-
சி.க சார்,
தொழில் பாட்டுக்கு விளக்கம் களேபரம். மிருகத்துக்கு விளக்கமென்ன... சிங்கத்துக்கு விளக்கமென்ன...சர்க்கஸ் பார்த்த அனுபவம் என்ன... அதுவும் 'அழகாய் வட்டமாய்க் கட்டப்பட்ட சாரப் பலகைகள்' அழகான வர்ணனை சி.க.வால் மட்டுமே முடிந்த ஒன்று. அருமை நடை.
தேவிகா என்றால் தேவுடு காத்து பார்ப்பீர்களே ஜொள் விட்டு.
எனக்கு நடிகர் திலகம் நடிக்கும் போது பக்கத்தில் யார் நின்றாலும் கண்களுக்குத் தெரியாது. ஒரு இருபது முப்பது தரம் நடிகர் திலகத்தின் முகபாவங்களையும், உடல் மொழிகளையும் பார்த்த பின் தான் அடுத்தவர்களுக்கு போனால் போகுது என்று சான்ஸ்.
'இரவுக்கு ஆயிரம் கண்கள் பகலுக்கு ஒன்றே ஒன்று'
ஆயிரம் கண்களிலும் சுண்ணாம்பா இல்லை வெண்ணையா? நீரே சொல்லும் துரை.
'பறக்கும் பாவை' எனக்குப் பிடித்த நல்ல படம். ரசித்துப் பார்ப்பேன். கலர்ஃபுல் மூவி. அதனால்தான் 'இன்றைய ஸ்பெஷலி'ல் கூட 'சுகம் எதிலே' பாடல் பற்றி எழுதினேன். ராமண்ணா அனுபவித்துப் பண்ணியிருப்பார். பாடல்கள் பாயாசம். ஆயாசம் வரும் போது கேட்டால் பரவசம். என்ன டி.ஆர் மாதிரி எழுத ஆரம்பித்து விட்டேன்!
நடிகர் திலகத்தின் கோபக்காட்சிகள் பற்றிய தொகுப்பும், வர்ணனையும் கலக்கல். உமக்கு ஒன்றும் எழுதத் தெரியாது... நீர் சிறுவன்... குட்டியூண்டு ரசிகன்... அதை நாங்கள் நம்ப வேண்டும்.... அப்படித்தானே!:)
கோபக் காட்சிகள் எழுதும் போதே உமது கோபமும் புரிகிறது.:) அது வியட்நாம் திசை நோக்கி செல்வதும் தெரிகிறது.:) நெய்வேலி பக்கம் திரும்பாமல் இருந்தால் சரி! நம்மால் தாங்க முடியாது சாமியோவ்.:)
சி.க,
கிண்டி விட்டு விட்டீர்.
நடிகர் திலகத்தின் கோபம் பிற்காலப் படங்களில் பின்னி எடுக்கும்.
உதாரணத்திற்கு 'நீதிபதி'.
வில்லன்கள் பேச்சை கேட்டு நீதிபதியை பெயர் சொல்லி 'ஜஸ்டிஸ் ராஜா' என்று அழைக்கும் மருமகன் விஜயகுமார். நீதிபதியின் மகளை வாழாவெட்டியாக்கி வீட்டுக்கு கொண்டு வந்து வாய்க்கு வந்தபடி பேசும் மருமகனுக்கு பதிலடி கொடுக்கும் நீதிபதி நடிகர் திலகம். சும்மா தியேட்டரே கிடுகிடுக்கும் அந்த சிம்மக் குரலில்
மருமகன் விஜயகுமார் குற்றவாளி ஜகன்நாத்தை நிரபராதி என்று கூறி கோர்ட்டில் தீர்ப்பு கூற வேண்டும் என்று நடிகர் திலகத்திடம் சொல்ல, 'இல்லைன்னா?' என்று நடிகர் திலகம் திரும்பக் கேட்க, 'உங்கள் மகள் (மேனகா) வாழாவெட்டியாகிவிடுவாள்' என்று விஜி பயமுறுத்த, (அப்போது விஜி டர்ன்)
வருவார் பாருங்கள் கோபத்தோடு. கையில் பைப் வேறு. கேக்கணுமா? மன்னவன் பின்னி விடுவார் பின்னி. (இப்போது சிங்கத்தின் டர்ன்)
நேரே விஜயகுமாரிடம் வந்து,
'எய்தவன் எவனோ?... விஷ அம்பா என் நெஞ்சில குத்தற?'
என்று கர்ஜிக்க ஆரம்பிப்பார். சும்மா வசனம் வீடு கட்டி விளையாடும். கோபமாக பேசிக் கொண்டே வருவார்.
'என்னைப் படைச்ச ஆண்டவணானாலும் சரி! எனக்கு வேலை கொடுத்த அரசாங்கமா இருந்தாலும் சரி! ரெண்டு பெரும் சேர்ந்து கோர்ட்டுக்கு வந்தாலும் நீதிக்குத்தான் மதிப்பு கொடுப்பேனே தவிர வேற எந்த நாய்க்கும் மதிப்பு கொடுக்க மாட்டான் இந்த ஜஸ்டிஸ் ராஜா"
http://i1087.photobucket.com/albums/...0-2/sivaji.jpg
அடுத்து பின்னல் நிற்கும் மருமகன் விஜயகுமாரை அழைப்பதை கவனியுங்கள்.
'ஏய் ரமேஷ்!
பார்க்காமலேயே பின் பக்கம் வலது கையை உயர்த்தி ஆட்காட்டி விரலால் கூப்பிடுவார். இடது கையில் பைப் புகையும்.
'என் மகளுடைய புருஷன் அப்படிங்கிற ஒரே காரணத்துக்காக உன்னை மரியாதையா போகச் சொல்றேன். போடா.. சீ! சீ!... போடா"
என்று முகத்தில் கோபமும், கடுப்பும், ஆத்திரமும், வேதனையும், விரக்தியும், வேதனையும் ஒன்று கலந்து ஒரு சேர அரை நொடியில் காட்டுவாரே.
அடப் போங்கப்பா! தலைவர் கோபத்தைப் பத்தி எழுதி கொலை வெறியை ஏத்தி விடறீங்க.
அப்புறம் இது சிவாஜி திரி ஆயிடுச்சுன்னு வெளியில் இருந்து தலையை நீட்டி சிலர் பார்த்துட்டு வயிறு எரிவாங்க.:) வேணாம். நமக்கேன் வீண் வம்பு.:)
-
சி.க,
சர்க்கஸ் பட வரிசையில் இவற்றையும் சேர்த்துக் கொள்ளுங்கள்
சந்திரலேகா
பாகப் பிரிவினை
தெய்வச் செயல்
நல்ல நேரம் (தெரு சர்க்கஸ்)
அபூர்வ சகோதரர்கள்
சர்க்கஸ் சுந்தரி
இன்னும் இருந்தா போடுங்களேன்.
-
'குலமகள் ராதை' படத்தில் சர்க்கஸ் கூடாரத்தில் அண்ணியார்
http://i.ytimg.com/vi/yQHDlc2zvvY/hqdefault.jpg
-
-
பறக்கும் பாவை சர்க்கஸ் கூடாரக் குளியலறையில் எம்.ஜி.ஆர் அவர்களும், சரோஜாதேவியும்
http://tamildada.com/wp-content/uplo...e-download.jpg
-
-
-
எந்த ஊர் என்றவனே இருந்த ஊரைச் சொல்லவா?
அந்த ஊர் நீயும்கூட அறிந்த ஊர் அல்லவா!
உடலூரில் வாழ்ந்திருந்தேன் உறவூரில் மிதந்திருந்தேன்
கருவூரில் குடி புகுந்தேன் மண்ணூரில் விழுந்து விட்டேன்!
கண்ணூரில் தவழ்ந்திருந்தேன் கையூரில் வளர்ந்திருந்தேன்
காலூரில் நடந்து வந்தேன் காளையூர் வந்துவிட்டேன்!
வேலூரைப் பார்த்து விட்டேன் விழியூரில் கலந்து விட்டேன்
பாலூறும் பருவம் என்னும் பட்டினத்தில் குடிபுகுந்தேன்!
எந்த ஊர் என்றவனே இருந்த ஊரைச் சொல்லவா?
அந்த ஊர் நீயும்கூட அறிந்த ஊர் அல்லவா!
காதலூர் காட்டியவள் காட்டூரில் விட்டுவிட்டாள்
காதலூர் காட்டியவள் காட்டூரில் விட்டுவிட்டாள்
கன்னியூர் மறந்தவுடன் கடலூரில் விழுந்துவிட்டேன்!
கன்னியூர் மறந்தவுடன் கடலூரில் விழுந்துவிட்டேன்!
பள்ளத்தூர் தன்னில் என்னை பரிதவிக்க விட்டு விட்டு
மேட்டூரில் அந்த மங்கை மேலேறி நின்று கொண்டாள்!
கீழுரில் வாழ்வதற்கும் கிளிமொழியாள் இல்லையடா
மேலூரு போவதற்கும் வேளை வரவில்லையடா!
எந்த ஊர் என்றவனே இருந்த ஊரைச் சொல்லவா?
அந்த ஊர் நீயும்கூட அறிந்த ஊர் அல்லவா!
-
கடவுள் செய்த பாவம்...
திரு.வாசு சார், திரு. சின்னக் கண்ணன் சார், திரு.கிருஷ்ணா சார் எப்படி இருக்கிறீர்கள்? பணிச் சுமை காரணமாக ரெகுலராக வர முடியவில்லை. மன்னிக்கவும். இருந்தாலும் எல்லா பதிவுகளையும் ரசித்து வருகிறேன். திரு. வாசு சார், பாடல் இரண்டு, பாணி ஒன்று அருமை. நன்றி. திரு. ராகவேந்திரா சாருக்கும்.
திரு.சின்னக் கண்ணன் சார், (சித்தி என்றால் ராதிகாவா என்று கேட்கப்படாது ரவி சார்) உங்கள் அட்டகாசத்துக்கு அளவே இல்லையா? பணியில் டென்ஷனாக இருக்கும்போது எனக்கு ரிலாக்ஸ் உங்கள் எழுத்து.
உங்கள் கோபமும் திரு.வாசு சாரின் கோபமும் நியாயமானதே. அதோடு, என்னுடைய இந்த தார்மீக கோபத்தையும் சேர்த்துக் கொள்ளுங்களேன்.
மக்கள் திலகம் நடித்த நாடோடி திரைப்படம் எனக்கு மிகவும் பிடித்த படம். சாதிக் கொடுமையை லேசாக தொட்டுக் காட்டியிருக்கும் படம். படத்தில் இடம் பெற்ற ‘கடவுள் செய்த பாவம்....’ பாடல் தினமும் ஒருமுறையாவது மனதில் ரீங்காரமிடும். பொன்மனச் செம்மலின் நடிப்பும் அற்புதமாக இருக்கும். காதலியை இழந்து விட்ட வேதனையில் தலைவர் இருக்கும்போது இந்தப் பாடல். காட்சியோ சோகக் காட்சி. பாட்டோ சோகம் கலக்காத சற்று கோபமான பாடல்.
அந்தக் காட்சியில் சோகமாக இருக்கும் மக்கள் திலகமே பாடினால் பொருந்தாமல் போகலாம் என்பதால் புத்திசாலித்தனமாக காட்சி அமைக்கப்பட்டிருக்கும். அதாவது, சோகமாக இருக்கும் மக்கள் திலகம் முன் அவரது மனசாட்சியாக மக்கள் திலகமே பாடுவதுபோல காட்சி அமைப்பு அட்டகாசம். பாடலுக்கேற்ப அவரின் துடிப்பான நடிப்பும் டான்சும்தான். பாடலின் சில வரிகளை சொல்கிறேன்.
கடவுள் செய்த பாவம்
இங்கு காணும் துன்பம் யாவும்
என்ன மனமோ என்ன குணமோ, இந்த
மனிதன் கொண்ட கோலம்
பொருளேதும் இன்றி கருவாக வைத்து
உருவாக்கி விட்டு விட்டான்
அறிவென்ற ஒன்றை மரியாதை இன்றி
இடம் மாற்றி வைத்து விட்டான்
எவ்வளவு அருமையான வார்த்தைகள். அடுத்த பாராவில் ‘முகத்துக்கு நேரே சிரிப்பவர் கண்கள் முதுகுக்கு பின்னால் சீறும், முகஸ்துதி பேசும் வளையும் குழையும் காரியம் ஆனதும் மாறும்’ என்ற வரிகளுக்கு மக்கள் திலகத்தின் ஆக்க்ஷன் சூப்பர். அதிலும் ‘காரியம் ஆனதும் மாறும்’ என்ற வரியின்போது காலால் எட்டி உதைப்பது போன்ற அபிநயம் அழகு.
பாடலின் கடைசியில் ‘நடப்பது யாவும் விதிப்படி என்றால் வேதனை எப்படி தீரும்? உடைப்பதை உடைத்து வளர்ப்பதை வளர்த்தால் உலகம் உருப்படியாகும்’ என்ற வரிகளில் மக்கள் திலகத்தை மட்டுமின்றி நம்மையும் உற்சாகம் தொற்றிக் கொள்ளும். அதுவரை சோகமாக இருக்கும் அவர், உற்சாகமாகி இந்த வரிகளை பாடுவார். இங்கே, கவனிக்க வேண்டிய ஒன்று, அற்புதமான எடிட்டிங். இந்த வரிகளை மனசாட்சியாக வருபவர், பாடத் தயாராகும்போது, சோகமாக இருக்கும் மக்கள் திலகம் சரியான நேரத்தில் பாடத் தொடங்குவார். அதைப் பார்த்து மனசாட்சியாக வருபவரும் பாட இருந்ததை நிறுத்தி விட்டு, கையை சொடுக்கி, சபாஷ் என்பது போல தலையாட்டுவார். இந்த காட்சி நூலிழை தவறாமல் ‘சிங்கர்னைஸ்’ ஆகியிருக்கும்.
இந்தப் பாடல் இன்றும் வழக்கம் போல என் மனதில் ரீங்காரமிட்டது. அதற்கான பின்னணிதான் வேறு.
திருப்பதியில் இலங்கை அதிபர் ராஜபக்சே சாமி தரிசனம் செய்ததையொட்டி இந்தப் பாடல் மனதில் தோன்றியது. இலங்கையில் 2009ம் ஆண்டு நடந்த இறுதிப் போரில் ஒன்றரை லட்சம் அப்பாவித் தமிழர்கள் கொல்லப்பட காரணமாக இருந்த ராஜபக்சே ஏழுமலையான தரிசனம் செய்கிறார். அதற்கு நாடோடி படத்தில் வரும் ‘கடவுள் செய்த பாவம்’ பாடல் எவ்வளவு பொருத்தமாக இருக்கிறது பாருங்கள்.
விடுதலைப் புலிகள் இயக்கத்தை தீவிரவாத இயக்கம் என்று கூறி, அதன் நடவடிக்கைகளை ஏற்காதவர்கள் கூட, அப்பாவித் தமிழர்கள் ஒன்றரை லட்சம் பேர் கொல்லப்பட்டதை ஏற்கமாட்டார்களே. இலங்கையின் மனித உரிமை மீறலுக்கு ஐ.நா.சபையே கண்டனம் தெரிவித்ததே.
தமிழர்களை கொல்ல காரணமாக இருந்த ராஜபக்சே, அந்த பாவத்தை கழுவத்தான் திருமலைக்கு சாமி தரிசனம் செய்ய வந்திருக்கிறாரோ என்று பார்த்தால் அதுவும் இல்லை. அதிலும் சுயநலம்தான். அடுத்த மாதம் 8ம் தேதி இலங்கையில் அதிபர் தேர்தல் நடக்கிறது. இதில் மீண்டும் போட்டியிடும் அவர் வெற்றி பெறுவதற்காக பிரார்த்தனையாம்.
இஸ்ரேலுக்கு எதிராக தங்கள் உரிமைகளுக்காக பாலஸ்தீன விடுதலை இயக்கம் போராடினால் இந்தியா ஆதரவு தரும்.
பாகிஸ்தானில் மக்களின் உரிமைகள் நசுக்கப்பட்டால் இந்தியா உடனே போர் தொடுத்து பாதிக்கப்பட்ட மக்களுக்காக வங்கதேசத்தை உருவாக்கி கொடுக்கும்.
இவ்வளவு ஏன்? சுதந்திரப் போராட்ட காலத்திலேயே துருக்கியில் காலிப் பதவியிழந்தால், கிலாபத் இயக்கமே இங்கு தொடங்கப்படும்.
ஆனால், இலங்கையில் உரிமைகளுக்காக போராடும் தமிழர்களுக்கு மட்டும் ஆதரவு தர மாட்டோம். ‘சொந்த சகோதரர்கள் துன்பத்தில் சாதல் கண்டும் சிந்தை இரங்காரடி’ என்று சும்மாவா பாடினார் பாரதி? ராஜபக்சே கடவுளை தரிசிப்பதால் அவருக்கு புண்ணியம் கிடைக்கலாமோ என்னவோ? நிச்சயம் இது, மக்கள் திலகம் பாடியது போல ‘கடவுள் செய்த பாவம்’ தான்.
ராஜபக்சே போன்றவர்கள் இறைவனை தரிசிப்பதற்கும், வாடிய பயிரை கண்டபோதெல்லாம் வாடினேன் என்று, கருணையே வடிவாய் கொல்லாமையை, ஜீவகாருண்யத்தை உபதேசித்த வள்ளலாரின் பெயராலேயே கசாப்பு கடை நடத்துவதற்கும் என்ன வித்தியாசம்?
இந்தப் பாடலின் கடைசியில் மக்கள் திலகம் பாடும் வரிகளைப் போல,
‘நடப்பது யாவும் விதிப்படி என்றால்
வேதனை எப்படி தீரும்?
உடைப்பதை உடைத்து, வளர்ப்பதை
வளர்த்தால் உலகம் உருப்படியாகும்..’
உலகம் உருப்படியாகும் என்ற நம்பிக்கையை இன்னமும் நாம் இழக்கவில்லை. ஆனால், எப்போது என்றுதான் தெரியவில்லை. பாரத் மாதா கி ஜே!
அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்
-
பாட்டு வரும்….
என்ன?
பாட்டு வரும்….
உன்னைப் பார்த்துக் கொண்டிருந்தால் பாட்டு வரும்
உன்னைப் பார்த்துக் கொண்டிருந்தால் பாட்டு வரும்
அதைப் பூங்குயில் கூட்டங்கள் கேட்டு வரும்
உன்னைப் பார்த்துக் கொண்டிருந்தால் பாட்டு வரும்
அதைப் பூங்குயில் கூட்டங்கள் கேட்டு வரும்
அதைக் கேட்டுக் கொண்டிருந்தால் ஆட்டம் வரும்
அந்த ஆட்டத்தில் பொன்மயில் கூட்டம் வரும்
பாட்டு வரும்….
ஆஹா..ஹா
பாட்டு வரும்….
அதைக் கேட்டு கொண்டிருந்தால் ஆட்டம் வரும்
அந்த ஆட்டத்தில் பொன்மயில் கூட்டம் வரும்
இதயம் என்றொரு ஏடெடுத்தேன்
அதில் எத்தனையோ நான் எழுதிவைத்தேன்
இதயம் என்றொரு ஏடெடுத்தேன்
அதில் எத்தனையோ நான் எழுதிவைத்தேன்
எழுதியதெல்லாம் உன் புகழ் பாடும்
எனக்கது போதும் வேறென்ன வேண்டும் -
பாட்டு வரும்…. பாட்டு வரும்….
உன்னைப் பார்த்துக் கொண்டிருந்தால் பாட்டு வரும்
அதைப் பூங்குயில் கூட்டங்கள் கேட்டு வரும்
அதைக் கேட்டுக் கொண்டிருந்தால் ஆட்டம் வரும்
அந்த ஆட்டத்தில் பொன்மயில் கூட்டம் வரும்
அதைக் கேட்டுக் கொண்டிருந்தால் ஆட்டம் வரும்
அந்த ஆட்டத்தில் பொன்மயில் கூட்டம் வரும்
காதல் என்றொரு சிலை வடித்தேன்
அதை கண்கள் இரண்டில் சிறை எடுத்தேன்
காதல் என்றொரு சிலை வடித்தேன்
அதை கண்கள் இரண்டில் சிறை எடுத்தேன்
சிறை எடுத்தாலும் காவலன் நீயே
காவலன் வாழ்வில் காவியம் நானே -
பாட்டு வரும்…. பாட்டு வரும்….
அதைக் கேட்டுக் கொண்டிருந்தால் ஆட்டம் வரும்
அந்த ஆட்டத்தில் பொன்மயில் கூட்டம் வரும்
மனமென்னும் ஓடையில் நீந்தி வந்தேன் - அதில்
மலர் முகம் ஒன்றை ஏந்தி வந்தேன்
மனமென்னும் ஓடையில் நீந்தி வந்தேன் - அதில்
மலர் முகம் ஒன்றை ஏந்தி வந்தேன்
ஏந்திய கையில் இருப்பவள் நானே
இறைவனை நேரில் வரவழைத்தேனே
ஏந்திய கையில் இருப்பவள் நானே
இறைவனை நேரில் வரவழைத்தேனே
பாட்டு வரும்…. பாட்டு வரும்….
உன்னைப் பார்த்துக் கொண்டிருந்தால் பாட்டு வரும்
அதைப் பூங்குயில் கூட்டங்கள் கேட்டு வரும்