Piravi payan
Printable View
Piravi payan
அப்படியெல்லாம் சொல்லி சோர்ந்து போகக் கூடாது- இரவும் பகலும் மாறி மாறி வருவது இயற்கை. இன்பமும் துன்பமும் நாணயத்தின் இரு பக்கங்களாக இணைந்திருப்பது இயல்பு. The night is darkest when the dawn is nearest.
உயிரற்று போனபின்னே
உன்பெயர் கூட உனதில்லை
இனமேது ஆனாலும் நீ
பிணமன்றி வேறில்லை
உடல் உறுதியாய் இருந்தும்
உயிரற்று கிடத்திட்டால்
உடல் ஊதி புழுத்திடும்
ஊர் தூற்ற நாரிடும்
உயிரற்ற உடல் கண்டும்
உன் மனமின்னும் மாறலியோ
உயிரில்லா பொருள்மீது
உன் மோகம்தான் தீரலியோ?
-
கிறுக்கன்
ம்ம்ம்....:(
இன்னல் இல்லா இதயம் இல்லை
இருள் இல்லா இரவும் இல்லை
ஊடல் இல்லா உறவும் இல்லை
மோதல் இல்லா மேகமும் இல்லை
உன்னை விடவும் நொந்தார் உண்டு
நினைத்து பார்த்து நிம்மதி நாடு.
-
கிறுக்கன்
ஆம், படியில்லா வீட்டு வாசலில்லை; நிழலில்லா உருவமில்லை;நிழலின் அருமை அறியத்தானோ வெயிலின் கொடுமை?
உன்னை நான் பார்த்ததில்லை
உன்னை நான் கேட்டதுமில்லை
உன்னை எனக்கு தெரியவும் தெரியாது
பின்பு எப்படி மயக்கினாய் என்னை
மண்டை புடைத்த பின்தான் தெரிந்தது
தன்னிலை மறந்து மயங்கினால் வரும்
விபரீதம் என்னவென்று....
:lol::clap:
இதயத்தின் துயர் துடைக்க
இறைவனை துதித்தேன்
உள்வலி துறக்க
வெளிவலி தந்தான் போலும்
உள்வலி மறைக்கும்
வெளிவலியும் இன்பமே....
Written in 2010 HUB Magazine --for backup
கருத்துடன் நின்று
காவல் புரிந்தவனே
போய் வருகிறேன்
--கதவு
மிதித்த போதும்
மிருதுவாய் சுமந்தவனே
போய் வருகிறேன்
--தரை
வெறித்த போதெல்லாம்
வெள்ளந்தியாய் சிரித்தவனே
போய் வருகிறேன்
--மேற்கூரை
இடைவெளி உணர்த்த
இடையில் நின்றவனே
போய் வருகிறேன்
--சுவர்
அழுக்குற வரும்போதெல்லாம்
அழகுற செய்தவனே
போய் வருகிறேன்
--குளியல் அறை
சிறிதுநேரம் இருந்தாலும்
சாந்தியைத் தந்தவனே
போய் வருகிறேன்
--பூஜை அறை
இருளை அகற்ற
இரவெல்லாம் விழித்தவனே
போய் வருகிறேன்
--மின்விளக்கு
அயர்ச்சியாய் வரும்போதெல்லாம்
அமைதி தந்தவனே
போய் வருகிறேன்
--படுக்கைஅறை
உன்னுடன் இருந்த நாட்களை
உதிரத்தில் சுமந்திருப்பேன்
விடைகொடு வாடகை வீடே...