Quote:
சின்னத்திரை சீரியல் விருது!
சென்னை காமராஜர் அரங்கில் இன்று மாலை 6 மணிக்கு `சின்னத்திரை சீரியல் விருது' விழா நடக்கிறது. 2008-ல் ஒளிபரப்பப்பட்ட தொடர்களில் இருந்து 16 தொடர்களை தேர்வு செய்து, அதில் பல்வேறு துறையில் தேர்ந்தவர்களுக்கு விருது வழங்குகிறார்கள்.
திரைப்பட இயக்குனர் எழில், இயக்குனர்-வசனகர்த்தா ஈ.ராமதாஸ், ஒளிப்பதிவாளர் ரவீந்தர், இசையமைப்பாளர் சிற்பி, பாடலாசிரியர் காமகோடியான், நடன இயக்குனர் `காதல்' கந்தாஸ், எடிட்டர் விட்டல் ஆகியோர் நடுவர்களாக இருந்து சிறந்த நடிப்புக்கலைஞர்கள், தொழில்நுட்பக்கலைஞர்களை தேர்வு செய்தனர்.
அதன்படி சிறந்த நடிகர்-நடிகை, சிறந்த குணச்சித்திர நடிகர்-நடிகை, சிறந்த வில்லன் நடிகர்-வில்லி நடிகை, சிறந்த புதுமுக நடிகர்- நடிகை, சிறந்த நகைச்சுவை நடிகர்-நடிகை, சிறந்த இயக்குனர் ஆகியோர் விருது பெறுகிறார்கள். சிறந்த முகப்புப் பாடல், சிறந்த பாடலாசிரியர், சிறந்த நடன இயக்குனர், சிறந்த ஒளிப்பதிவு, சிறந்த படத்தொகுப்பு, சிறந்த கதை-திரைக்கதை- வசனகர்த்தாவும் விருதுப் பட்டியலில் இணைகிறார்கள். சிறந்த தயாரிப்பு நிறுவனத்துக்கும் விருது உண்டு. விழாவில் `வாழ்நாள் சாதனையாளர் விருது' பழம்பெரும் நடிகை எஸ்.என்.லட்சுமிக்கு வழங்கப்படுகிறது.
விஷன்புரோ ஈவென்ட் மேனேஜ்மென்ட் அமைப்பு, காஸ்மிக் டவுன் நிறுவனத்துடன் இணைந்து நடத்தும் இந்த விருது நிகழ்ச்சி, கே டிவியில் வருகிற 22-ந் தேதி தொடங்கி தொடர்ந்து 4 பகுதிகளாக ஞாயிறு தோறும் காலை 10 மணிக்கு ஒளிபரப்பாகவிருக்கிறது.