ரகசிய போலீஸ் திரைப்படம் மதுரை அலங்காரில் சென்ற ஞாயிறன்று மாலை ரூ. 38,000/- வசூல் ஆன தகவலைப் பார்த்து மொத்தம் ரூ.1,50,000/- ஈஸியாக வசூல் ஆகும் போல் இருக்கிறதே என்று 2 நாளுக்கு முன் பதிவு செய்திருந்தேன். உடனே ஒரு நண்பர் 6 நாள் வசூல் 1,38,000/- ரூபாய் என்று விநியோகஸ்தரிடம் விசாரித்து தகவல் தெரிவித்தார். அதைக் குறிப்பிட்டு அவருக்கு நன்றி தெரிவித்தேன். மொத்தமாக ஓடி முடிந்ததும் எவ்வளவு என்பதை தெரிவிக்கும்படி சொன்னேன்.
இப்போது, ஒருவார வசூல் 1,60,000/- என்ற தகவலை விநியோகஸ்தர் கண்ணனிடம் கேட்டு பதிவிட்டுள்ளீர்கள். மிகுந்த மகிழ்ச்சி. நான் குத்துமதிப்பாக சொன்ன தொகையை விட ரூ.10,000/- கூடுதலாகவே வசூல் ஆகியிருக்கிறது. மக்கள் திலகம் தன்னை குறைத்து மதிப்பிடக் கூடாது என்று எனக்கு உணர்த்தியிருக்கிறார்.
2 வாரங்களுக்கு முன் மதுரை சென்ட்ரலில் மக்கள் திலகத்தின் ஆசைமுகம் படம் 96,000/- ரூபாய் வசூல் செய்து புரட்சி செய்திருக்கிறது. குடியிருந்த கோயில் திரைப்படம் கடந்த ஆண்டு பொங்கலுக்கு இதே தியேட்டரில் அதிக வசூல் செய்து சாதனை படைத்தது. இந்த ஆண்டு மே மாதம் மறுபடியும் அதே தியேட்டரில் வெளியாகி ஒரு லட்சம் ரூபாயை தொட்டிருக்கிறது.
இப்போது ரகசிய போலீஸ் 115 மதுரை அலங்காரில் ரூ.1,60,000/- வசூல் சாதனை புரிந்திருக்கிறார்.
இதுவரை மதுரையில் மறுவெளியிட்டில் வெளியான எந்தப் படமும் ரூ.1,60,000/- வசூல் சாதனை செய்தது இல்லை (ஒரு வாரத்தில்).
புரட்சித் தலைவரின் புகழ் கொடிகட்டிப் பறக்கும் கோட்டை எங்கள் மதுரை மண் என்பது மறுபடியும் நிரூபிக்கப்பட்டிருக்கிறது. மதுரைக்காரனா? கொக்கா?