Quote:
இழுபறியில் இளவரசி திருமணம்
திங்கள் முதல் வெள்ளி வரை தினமும் மதியம் 1.30 மணிக்கு சன் டிவியில் ஒளிபரப்பாகி வரும் தொடர், `இளவரசி'.
இளவரசியின் தந்தை கதிரேசன் எதிர்பாராமல் விபத்தில் சிக்கி பலியாகிறார். அவரது இழப்பால் நிலை குலைந்து போகிறது இளவரசியின் குடும்பம். இந்நிலையில் அந்த குடும்பத்திற்கு வேண்டிய செல்வா தன் தாயுடன் வந்து துக்கம் விசாரிக்கிறான். அத்துடன் அந்த குடும்பத்தினரோடு நெருங்கி பழகுகிறான்.
இது ஏற்கனவே இளவரசியை மணப்பதாக இருந்து பின்னர் முடியாமல் போன கார்த்திகேயனுக்கு கோபத்தை ஏற்படுத்துகிறது.
இந்நிலையில் நின்று போன இளவரசியின் திருமணத்தை எப்படியாவது நடத்த வேண்டும் என்று இளவரசியின் சித்தப்பா சொல்ல, ``இப்போது திருமணம் வேண்டாம்'' என்கிறாள் இளவரசி. தன் தம்பிக்காக கொலைப் பழியை சுமந்து கொண்ட சுப்பிரமணி, இளவரசியின் குடும்பத்துக்கு எந்த வகையிலாவது உதவ நினைக்கிறான். ஆனால் அவன் அண்ணி ஜானகி தன் தங்கை கயல்விழியை சுப்பிரமணிக்கு மனைவியாக்க சந்தர்ப்பம் பார்த்து காத்துக்கொண்டிருக்கிறாள்.
ஆனால் திடீர் என்று தென்காசியிலிருந்து கயல்விழியை பெண் பார்க்க ஒரு குடும்பத்தினர் வீட்டுக்கு வருகிறார்கள். இப்போது ஜானகி என்ன செய்யப்போகிறாள்?
இதற்கான விடை வரும் நாட்களில் தெரிய வரும்.
தொடரில் நட்சத்திரங்கள்:- சந்தோஷி, ஜெயமணி, அகிலா, பரத், சத்யா, யோகினி. ஒளிப்பதிவு: பாலகுருநாதன், இசை: கிரண். இயக்கம்: சந்தானம். கிரியேட்டிங் ஹெட்: ராதிகா, தயாரிப்பு: ராடன் நிறுவனம்.