Originally Posted by
mr_karthik
அன்புள்ள பம்மலார்,
அமரதீபம் 100-வது நாள் விளம்பரததைத்தந்து, அதன் வெற்றியை உலகறிய உரக்கச்சொல்லி விட்டீர்கள். அன்றைய நாட்களில் திரைப்படங்களின் 100-வது நாளின்போது அதில் நடித்த பிரதான நட்சத்திரங்கள் திரையரங்குகளின் மேடையில் ரசிகர்கள் முன் தோன்றுவது வழக்கமாக இருந்து வந்துள்ளதை பல்வேறு விளம்பரங்களின்மூலம் அறிய முடிகிறது. இந்த வழக்கம் எப்போது, எப்படி நின்றுபோனது என்பது தெரியவில்லை.
அறுபதுகளின் பிற்பகுதி மற்றும் எழுபதுகளில் 100 நாட்களுக்கு மேல் ஓடி வெற்றியடைந்த படங்களுக்கு வெற்றிவிழா கொண்டாடுவது கூட அபூர்வமாகிப்போனது. இதில் நடிகர்திலகத்தின் பல படங்களும் அடக்கம்.
சிங்கப்பூரில் இருந்து வெளிவரும் இந்தியன் மூவிநியூஸ் பத்திரிகையில் வெளியான 'ஆண்டவன் கட்டளை' பக்கங்களை எனக்கு டெடிகேட் செய்ததற்கு மிக்க நன்றி. இவற்றைப்பார்க்கும்போது, இன்று நம்மிடையே அண்ணனும் இல்லை, 'அண்ணி'யும் இல்லையென்ற உண்மை மனதைத் தாக்குகிறது.
சாந்தி அரங்கில் நடிகர்திலகத்தின் நிரந்தர உருவப்படத்துக்கு மலரஞ்சலியையும், ஆட்டோ ஓட்டுனர்கள் சங்க அஞ்சலியையும் பத்திப்பித்தமைக்கும் மிக்க நன்றி.