் பெறும். சில சமயம் மாலை 4.30 மணி மதுர கீதம் நிகழ்ச்சியிலும் ஒலிக்கும். அருமையான பாடல். விக்டோரியா 203 ஹிந்தித் திரைப்படத்தை தமிழில் எடுத்த படமே வைரம். அசோகன் எம்.ஆர்.ஆர். வாசு இருவரின் அற்புதமான நடிப்பு இப்படத்திற்கு பெரிய பலம். பாடல்களும் அவ்வாறே. ஜெய், ஜெயலலிதா இருவருமே மிகவும் ரம்மியமாக காட்சி அளிப்பர்.

இனி பாடலைக் கேளுங்கள்

http://youtu.be/BhBswBAdr5U

வாசு - நீங்கள் போகும் இடமில்லாம் நாங்களும் வருவோம் - போ போ போ !!

எங்கிருந்து இப்படியெல்லாம் பிடிக்கிறீர்கள் - மறு பிறவி என்று ஒரு படம் வந்ததே உங்கள் பதிவிலிருந்துதான் தெரிய வந்தது - மறு பிறவியை இந்த பிறவியிலேயே அலசி எங்களை திக்கு முக்காட வைத்து விட்டீர்கள் - இன்னும் 500mt கூட நடந்தால் NT -திரி -12 வந்துவிடுமே - வரும் வாய்ப்பு உள்ளதா இல்லை அதையும் மறு பிறவியில் தான் சந்திக்க வேண்டுமா ??

வாசு NT திரியில் இல்லாதது - அயோத்தியில் ராமர் இல்லாத ஆட்சி போல உள்ளது - 14 ஆண்டுகள் வன வாசம் முடிந்து விட்டதே வாசு !!

கங்கையில் நீர் புரண்டு ஓடும் போது , உங்களை சிற்றோடையில் தானா இப்படி சந்திக்க வேண்டும் ??

இமயமலையில் வசிக்கும் ஒருவரை பறங்கி மலையில் தானா சந்திக்க வேண்டும் ?

ஒரு துளி விஷத்தால் ஏற்பட்ட side effect இப்படியா தொடர வேண்டும் ?

ரவி,

நன்றி! தங்கள் பதிவிற்கு தலைவரின் பாடல் வரிகளே பதில்.

மாலையும் மஞ்சளும் மாறியதே ஒரு சோதனை
மஞ்சம் நெஞ்சம் வாடுவதே பெரும் வேதனை
தெய்வமே! யாரிடம் யாரை நீ தந்தாயோ!
உன் கோவில் தீபம் மாறியதை நீ அறிவாயோ!

ரவி,

நான் அங்கு வந்தால் என்னுடைய டாமினேஷன்தான் அதிகம் இருக்கும். என் உள்ளம் பாராட்டையே எதிர்பார்த்துக் காத்துக் கிடக்கும். 'ஹானஸ்ட்' உள்ள அறிவுஜீவி ராஜாக்கள் உரைத்தது. ராமர் புகழ் பாடும் மங்கி (அதாவது ஹனுமானை சொன்னேன்பா) என்னை மிதித்து உரைத்தது. அது பாட்டுக்கும் அது வேலையைச் சரியாகச் செய்து விட்டு ஓடியே விட்டது.

அப்புறமும் எனக்கு புத்தி வரவில்லையென்றால்?....இதற்கு கேட்பாரும் இல்லை. மேய்ப்பாரும் இல்லை. தலைவரின் தீவிர ரசிகன் ஆயிற்றே! சூடு சொரணை அவரிடத்தில் இருந்தது போல கொஞ்சமாவது நமக்கு இருக்காதா?

கங்கை ஆற்று வெள்ளத்தில் நின்று தண்ணீர் குடித்து ஆற்று வெள்ளத்தில் அடித்து நீரில் மூழ்குவதை விட, எட்ட நின்று குடிக்கும் பாதுகாப்பான சுனை நீர் எவ்வளவோ பெட்டெர். முழு ஆத்ம திருப்தியும் கிடைக்கும். பாதுகாப்பும் உண்டு. வசுவுகள் வராது. ஒவ்வொரு பதிவிற்கும் நடுங்க வேண்டி இருக்காது. (நடுங்குவதைப் பற்றி உங்களுக்கு நான் சொல்லியா தெரிய வேண்டும்?):) வழுக்கி விழுந்தால் வாழ்வுண்டு. வழுக்கி, வழுக்கி, வழுக்கி வீழ்ந்தவனுக்கு வாழ்வுண்டோ?

உனக்கும் புரியலையா ராமா?! அட ராமா! ரகுராமா! ராஜாராமா! ஆதிராமா!முரளீதரா! கிருஷ்ணா! அட கோபாலா! செந்தில் குமரா! கார்த்திகேயா! ராமனுக்கு தாசா!

ஒரே ஒரு பிறவி! தெய்வப்பிறவி! மறு பிறவி எடுத்தாலும் அது ஒன்றே தெய்வப்பிறவி. அது நான் அணுஅணுவாக பூஜிக்கும் என் இதய தெய்வம் நடிகர் திலகமே!

Hi Vasu,

I enjoyed your maru piravi.

Mr. Vasudevan.

Good write-up on Marupiravi song.

Please write about the song Oh mere dhil rupa sung by JJ mam in suriyagandhi.

stl.

ராகவேந்திரன் சார்,

திரி தொடங்கிய உடனேயே வந்து வாழ்த்துக்கள் கூறி தங்கள் பங்கையும் சிறப்பாக அளித்து விட்டீர்கள். நன்றி!

'வைரம்' படத்தில் தாங்கள் அளித்துள்ள 'இரு மாங்கனி போல் இதழோரம்' பாடல் என் மனதை மிக மிக கொள்ளை கொண்ட ஒரு பாடல். எஸ்.பி.பாலாவின் குழையும் குரலுக்கு ஈடுகொடுத்து ஜெயலலிதா அவ்வளவு அற்புதமாக இப்பாடலைப் பாடியிருப்பார். (கிட்டத்தட்ட பி. வசந்தாவின் குரல் போல)

ராமண்ணாதான் இப்படத்தின் இயக்குனர். காதல் காட்சிகளை ரசம் சொட்ட சொட்ட அதுவும் ஹீரோயினை நனையவிட்டு பார்ப்பதில் இவருக்கு இணை இவர்தான்.

'இது காதல் பூஜை என்றால் ஆரத்தி எங்கே?'

இந்த வரிகளை மேடம் பாடும் அழகே அழகு.

தங்களின் பங்களிப்புகள் அவசியம் இத்திரிக்குத் தேவை. ஏனெனில் தமிழ்த் திரைப்படப் பாடல்கள் அனைத்தையும் அறிந்தவர் தாங்கள். அதுமட்டுமல்ல... இசைக்கருவிகளைப் பற்றியும் அற்புதமான தகவல்களைத் தரக்கூடிய விஷயங்கள் அறிந்தவர்.

அரிதான அருமையான பாடல்களை சுவைபடத் தருவீர்கள் என்று நான் சொல்லவும் வேண்டுமோ!

கோ,

நன்றி!

நீங்கள் என்ன சாமான்யப்பட்டவரா? எந்தப் பாடலாக இருந்தாலும் நினைத்த நொடியில் நான் கேட்ட மாத்திரத்தில் சொல்லக்கூடிய அசாத்திய திறமை கொண்ட மனிதராயிற்றே!

நாம் அலைபேசியில் எவ்வளவோ பாடல்களைப் பற்றி மணிக்கணக்காக உரையாடியுள்ளோம். அதுதான் இத்திரியை நான் தொடங்க ஒரு காரணமாய் இருந்தது என்றும் கூறலாம்.

நடிகர் திலகத்தின் காவியங்களை ஆழ்ந்து அலசுவது தங்களுக்குக் கைவந்த கலை.

அதே போல இத்திரியில் தங்களது பங்கு இருக்க வேண்டும் என்பது என் ஆசை.

வாருங்கள். அற்புதமான பாடல்களைப் பற்றிய தகவல்களைத் தாருங்கள். இது என் அன்புக் கட்டளை.

வாசு சார்
தங்கள் வரவேற்பிற்கும் பாராட்டிற்கும் நன்றி.
அபூர்வமான பல பாடல்களை அவற்றின் சிறப்போடு இங்கே பகிர்ந்து கொள்ளலாம்.

பொதுவாக ஹோட்டல், கிளப் நடனக் காட்சி, பாடல், எல்.ஆர்.ஈஸ்வரியின் குரல் என்றாலே அந்தக் காலத்தில் தியேட்டரில் மக்கள் அமரமாட்டார்கள், இளைஞர்களைத் தவிர. அதுவும் பாடல் ஈர்க்க வேண்டும். ஆனால் மெல்லிசை மன்னருக்கு எந்த சூழ்நிலையானால் என்ன அவருடைய திறமை பளிச்சிட்டு விடும். எம்.எஸ்.வி. இசையமைத்து எல்.ஆர்.ஈஸ்வரி பாடிய பல கிளப் டான்ஸ் பாட்டுக்கள் ஒவ்வொன்றிலும் இசையில் ஏராளமான நுணுக்கங்களைப் புகுத்தியிருப்பார். அப்படி ஒரு பாடலைத் தான் நாம் இங்கே காண உள்ளோம்.

மிஸ்டர் சம்பத் திரைப்படத்தில் எல்லோரும் பொதுவாக அறிந்த பாடல் ஆரம்பம் யாரிடம், அலங்காரம் போதுமடி. அவ்வப்போது எம்எஸ்வி பாடிய ஒரே கேள்வி உனைக் கேட்டேன் பாடல். ஆனால் இவை எல்லாவற்றையும் தூக்கிச் சாப்பிடும் வகையில் அவர் அமைத்த பாடல் அன்பான ரசிகன் என்னோடு இருக்க.. இப்பாடலில் கிடார் மற்றும் அக்கார்டியனுடன் மேற்கத்திய பாணிய்ல தொடங்கும் பாடல் நடுவில் சாஸ்த்ரீய மெட்டில் புகுந்து நாதஸ்வரத்தை வாசிக்க வைத்திருப்பது அவருக்கே உரிய சிறப்புத் திறமையாகும். அதனைத் தொடர்ந்து ட்ரம்பெட் ஒலிக்கும். பாடலின் தாள அமைப்பில் பாங்கோஸ் இசைக் கருவி அற்புதமாக கால்களைத் தாளம் போட வைக்கும்.

என்றென்றும் நான் விரும்பும் எம்எஸ்வியின் பாடல்களில் இது குறிப்பிடத் தக்கதாகும்.

http://youtu.be/6ZFr1rdnKOU

VASU SIR

PLEASE
http://youtu.be/PWpWTVDyM5g

நன்றி ஸ்டெல்லா அவர்களே!

இதோ நீங்கள் கேட்ட பாடல்.

'சூர்யகாந்தி' திரைப்படத்திலிருந்து.

ஒ..மேரி தில்ரூபா...
ஏ..மேரா தீவானா...

பாடல்.

http://i1.ytimg.com/vi/fpqvU0Nu2_4/maxresdefault.jpg

வித்யா மூவிஸ் 'சூர்யகாந்தி' 1973-இல் வெளிவந்த ஒரு கருப்பு வெள்ளைப் படம். 100 நாட்கள் ஓடிய வெற்றிச் சித்திரம். இசை 'மெல்லிசை மன்னர்'. பாடல்கள் கவிஞர் கண்ணதாசன். தயாரிப்பு வேணுகோபால். இயக்கம் முக்தா ஸ்ரீனிவாசன்.

கணவன் தன் மனைவி மேல் கொண்ட ஈகோ பிரச்னையை அற்புதமாக இப்படம் அலசுகிறது.

கணவன் தன்னைவிட அதிகம் சம்பாதிக்கும் தன் மனைவிக்கு சமூகத்தில் அவளுக்குக் கிடைக்கும் மதிப்பையும், அங்கீகாரங்களையும் கண்டு அதனை ஏற்றுக் கொள்ள முடியாமல் தவிக்கிறான். தன் தாழ்நிலையை எண்ணி குமுறுகிறான். தன் வீட்டார் கூட தன் மனைவியைத் தலையில் தூக்கிக் கொண்டு ஆடுவதை அவனால் பொறுக்க முடியவில்லை.

இறுதியில் கணவனின் ஈகோ வென்றதா அல்லது மனையாளின் பொறுமை வென்றதா என்ற கருத்தை அழகாக வலியுறுத்திய படம்.

கணவன் மனைவி சரிசம உறவே சாலச் சிறந்தது என்ற கருத்தை போதிக்கும் இப்படத்தில் முத்துராமன், ஜெயலலிதா பிரதான பாத்திரங்களில் நடித்திருந்தனர்.

நீங்கள் குறிப்பிட்டிருந்த பாடல் அக்காலங்களில் பாண்டி வானொலியிலும், இலங்கை வானொலியிலும் அதிகம் ஒலிபரப்பப்பட்ட ஒரு பாடல்.

கால்பந்து வீரர்கள் உடையணிந்து முத்துராமனும், ஜெயலலிதாவும் ஆடிப் பாடும் இந்த டூயட் பாடலை டி.எம்.எஸ்ஸும், ஜெயலலிதாவும் இணைந்து அற்புதமாகப் பாடியிருந்தனர். சற்றே வயது முதிர்ந்திருந்தாலும் கிளாமரில் நான்தான் ராணி என்று ஜெயா இப்பாடலில் மீண்டும் நிரூபித்திருந்தார்.

இப்படத்தின் அபாரமான வெற்றி சரிந்திருந்த ஜெயலலிதாவின் மார்கெட்டை மீண்டும் சரி செய்தது. இதே மாதிரி கதையமைப்பில் சில படங்களை முத்துராமன், ஜெயலலிதா இணைந்து நடிக்க இப்படம் மூல காரணமானது. (கணவன் மனைவி, அன்புத் தங்கை)

1973ஆம் ஆண்டிற்கான சிறந்த தமிழ் நடிகை என்று பிலிம்பேர் பத்திரிகை அவார்ட் தந்து ஜெயா மேடத்தை கௌரவித்தது.

அதுமட்டுமல்லாமல் கவிஞரே ஒரு காட்சியில் தோன்றி நடித்து காலத்தால் அழிக்க முடியாத 'பரமசிவன் கழுத்திலிருந்து பாம்பு கேட்டது' பாடலைத் தந்து இப்படத்திற்கு மேலும் பெருமை சேர்த்தார்.

எஸ்.பி.பி மற்றும் ஜெயலலிதா இருவரும் இணைந்து பாடிய 'நானென்றால் அது அவளும் நானும்' பாடலை யார்தான் மறக்க முடியும்?

இப்படத்தில் 'தெரியாதோ நோக்கு' என்று ஆச்சி பாடிய ஐயராத்து மாமி பாடல் அப்போது மிகவும் பிரசித்தம்.

http://i1.ytimg.com/vi/fZZ9Kd00eFU/maxresdefault.jpg

இப்போது பாடலுக்கு வருவோம்.

முழுப் பாடல் வரிகளும் உங்களுக்காக.

ஒ..மேரி தில்ரூபா...
ஏ..மேரா தீவானா...

உன் ஆசைக்கிளி
மாடர்ன் அனார்கலி
இந்த உடை எப்படி?
வந்த நடை எப்படி?

நாலு பக்கமும் சுவரெழுப்பினால்
நடுவில் உன்னை வைப்பேன்
ஷாஜஹானைப் போல்
காதல் போதையில் கவிதை நூறு சொல்வேன்

என் திராட்சைக் கொடி
காதல் தேமாங்கனி
இந்த உடை எப்படி?
வந்த நடை எப்படி?

ஒ..மேரி தில்ரூபா...
ஏ..மேரா தீவானா...

உன் வீட்டுக்கு ஜன்னல்கள் ஏனோ!
என்னை ஓயாமல் நீ பார்க்கத் தானோ!
உன் பார்வை பட்டதும் பனியைப் போலவே
உருகிப் போனவள் நானோ!

நீ சொர்க்கத்தில் வாழ்ந்தாலும் கூட
உன் பக்கத்து வீடெந்தன் வீடு
நீ ஊரை மாற்றலாம்
வீட்டை மாற்றலாம்
உள்ளம் மாறுமோ கூறு

மனம் முன்னோடு பின்னோடும் போது
இனி நான் வேறு நீ வேறு ஏது?

மனம் முன்னோடு பின்னோடும் போது
இனி நான் வேறு நீ வேறு ஏது?

ஒ..மேரி தில்ரூபா...
ஏ..மேரா தீவானா...

உன் ஆடைகள் மேல்நாட்டுப் பாணி
நீ பாவைகள் சாம்ராஜ்ய ராணி
உன் ஜாடை என்னவோ
ஜாதி முல்லையோ
சிலை கொடுத்ததோ மேனி

என் பொன்னான கன்னத்தைக் கேட்டு
உன் எண்ணத்தின் வண்ணத்தைத் தீட்டு
உன் சொந்தமான பின் எந்தன் மேனியைத்
தொட்டுப் பேசுமோ காற்று

ஒரு முத்தாரம் இட்டாக வேண்டும்
அதில் ஈரேழு லோகங்கள் தோன்றும்

ஒரு முத்தாரம் இட்டாக வேண்டும்
அதில் ஈரேழு லோகங்கள் தோன்றும்

உன் ஆசைக்கிளி
மாடர்ன் அனார்கலி
இந்த உடை எப்படி?
வந்த நடை எப்படி?

என் திராட்சைக் கொடி
காதல் தேமாங்கனி
இந்த உடை எப்படி?
வந்த நடை எப்படி?

ஒ..மேரி தில்ரூபா...
ஏ..மேரா தீவானா...

இப்போது பாடலைப் பார்த்து மகிழுங்கள்.

https://www.youtube.com/watch?feature=player_detailpage&v=I37lvjD7FmI

டியர் வாசு சார்
சூரிய காந்தி ஹிந்தி அபிமான் (அமிதாப் அண்ட் ஜெயா பாதுரி) ஜோடி தழுவல் என்று படித்த நினவு
அது சரியா

டியர் வாசு சார்
உங்கள் நகை சுவை அபாரம
மறு பிறவி திரை படத்தில் இன்னொரு பாடல் எனக்கு நினவு உண்டு
"சொந்தம் இனி உன் மடியில் சொர்க்கம் இனி என் அழகில் "
spb என்றும் நினவு
கிருஷ்ணா

கிருஷ்ணா சார்!

வருக!

உங்கள் சந்தேகம் எனக்கும் உண்டு. அபிமான் படத்தில் பாடகரான அமிதாப் கிராமத்து பெண்ணான ஜெயாபாதுரியை மணந்து கொள்கிறார். ஆனால் ஜெயாவோ பின்னணிப் பாடகியாகி அமிதாபை விட புகழ் பெறுகிறார். அமிதாப் மனைவியின் முன்னேற்றம் காண சகியாமல் துடிக்கிறார்.

சூரியகாந்தியின் கதை வேறு. ஆனால் ஆனால் இருபடங்களின் கதைக் கரு ஒன்று. மனைவியின் முன்னேற்றம் காணப் பொறுக்காத தாழ்நிலை குணம் கொண்ட கணவர்கள் கதை கொண்டது இரு படங்களும்.

தவிர 'சூர்யகாந்தி' முன்னம் ரிலீஸ் ஆனதா அல்லது அபிமான் (27 July 1973) முன்னமேயே ரிலீஸ் ஆனதா என்றும் தெரியவில்லை. ஆனால் இரண்டுமே 1973-இல்தான் வெளியாகி உள்ளன.

அதே போல் தாய் வீடு சீதனம் என்று ஒரு படம் (ரவி அண்ட் விஜயா ஒரு ஜோடி) (ஜெய் அண்ட் உஷா நந்தினி என்று நினவு) மதுரை திருமாறன் direction
" எனக்கும் உனக்கும் வழக்கு இரண்டும் சுகத்தின் கணக்கு கை இணைத்து தொட்டு அணைத்து நாம் கலந்தால் என்ன "
விச்சு இசை (saxophone இண்டர்லுட பின்னி பிடல் எடுத்து இருப்பார்)

கிருஷ்ணா சார்,

"சொந்தம் இனி உன் மடியில் சொர்க்கம் இனி என் அழகில் "

அற்புதமான ஒரு பாடல்.

இப்பாடலைப் பற்றி விரிவாக எழுதினால்?.... எழுத

ஆசை துடிக்கின்றது

இருந்தாலும்

அச்சம் தடுக்கின்றது.

நான் எழுதினால் என்னை அறம் பாடி உண்டு இல்லை என்று பண்ணி விடுவார்கள். இதற்கெல்லாம் கோபால்தான் லாயக்கு.

அவர் எழுதுவார் என்று நினைக்கிறேன்.

ஆனாலும் அற்புதமான பாலாவின் குழையும் குரலில் ஒலிக்கும் பாடல். ராமாண்ணாவுக்கு துணிச்சல் ஜாஸ்தி. அதைவிட மஞ்சுளாவுக்கு. அதை விடவும் நவரசத் திலகத்திற்கு. மனிதர் பூனை மாதிரி இருந்து கொண்டு என்னவெல்லாம் செய்கிறார்?! ஊமைக் குசும்பர்களை நம்பக் கூடாது என்று சும்மாவா சொல்லி வைத்தார்கள்?

விஷுவலாகப் பார்க்கும் போது தனியாக பார்த்தால் கூட நெளியத்தான் வேண்டியிருக்கும்.

இரவு மணி 12 ?

சார்,

நான் ரவிச்சந்திரன் நடித்த மயிலாடும் பாறை மர்மம் படத்தைப் பற்றி சொன்னேனாக்கும்.

நீங்க வேற!

Quote:

---

Originally Posted by gkrishna

அதே போல் தாய் வீடு சீதனம் என்று ஒரு படம் (ரவி அண்ட் விஜயா ஒரு ஜோடி) (ஜெய் அண்ட் உஷா நந்தினி என்று நினவு) மதுரை திருமாறன் direction
" எனக்கும் உனக்கும் வழக்கு இரண்டும் சுகத்தின் கணக்கு கை இணைத்து தொட்டு அணைத்து நாம் கலந்தால் என்ன "
விச்சு இசை (saxophone இண்டர்லுட பின்னி பிடல் எடுத்து இருப்பார்)

---

யப்பா! பெரிய ஆள் சார் நீங்க.

உங்ககிட்ட ரொம்ப ஜாக்கிரதையாக இருக்கணும் போல இருக்கே!:)

பின்னாடி வரேன்.

டியர் வாசு சார்
உங்கள் பதிலுக்கு நன்றி
அபிமான் 27 July 1973 என்று விக்கியில் பார்த்த நினவு
சூரிய காந்தி 15 aug 1973 என்று நினவு
நிச்சயமாக தழுவல் ஆக இருக்க முடியாது
நீங்கள் சொன்னது போல் இரண்டும் கதை கரு தான் ஒன்று ஆனால் தளம் வேறு

கிருஷ்ணா சார்

நமக்குள் வழக்கே வேண்டாம்.

ஜெய்க்கும், உஷா நந்தினிக்கும் மட்டுமே வழக்கு.

இவர்களைப் பார்ப்பது மட்டுமே நமது சுகத்தின் கணக்கு.

http://www.youtube.com/watch?v=lMeIkUGq-YA&feature=player_detailpage

டியர் வாசு சார்
நீங்கள்,முரளி சார்,பம்மலர் சார் இவர்களுடன் பேசும் போது அல்லது தொடர்பு கொள்ளும் போது நிறைய நினைவுகள் அலை மோதுகின்றன
"உள்ளத்தில் நூறு நினைப்பு உன்னிடம் சொல்ல தவிப்பு"

அதே போல் தாய் வீடு சீதனம் படத்தில் இன்னொரு பாடல்
"காலத்தை வெல்லும் இன்ப காதல் வாழ்க" சுசீலா அண்ட் ஜேசுதாஸ்
பாடல் கண்ணதாசன் அல்லது வாலியா என்று தெரியவில்லை
லாஸ்ட் ஸ்டான்சா
"மாங்கனி வேண்டுமே
என்மேல் இல்லையோ
தேன் சுவை வேண்டுமே
என் இதழ் இல்லையோ
இன்று என் மேனி சுகம் கேட்டது
இதில் பஞ்சாங்கம் ஏன் பார்ப்பது "
நீங்கள் கூறுவது போல் midnight மசாலா வரிகள் தான்

வாசு சார்
உங்கள் மறு பிறவி விமர்சனத்தை படித்து சிரித்து வாய் வலித்து விட்டது

தொட்டதெல்லாம் பொன்னாகும் (ஜெய் /ஜெயசித்ரா)
ஆவணி மலரே ஐப்பசி மழையே
கார்த்திகை விளக்கின் தனி ஒளியே
பாலா சுசீலா ஆரம்ப ஹம்மிங்
விஜயபாஸ்கர் மெலடி
இந்த விஜய பாஸ்கர் என்ன ஆனார் வாசு சார்

மன்னிக்க வேண்டும் எல்லா நண்பர்களும்
சற்று எல்லை மீறி விட்டேன்
காலத்தை வெல்லும் இன்ப காதல் வாழ்க பாடல் பற்றி குறிப்படும் போது

Quote:

---

Originally Posted by gkrishna

அதே போல் தாய் வீடு சீதனம் படத்தில் இன்னொரு பாடல்

லாஸ்ட் ஸ்டான்சா

தேன் சுவை வேண்டுமே
என் இதழ் இல்லையோ
இன்று என் மேனி சுகம் கேட்டது
இதில் பஞ்சாங்கம் ஏன் பார்ப்பது "
நீங்கள் கூறுவது போல் midnight மசாலா வரிகள் தான்

---

:yes::victory::musicsmile::cool2::2thumbsup:

Quote:

---

Originally Posted by gkrishna

மன்னிக்க வேண்டும் எல்லா நண்பர்களும்
சற்று எல்லை மீறி விட்டேன்
காலத்தை வெல்லும் இன்ப காதல் வாழ்க பாடல் பற்றி குறிப்படும் போது

---

நிஜமாகவே தங்கள் பெருந்தன்மைக்கு தலை வணங்குகிறேன்.

இந்த நாட்டில் நல்லவர்களும் இருக்கிறார்கள்

தங்களைப் போல.

பாடல் எழுதியவர் அவர் பாட்டுக்கு எழுதிப் போய் விட்டார்

நடித்தவர்கள் அவர்கள் பாட்டுக்கு (பாட்டுக்கு) நடித்துப் போய் விட்டார்கள் துட்டு வாங்கிக் கொண்டு.

பாடலை அலசுபவர்கள் அவஸ்தைப் பட வேண்டியுள்ளது. நாம் ஏதோ தப்பு செய்தது மாதிரி.

இல்லை கிருஷ்ணா சார்?

யாருக்கு மாப்பிள்ளை யாரு ஜெய்/ஜெயசித்ரா ஜோடி
"முத்துக்கள் சிந்தி தித்திக்கும் மொழியில் கண்ணே விளையாடு
செவ்வந்தி பூவின் கன்னங்கள் மீது சித்திரை கோலமிடு
என்னடி தேவி பெண்மையின் அழகை
மீட்டவா தாகமா
அணைக்கவா ஆசையா
சுவைக்க கூடாதா "
இதுவும் பாலா சுசீலா விஜய பாஸ்கர் பாடல்
இந்த பாடலின் சரணத்தில்
பாலாவின் இளமை கொஞ்சும் வாய்ஸ் மனதை நெருடும்

வாசு சார்
நம்ம திரியில் எழுதும் போது சற்று யோசித்து எழுத வேண்டி இருக்கிறது
நீங்கள் மறு பிறவி பாடலில் சொன்னது போல் கம்பை தூக்கி கொண்டு வந்து விடுவார்கள் எல்லோரும்
நாம் ஏதோ தவறு செய்தது போல
நாம் வெறும் அம்பு தானே

அதே போல் தொட்டதெல்லாம் பொன்னாகும் திரைபடத்தில்
இன்னொரு பாடல் பாலா சுசீலா combination விஜய பாஸ்கர் மியூசிக்
ஜெய் ஜெயசித்ரா ஜோடி
பாடல் தான் யார் என்று தெரியவில்லை
இந்த கால கட்டத்தில் நிறைய பாடல் பஞ்சு அருணாசலம் எழுதினர் என்று கேள்வி
"பனி மழை மேகங்கள் பொழிகின்ற குளிரினால் திருக்குறள் படிக்கட்டுமா கண்ணே புது குரல் or குறள் கொடுக்கட்டுமா "
கிருஷ்ணா ஸ்வீட்ஸ் மைசூர்பா கெட்டது

திரு ராகவேந்தர் சார்
வைரம் படத்தில் உள்ள "இரு மாங்கனி போல் இதழ் ஓரம் ஏங்குது மோஹம்" பாட்டை பற்றி
எழுதி இருந்தீர்கள் . ரொம்ப மகிழ்ச்சி மிக அருமை யான பாடல்
பாடல் இறுதியில் வரும் ஒரு பருகா சான்சே இல்லை
"இது காமன் பூஜை என்றால் ஆரத்தி எங்கே" - ஜெய
"அதை காமன் கேட்டு விட்டான் அவனிடம் தந்தேன்" - பாலா
"எதற்கோ உங்கள் கைகள் இரண்டும் துடிப்பதை கண்டேன்" - ஜெயா
"இங்கே நாள் பார்கவா இல்லை நான் பார்கவா " - பாலா
"ஆ ஆ ஹ " ஹம்மிங்
"அவசரம் என்ன"
கொஞ்சம் கவாலி டைப் கலந்தது

Mr. Vasudevan,

On my request, you have posted oh mere dhil rupa from the movie suriyagandhi, for that my many many thanks for you.

You posted complete details about the story, song situation, still photos, complete lyric lines and the video, a complete treat from you.

I like your dedication in your passion.

stl.

வாசு,

நிச்சயம் இங்கு பங்கு பெற்று ,அபூர்வ பாடல்கள் பற்றி அலசுவேன்.நீ குறிப்பிட்டது போல 55 முதல் 80 வரை தமிழ் திரை கண்ட அனைத்து பாடல்களையும் prompt இல்லாமல் முழுக்க என்னால் பாட முடியும்.

ரவி திரியிலும் பங்களிப்பேன்.(ஜெமினி திரியிலும்).

ஆனால் ,இதெல்லாம் வார இறுதி பொழுது போக்கு போன்றது. நம் தாய் வீடு நம் திரிதானே?ஆயிரம் சச்சரவுகள் வந்தாலும் தாய் வீடு தாய் வீடுதான்.உன்னுடைய ஆடை அழகர்,கதாயகியர் வரிசை,சண்டை காட்சி எல்லாம் தொங்கலில் விட்டு,இங்கு வந்து முழு நேரம் இருப்பது.....என்னமோ போ. ரவி சொல்வது போல,துளி விஷம் நீ வெளியேற காரணமாக முடியாது.அதிக பாராட்டு பெற்ற பதிவு அது.கொண்டாட பட்டது.

பாராட்டுதல்களை எதிர்பார்த்திருந்தால் நான் இரண்டாயிரம் பதிவுகளை இட்டே இருக்க முடியாது.என் உழைப்புக்கேற்ற அளவு நான் ஒன்றும் பெரிதாக கொண்டாட பட்டதில்லை.ஆனால் ,நம்மிடையே வாழ்ந்த ,உலகத்திலேயே கண்டிராத,காண முடியாத அபார திறமையுள்ள தமிழ் தெய்வத்தை போற்றும் ,அவர் எனக்களித்த மாலை கொடைகளுக்கு காணிக்கையாக,அந்த தெய்வத்துக்கு நான் பண்ணும் சத்திய பூஜை.

உனக்காக நாங்கள் அங்கு காத்திருக்கிறோம் .வந்து விடு.

கிருஷ்ணா
தாங்கள் மிக அருமையாக இரு மாங்கனி பாடலை விவரித்து எழுதியிருப்பது ரசிக்க வைக்கிறது. அது மட்டுமல்லாமல் பழைய பாடல்கள் நம் ஒவ்வொருவருக்குள்ளும் எந்த அளவிற்கு ஆழமாய் ஊடுருவியுள்ளன என்பதற்கு சான்றாகவும் விளங்குகிறது.

வாசு சாரின் பதிவுகளை நடிகர் திலகம் திரி எந்த அளவிற்கு மிஸ் பண்ணுகிறது என்பதற்கு இந்த்த் திரியின் வரவேற்பே கட்டியம் கூறும்.

நம் மனதை மயக்கும் மற்றோர் பாடல், இதுவும் எல்.ஆர்.ஈஸ்வரியின் மயக்கும் கானமே. எதிர்காலம் திரைப்படத்தில் இடம் பெற்ற மௌனம் தான் பேசியதோ.. இப்பாடலை விவித்பாரதியில் தினமும் இரவு 8.30 மணிக்கு விளம்பரம் செய்வார்கள். இரண்டாம் சரணத்தில் இருப்பது ஒரு மனது வரிகளுக்கு முன் ஒரு இசைக் கருவி ஒலிக்கும். அது தான் விளம்பரத்தில் இடம் பெறும். அப்படியே பசுமையாக நினைவில் உள்ளது.

மறக்க முடியாத பாடல், மனதை விட்டு அகலாத பாடல்

http://youtu.be/M14IRPIVUlw

இப்பாடலின் ஆடியோ மட்டும் கேட்க

http://www.inbaminge.com/t/e/Ethirkalam/

மாடர்ன் தியேட்டர்ஸ் வேதா இணையில் ஒவ்வொரு படமும் பாடலும் காலத்தை வென்று நிற்பவை. அந்நிய மெட்டை எடுத்தாலும் அதிலும் தன் ஆளுமையைப் புகுத்தி தனித்துவமாக சில சமயம் ஒரிஜினலை விட அருமையாக பாடலை அமைத்து விடுவார் வேதா. என்கிற வேதாச்சலம் அவர்கள். அப்படி ஒரு பாடல் தான் காதலித்தால் போதுமா படத்தில் இடம் பெற்ற கொஞ்சம் நில்லடி பாடல், டி.எம்.எஸ்., பி.சுசீலா இவர்களின் குரலின் சிறப்பை இன்னும் அருமையாக சித்தரிக்கும். இப்பாடலின் சிறப்பை விவரிக்க பல பக்கங்கள் தேவை. இதோ நமக்காக இப்பாடல்

http://youtu.be/GAFot8yisbY

அன்பு ராகவேந்தர் சார்
இனிய காலை வணக்கம்
உங்கள் reply மனதிற்கு மிகவும் மகிழ்ச்சி தந்தது
"மௌனம் தான் பேசியதோ " என்ன படம் என்று தெரியாமல் சென்ற வருடம் சில நாள்கள் தவித்து கொண்டு இருந்தேன் . பிறகு ஒரு நாள் ஈஸ்வரி ஹிட்ஸ் பாடல்களை பற்றி ஒரு ப்ளாக் படித்த போது
எதிர்காலம் என்று அறிந்தேன் இப்போது அதை நினவு படுத்தி விட்டர்கள் . இந்த பாடலில் கூட ஒரு ஹம்மிங் முதல் சரணம் முடிவில் என்று நினவு "ல ல " என்று வரும்
மிக்க நன்றி
இதே போல் "உனக்கும் எனக்கும் உறவு தந்தது யாரோ " என்று ஒரு பாடல் ஜெய் நடித்த காதலிக்க வாங்க என்று நினவு
TMS ஈஸ்வரி combination
இறுதியில் ஒரு சூப்பர் ஹம்மிங் "ஆஹா ஓஹோ

வாசு சார்
நீங்கள் எழுதிய சூரிய காந்தி படம் நேற்று இரவு சன் லைப் தொலை கட்சியில் நீங்கள் எழுதிய படியே வரிக்கு வரி காட்சி அமைப்பு
வாசுவா கொக்கா

Dear Vasu sir,

Its a pleasure to see you back, thread is too good