இஸ்லாமிய பெருமக்கள் அனைவருக்கும்
இனிய 'பக்ரீத்' திருநாள் நல்வாழ்த்துக்கள் !
http://i1110.photobucket.com/albums/...annippu1-1.jpg
அன்புடன்,
பம்மலார்.
Printable View
இஸ்லாமிய பெருமக்கள் அனைவருக்கும்
இனிய 'பக்ரீத்' திருநாள் நல்வாழ்த்துக்கள் !
http://i1110.photobucket.com/albums/...annippu1-1.jpg
அன்புடன்,
பம்மலார்.
டியர் பம்மலார், நடிகர்திலகத்தின் சிறப்பான புகைப்படத்துடன் பக்ரித் வாழ்த்துக்களை அளித்தமைக்கு நன்றி.
நவராத்திரி, வெள்ளை ரோஜா, கண்கள், விஸ்வரூபம், கப்பலோட்டிய தமிழன், காத்தவராயன் என்று தங்களுடைய பதிவுகள் வழக்கம்போல அசத்தல், அருமை.
திரு. வாசுதேவன் சார், விஸ்வரூபம், காத்தவராயன் புகைப்படங்கள் மற்றும் பாடல் காட்சி இணைப்புகள் அருமை.
திரு.முரளி சார், தங்களின் பைலட் பிரேம்நாத் நினைவுகள் பதிவு அருமை.
டியர் பம்மலார்,
தங்கள் சித்தம் என் பாக்கியம். 'விஸ்வரூபம்' விழாப்பதிவு தங்களுக்குப் பிடித்திருந்தது மகிழ்ச்சியளிக்கிறது. காத்தவராயன், கப்பலோட்டிய தமிழன் பதிவுகளனைத்தும் வழக்கம்போல நன்றிக்கு அப்பாற்பட்டவை.
ஆனால்,
1961 தீபாவளி, நான் மறக்க விரும்பும் தீபாவளி.
தமிழர்களின் ரசனையுணர்வை உலகமே வியப்புடன் திரும்பிப்பார்த்த தீபாவளி
இவர்கள்தானே இதே ஆண்டில் மூன்று 'பா' படங்களையும் வெற்றியாக்கித்தந்தவர்கள், இப்போது என்னவாயிற்று என்று ஆச்சரியப்பட வைத்த தீபாவளி.
தீபாவளி வெளியீடுகளான ஒரு சித்ரா பௌர்ணமி, ஒரு வைர நெஞ்சம் தோல்வியுறலாம், தவறில்லை. ஆனால் கப்பலோட்டிய தமிழன்...?.
திரைப்படத்திலேயே நடித்திராதவர்கள் என்று சொல்லப்பட்ட வ.உ.சி.யும், சுப்பிரமணிய சிவாவும், பாரதியும், திலகரும் மீண்டும் நமக்காக உயிருடன் வந்து நடித்து விட்டுப்போன 'கப்பலோட்டிய தமிழன்'......????.
1961 தீபாவளி.... நான் மறக்க விரும்பும் தீபாவளி.
டியர் முரளி,
'பைலட் பிரேம்நாத்' வெளியீட்டன்று தங்கள் அனுபவப்பதிவு மிகவும் அருமை. அதிர்ச்சியிலிருந்து கொஞ்சம் கொஞ்சமாக விலகியதை நீங்கள் விவரித்திருந்த விதம் நன்றாக இருந்தது.
பைலட்டின் கதையைத் தெரிந்துகொண்டு, வேண்டுமென்றே அதே சமயத்தில் மதுரையில் பார் மகளே பார் படத்தை திரையிட்டது தற்செயலான நிகழ்வா அல்லது ஏதும் சதி வேலையா?. முன்பு நான் சொன்ன 'பாட்டும் பரதமும்' வெளியீட்டின்போது நடந்த 'நாட்டியமும் நாதசுரமும்' (தில்லானா மோகனாம்பாள்) போன்ற உள்ளடி வேலையா?.
எப்படியிருந்தபோதிலும் படம் நன்றாக ஓடியது. அது போதும். தங்களின் அனுபவங்கள் மிகவும் சுவையாக இருந்தன. நன்றி.
'காத்தவராயன்' மல்யுத்தக் காட்சி ஒரு ஆய்வுக் கட்டுரை.
http://i1087.photobucket.com/albums/..._001942112.jpg
http://i1087.photobucket.com/albums/..._002126228.jpg
'காத்தவராயன்' திரைப்படத்தில் வரும் நடிகர் திலகம் அவர்கள் செய்வதாக வரும் மல்யுத்தக் காட்சி மெய் சிலிர்க்க வைக்கும் ஒரு அற்புதக் காட்சியாகும். அக்காலத்தில் அனைவராலும் மிகவும் சிலாகித்து பேசப்பட்ட ஒரு அரிய அற்புதமான மல்யுத்த சீன். ஒரு இடத்தில் கூட 'டூப்' போடாமல் ஒரிஜினலாக மல்யுத்தக் காட்சியில் அசத்தியிருப்பார் N.T. ஒரு ஒரிஜினல் மல்யுத்த வீரனின் மல்யுத்த அசைவுகளை இம்மி அளவு கூட பிசகாமல் ஏன் அதற்கு ஒருபடி மேலாகவே தந்து கலக்கியிருப்பார் நடிகர் திலகம். மல்யுத்த வீரனுக்குரிய உடல்வாகும்,தோற்றமும் அப்படியே அவருக்குப் பொருந்தி இருப்பது நம்மை ஆச்சரியத்தில் மூழ்கடிக்கும்.
மல்யுத்தக் காட்சியின் தொடக்கத்தில் N.T. முதலில் களத்தில் இறங்கும்போது வலது கையால் வலது தொடையைத் தட்டி மண்ணைத் தொட்டுக் கும்பிட்டுவிட்டு வலது காலை மட்டும் சற்றுத் தூக்கி, காலை உள்வாங்கி மடித்தபடி ஓடி வந்து ,சற்று உடலைத் தளர்வாக தொய்யவிட்டு யுத்தத்திற்கு ரெடி ஆகும் போதே மிகுந்த எதிர்பார்ப்புகள் நமக்கு ஏற்படத் துவங்கிவிடும். பின் போட்டியாள வீரருடன் அவர் மோதத் துவங்கும் போது அந்த வீரர் இருமுறை நடிகர் திலகத்தை கழுத்தையும், உடம்பையும் ஒருசேரப் பிடித்து இடதுபக்கவாட்டில் தூக்கி வீசுவார். தூக்கி வீசப்பட்ட மறு கணமே புள்ளிமான் போலத் துள்ளி எழுந்து நிற்பார் நடிகர் திலகம். பின் மறுமுறை எதிர்வீரர் N.T. யை வலதுபக்கமாக தன் தோள்பட்டை வழியாக தூக்கி வீசும்போதும் அதே சுறுசுறுப்புடன் எழுந்து கொள்வார் N.T. மூன்றாம் முறை எதிர்வீரர் N.T.யின் இரு தொடைப்பகுதிகளையும் இடுப்போடு பிடித்து தூக்க முயற்சி செய்யும் போது, N.T. அந்த வீரரின் கால்களைப் பிடித்து அவரை தலை கீழாக தூக்கிப் போட்டுவிட்டு கைகளைத் தரையில் ஊன்றி நொடிப் பொழுதில் எழுந்து கைகளை நீட்டி யுத்தத்திற்கு மீண்டும் தயாராவது அருமை. பின் அந்த எதிரியின் இரு கைகளோடு தன் இரு கைகளையும் கோர்த்தவாறு பலப்பரீட்சை செய்வதும், பின் எதிராளியின் இடதுகையை தன் தலைக்குமேலாகக் பின்பக்கக் கழுத்து வழியே கொண்டுவந்து,அவர் கீழ் ஆடையைப் பற்றி அவரைத் தூக்க முயற்சிக்கும் போதே அந்த எதிராளி கொஞ்சமும் எதிர்பாராத வகையில் N.T. யின் முதுகைப் பிடித்து திருப்பி முறுக்கியவாறு பக்கவாட்டில் N.T. யைத் தூக்கிக் கிடாசும் போதும் நம் இதயமே சில்லிட்டுப் போகும். அப்படியே மனிதர் நேச்சுராக தரையில் விழுந்து எழுந்திருப்பார் பாருங்கள்! அடடா! தன் தொழிலின் மீது தான் எத்துனை ஈடுபாடு! எழுந்தவுடன் சற்று ரிலாக்ஸ் செய்வதற்காக அந்தப் போட்டிக் களத்தில் கொட்டிக் கிடக்கும் மணலின் மேல் N.T. ரவுண்டடித்து ஓடிவரும் அழகு இருக்கிறதே! காணக் கண் கோடி வேண்டும். (இடையிடையே கீழே விழுந்து எழுந்தவுடன் மறக்காமல் இரு கைகளிலும் ஒட்டியிருக்கும் மண்ணைத் தன் இரு தொடைப்பகுதிகளின் பக்கவாட்டில் தட்டித் துடைத்துக் கொள்வார்.)
பின் போட்டியாளரின் பின்புறம் நின்று அவர் உடம்பை உடும்புப் பிடியாகப் பிடித்து அவரை மூன்று முறை தூக்கித் தூக்கி நிறுத்தி நிலை குனிய வைப்பதும், அவரை இரண்டு முறை தலை கீழாகத் தூக்கி வீசுவதும் ரத்தத்தை உறைய வைக்கும் காட்சிகள். அடுத்து N.T. எதிரியின் கழுத்தைப் பிடித்து வளைத்து சர்வ சாதரணமாக மண்ணைக் கவ்வ வைப்பது மிரள வைக்கும் தத்ரூபக் காட்சி. எதிரி தன் முதுகின் மேலே படர்ந்து படுத்தவாறு இம்சை தர ,அப்படியே படுத்தவாக்கில் அவரை தலைகீழாக மாற்றிப் புரட்டிப் போட்டுப் படுக்கவைத்து, தான் அவர் முதுகின் மீது அமர்ந்து கொண்டு அவரது கைகளைப் பிடித்துப் பிடிபோட்டு அவரை தலை கீழாக நிறுத்தி (சிரசாசன பொசிஷனில்) அவரது இரு தூண் போன்ற தொடைகளுக்கிடையே தன் கழுத்தும்,முகமும் பதிந்திருக்க எதிரி அப்படியே தனது தொடைகளால் N.T. யின்கழுத்தை இறுக்கி அப்படியே புரட்டிப் போட, தூரமாகப் போய் டூப்பே இல்லாமல் N.T. விழுவது நம்மை திடுக்கிட வைக்கிறது. பின் எதிரி கொஞ்சம் கொஞ்சமாக தன் பலத்தை இழக்க ஆரம்பிக்க, N.T. யின் கை ஓங்க, தான் வெற்றி பெறப் போவது உறுதி என்று நிச்சயமாகத் தெரிந்து விட்ட நிலையில், வெற்றி பெறப் போகும் களிப்பை முகத்தில் காட்டி, எதிரியை சர்வ அலட்சியமாக பலமுறை தூக்கிப் போட்டு பந்தாட வைத்து மண்ணைக் கவ்வச் செய்வதும், எதிரி சோர்ந்து போய் ஒவ்வொருமுறையும் தட்டுத் தடுமாறி எழுந்திருக்கையில், இடைப்பட்ட அந்த நேரத்தில் அந்த இடத்தை வெகு அழகாக,அலட்சியமாய் ஓடியவாறு சுற்றி வருவதும்,தோள்பட்டைகளை சற்று துவளவிட்டு, உடலை சற்று தளர விட்டு,வலது தொடையைத் தட்டி வெற்றிக்கான அறிகுறியை முகத்தில் காட்டத் தொடங்குவதும், இறுதியில் அப்படியே அலாக்காக எதிரியை தூக்கி மனிதர் என்னமாய் தூக்கிச் சுழற்றுகிறார்!) தோள்பட்டையில் வைத்துக் கொண்டு மூன்று முறை சுற்றி கீழே தூக்கிப் போட்டு வெற்றி வாகை சூடுவதும் இதுவரை தமிழ் சினிமா கண்டிராத அபாரமான அரிய காட்சிகள். அதே போல எதிரி தன்னை இம்சிக்கும் நேரங்களில் வலியின் வேதனையைக் காட்டியவாறும், காட்டாதவாறும் அவர் முகத்தில் பிரதிபலிக்கும் உணர்ச்சிகள் உன்னதமானவை. குறிப்பாக ஒரு இடத்தில் கூட 'டூப்' போடாமல் அவர் மிகுந்த சிரத்தை எடுத்து செய்த சண்டைக் காட்சி (மல்யுத்தக் காட்சி) இதுவாகத்தான் இருக்க வேண்டும்.
அந்த அற்புத, மனதை உறைய வைக்கும் மல்யுத்தக் காட்சி முதன் முதலாக இணையத்தில் தரவேற்றி உங்களுக்காக.
http://www.youtube.com/watch?feature...&v=uOOftnJMs0Y
அன்புடன்,
வாசுதேவன்.
:exactly: Excellent :clap:
மதிப்பிற்குரிய சாரதா மேடம்,
தங்களின் "விஸ்வரூபம்" 100வது நாள் விழா சிறப்புப்பதிவால் நமது திரியே விழாக்கோலம் பூண்டு விட்டது. அருமையான பதிவு. எல்லோருக்கும் ஆனந்த விருந்தளித்து விட்டீர்கள். இப்படிப் பட்டப் பதிவுகளுக்காக தவமிருக்கிறோம். நன்றிகளும், மனமுவந்த பாராட்டுக்களும்.
மகிழ்ச்சியுடன்,
வாசுதேவன்.