டியர் வாசு சார்,
இன்றைய ஸ்பெஷல் பகுதியில் முந்தாநாள் ஸ்பெஷலாக நீங்கள் அளித்த 'எங்கவீட்டுப் பெண்' படத்தின் தெய்வம் மலரோடு வைத்த மணம் நறுமணம் பாடல் ஆய்வு நன்றாக இருந்தது. மிகவும் அமைதியான அழகான பாடல், இசையரசியில் குரலில் மேலும் உயரத்தை அடைந்தது. 1965-ல் ஆர்ப்பாட்டமான பாடல்களுக்கிடையே சந்தடியில்லாமல் ஹிட்டான பாடல். வானொலிகளில் அடிக்கடி ஒலித்தது.
இப்படத்தின் இன்னொரு பாடலைப்பற்றி சொல்ல வேண்டும். (இப்போது பழைய பாடல்களின் மெட்டை, ரீமிக்ஸ் செய்கிறேன் என்ற போர்வையில், அப்பட்டமாக காப்பியடிப்பது சகஜமாகிவிட்டது). ஆனால் ரிப்பீட்டு ஆனால் சுலபமாக கண்டுபிடிக்கக் கூடிய காலத்திலேயே கே.வி.எம்.மாமா மிக சாதாரணமாக ரிப்பீட் செய்வார். அதற்கு உதாரணம் இப்படத்தில் வரும்
'கால்களே நில்லுங்கள் கண்களே சொல்லுங்கள்'
என்ற பல்லவி. இது ஏற்கெனவே மக்களைப்பெற்ற மகராசி படத்தில் இடம்பெற்ற
'சீமையிலே படிச்சவரு சின்ன எஜமான் நல்லவரு'
என்ற பல்லவியின் ரிபீட். மாமா இதோடு நிற்கவில்லை. எங்கவீட்டுப் பெண் வந்து ஐந்தாண்டுகள் கழித்து வந்த மாட்டுக்கார வேலனில் இதே மெட்டில் பல்லவி அமைத்திருப்பார்..
'பட்டிக்காடா பட்டணமா ரெண்டுங்கெட்டான் லட்சணமா'
இப்படி ஒரு மெட்டை வைத்து பல பல்லவிகளை உருவாக்கினார் (மக்கள் மறந்துவிடுவார்கள் என்ற எண்ணம்தான். தேர்தல் வாக்குறுதிகளை வேண்டுமானால் மறப்பார்கள். பாடல்களையும் மெட்டுக்களையும் மறப்பார்களா?)
எப்படியோ உங்கள் பதிவை வைத்து நானும் ஒரு சரவெடி கொளுத்த முடிந்தது...