-
-
சரத்குமார் அணியினர் ஓட்டுக்குப் பணம் தருகிறார்கள்- விஷால் அணி அதிரடிக் குற்றச்சாட்டு
நடிகர்சங்கத் தேர்தலில் தங்கள் அணிக்கு ஆதரவு திரட்டுவதற்காக, திருச்சியில் இன்று நாடக நடிகர்களை சந்தித்தது விஷால் அணி.
காலை 10 மணிக்கு நடிகர்கள் விஷால், நாசர், கார்த்தி, கருணாஸ், பொன்வண்ணன், விக்னேஷ், சாந்தனு, எஸ்.வி.சேகர், நடிகைகள் கோவை சரளா, குட்டி பத்மினி, ரோகினி உள்ளிட்டவர்கள் நாடக நடிகர்கள் மத்தியில் பேசி ஆதரவு திரட்டினர்.
பின்னர் அவர்கள் கூட்டாக நிருபர்களுக்கு பேட்டி அளித்தனர். அப்போது பேசிய நடிகர் கருணாஸ், சரத் அணியினர் ஓட்டுக்குப்பணம் தரவிருப்பதாகக் குற்றம் சாட்டினார். அவர் பேசும்போது, தென்னந்திய நடிகர் சங்க தேர்தல் வருகிற 18–ந்தேதி நடைபெறுவதை முதன் முறையாக தமிழகமே உற்றுப்பார்க்கிறது.
எதிரணியினர் சில சூழ்ச்சிகள் செய்து தேர்தலில் வெற்றி பெறலாம் என நினைக்கிறார்கள். மணப்பாறையை சேர்ந்த நாடக நடிகர் குடும்பத்திடம் ஒரு ஓட்டுக்கு ரூ.3 ஆயிரம் வீதம் 5 ஓட்டுக்கு ரூ.15 ஆயிரம் தருவதாகக் கூறி இருக்கிறார்கள்.
ஓட்டுக்குப் பணம் என்ற சூழ்ச்சிக்கு யாரும் பலியாகி விடக்கூடாது. அதே போன்று தபால் ஓட்டுக்களிலும் முறைகேடு செய்ய எதிரணியினர் முயற்சிக்கிறார்கள். நாடக நடிகர்கள் ஓட்டுகளை நேரடியாகப் பதிவு செய்ய கேட்டுக்கொள்கிறேன் என்றார்.
-
நடிகர் சங்கத் தேர்தல் இறுதி வேட்பாளர் பட்டியல் வெளியீடு: 18ம் தேதி தேர்தல்!
http://tamil.thehindu.com/multimedia...3_2539944f.jpg
நடிகர் சங்கத் தேர்தலுக்கான இறுதி வேட்பாளர் பட்டியல் வெளியிடப்பட்டது. வரும் 18ம் தேதி தேர்தல் நடைபெற இருக்கிறது.
நடிகர் சங்கத்துக்கான 2015-18ம் ஆண்டுக்கான நிர்வாகிகளைத் தேர்வு செய்யும் தேர்தல் அக்டோபர் 18ம் தேதி சென்னை மயிலாப்பூரில் உள்ள செயின்ட் எப்பாஸ் பள்ளியில் நடைபெற இருக்கிறது. இம்முறை நடிகர் சங்கத் தேர்தலில் சரத்குமார் அணி - விஷால் அணி இருவருக்கும் இடையே கடும் போட்டி நிலவி வருகிறது. இத்தேர்தலில் நாடக நடிகர்கள் மற்றும் திரைப்பட நடிகர்கள் என அனைவரிடமும் இரண்டு தரப்பினரும் தீவிரமாக வாக்குகள் சேகரித்து வருகிறார்கள்.
இந்நிலையில், இத்தேர்தலி
ல் போட்டியிடுபவர்களுக்கான இறுதி வேட்பாளர் பட்டியல் வெளியிடப்பட்டு இருக்கிறது.
நடிகர் சங்கத் தலைவர் பதவிக்கு நாசர், சரத்குமார், சிவசாமி ஆகியோரும், துணைத்தலைவர் பதவிக்கு கருணாஸ், மோகன் குமார், பொன்வண்ணன், சிலம்பரசன், விஜயகுமார் ஆகியோரும் போட்டியிடுக்கிறார்கள்.
செயலாளர் பதவிக்கு ராதாரவி, சிவசாமி, விஷால் ஆகியோரும், பொருளாளர் பதவிக்கு எஸ்.எஸ்.ஆர்.கண்ணன் மற்றும் கார்த்தியும் போட்டியிடுகிறார்கள்.
செயற்குழு உறுப்பினர்கள் பதவிக்கு குட்டி பத்மினி, மோகன்ராமன், நிரோஷா, பசுபதி, பிரசன்னா, ஸ்ரீமன், தளபதி தினேஷ், உதயா, ராம்கி, ரமணா, கோவை சரளா என மொத்தம் 48 போட்டியிட இருக்கிறார்கள்.
வரும் 18ம் தேதி காலை வாக்குப்பதிவு நடைபெறுகிறது. அன்று மாலையே வாக்கு எண்ணிக்கை நடைபெற்று அன்றைய தினம் முடிவும் அறிவிக்க இருக்கிறார்கள்.
-
முடிவடைந்தது வேல்ராஜ் - தனுஷ் படப்பிடிப்பு! - TAMIL HINDU
http://tamil.thehindu.com/multimedia...h_2577807f.jpg சமந்தா மற்றும் தனுஷ் | படம்: சமந்தா ட்விட்டர் பக்கத்திலிருந்து..
வேல்ராஜ் இயக்கத்தில் தனுஷ், சமந்தா, ஏமி ஜாக்சன் நடித்து வந்த படத்தின் படப்பிடிப்பு முடிவடைந்தது.
வேல்ராஜ், தனுஷ் இணைப்பில் வெளியாகி பெரும் வரவேற்பைப் பெற்ற படம் 'வேலையில்லா பட்டதாரி'. அதே படக்குழு மீண்டும் இணைந்து படம் பண்ண தீர்மானித்தார்கள். இப்படம் 'வேலையில்லா பட்டதாரி 2' அல்ல என்று படக்குழு அறிவித்தது.
தனுஷ் உடன் சமந்தா, ஏமி ஜாக்சன், சதீஷ்,ராதிகா, கே.எஸ்.ரவிகுமார் உள்ளிட்ட பலர் நடித்து வந்தார்கள். சென்னையில் தொடங்கிய இப்படத்தின் படப்பிடிப்பு தீவிரமாக நடைபெற்று வந்தது. சில காட்சிகளை மட்டும் விட்டுவிட்டு மற்ற காட்சிகளை வைத்து இறுதிகட்டப் பணிகளும் துவங்கப்பட்டது.
பிரபுசாலமன் படத்தில் கவனம் செலுத்திவந்த தனுஷ், அப்படத்தில் தன் காட்சிகள் அனைத்தையும் முடித்துக் கொடுத்துவிட்டார். தற்போது வேல்ராஜ் இயக்கத்தில் நடித்து வந்த படத்தின் மீதம் இருந்த காட்சிகளை தனுஷ், சமந்தா இருவரும் இணைந்து முடித்துக் கொடுத்துவிட்டார்கள்.
"வேல்ராஜ் படப்பிடிப்பு முடிந்துவிட்டது. விரைவில் பர்ஸ்ட் லுக் வெளியாகும்" என்று சமந்தா தனது ட்விட்டர் பக்கத்தில் தெரிவித்திருக்கிறார்.
-
'பிரதிநிதி' படத்தின் ரீமேக்தான் 'கோ 2'?
http://tamil.thehindu.com/multimedia...i_2579364f.jpg
தெலுங்கில் வெளியான 'பிரதிநிதி' படத்தின் அதிகாரப்பூர்வ ரீமேக் தான் 'கோ 2' என்று தகவல் வெளியாகி இருக்கிறது.
சரத் மாந்தவா இயக்கத்தில் பாபி சிம்ஹா, பிரகாஷ் ராஜ், நிக்கி கல்ரானி நடிப்பில் தயாராகி வரும் படம் 'கோ 2'. லியோ ஜேம்ஸ் இசையமைத்து வரும் இப்படத்தை ஆர்.எஸ் இன்போடெய்ன்மன்ட் நிறுவனம் தயாரித்து வருகிறது. சமீபத்தில் வெளியான இப்படப் பாடல்கள் இளைஞர்கள் மத்தியில் வரவேற்பைப் பெற்றிருக்கின்றன.
இப்படத்தின் ட்ரெய்லர் மற்றும் படம் வெளியீடு குறித்து இதுவரை அதிகாரப்பூர்வ அறிவிப்பு எதுவும் வெளியாகவில்லை.
இந்நிலையில், "தெலுங்கில் வெளியான 'பிரதிநிதி' படத்தின் அதிகாரப்பூர்வ ரீமேக் தான் 'கோ 2'. இதனை படக்குழு மிகவும் ரகசியமாக வைத்திருக்கிறார்கள்" என்று படக்குழுவில் இருந்து ஒருவர் தெரிவித்தார்.
முதலமைச்சர் ஒருவரை சாதாரண மனிதன் ஒருவன் கடத்தி என்ன செய்கிறான் என்பதே 'கோ 2' படத்தின் கதைக்களம். பிரகாஷ்ராஜ் முதல்வர் பாத்திரத்திலும், பாபி சிம்ஹா தொலைக்காட்சி நிருபர் வேடமிட்டு கடத்துவது போல திரைக்கதை அமைத்திருக்கிறார்கள்.
'கோ 2' படத்தின் இயக்குநர் சரத் மாந்தவாவின் அண்ணன் பிரசாந்த் மாந்தவா தான் 'பிரதிநிதி' படத்தின் இயக்குநர் என்பது குறிப்பிடத்தக்கது.
-
பஞ்சாயத்துக்கு முற்றுப்புள்ளி, மீண்டும் காபி வித் டிடி!
விஜய் டிவியின் பிரபல நிகழ்ச்சிகளில் மிக முக்கியத்துவம் வாய்ந்த ஒன்று காபி வித் டிடி நிகழ்ச்சி. இந்த நிகழ்ச்சியை முதன்முதலில் அனு ஹாசன் தொகுத்து வழங்கியது குறிப்பிடத்தக்கது. தொடர்ச்சியாக தொகுப்பாளினி டிடி இந்நிகழ்ச்சியைத் தொகுத்து வழங்க அனுஹாசன் நிகழ்ச்சியைக் காட்டிலும் டி.ஆர்.பி அளவில் மிகவும் பிரபலமானது.
இந்த நிகழ்ச்சியில் கலந்துகொள்ளாத பிரபலங்களே இல்லை எனலாம். இடையில் டிடி விஜய் டிவியில் நிகழ்ச்சிகள் செய்யாமல் ஒதுங்க அதற்கு சரியான காரணங்கள் இன்றிப் போனது. தற்போது மீண்டும் காபி வித் டிடி நிகழ்ச்சி ஆயுத பூஜை சிறப்பாக நடந்துள்ளது.
இந்நிகழ்ச்சியின் படப்பிடிப்பு சமீபத்தில் நடந்து முடிந்துள்ளதையொட்டி டிடி தனது ட்விட்டர் பக்கத்தில் புகைப்படங்களைப் பகிர்ந்துள்ளார். ஆயுத பூஜை சிறப்பு காபி வித் டிடி-யில் 10 எண்றதுக்குள்ள படத்தின் நாயகன் நாயகி விக்ரம், சமந்தா கலந்துகொண்டுள்ளனர். ஒருவழியா முற்றுப்புள்ளி வெச்சிட்டாங்களா பஞ்சாயத்துக்கு.
-
எம்.ஜி.ஆர், சிவாஜி ஆத்மாக்கள் எங்களுக்குள் இறங்கிவிட்டது- விஷால் உருக்கம்
இலட்சிய நடிகர் எஸ்.எஸ்.ஆர் அவர்களின் முதலாம் நினைவேந்தல் நிகழ்ச்சி அக்டோபர் 12 ஆம் தேதி காமராஜர் அரங்கத்தில் நடைபெற்றது. அவ்விழாவில் நடிகர் விஷால் கலந்துகொண்டு சென்றார்.
இந்நிகழ்ச்சியில் பேசியபோது, “ எனக்கு இன்று மிகுந்த காய்ச்சல், பேசிப் பேசியே காய்ச்சல் வந்துவிட்டது இருக்கட்டும் இன்னும் 5 நாட்கள் தான் தேர்தலுக்கு உள்ளது. எனக்கு மேடையில் பேச வாய்ப்பளித்த எஸ்.எஸ்.ஆர் அவர்களின் குடும்பத்தினருக்கு நன்றி.
இதைப் போன்ற மேடையில் எனக்கு பேச வாய்ப்புக் கிடைத்தது மிகப்பெரிய விஷயம்.இங்கே விஜய குமாரி அம்மாவின் அருகே அமர்ந்து பேச எனக்கு வாய்ப்புக் கிடைத்திருக்கிறது. யாருக்கும் கிடைக்காத அரிய வாய்ப்பு இது. எனக்கு அவர்கள் அருகே அமர்ந்திருப்பது இன்னும் மகிழ்ச்சி , ஏன் என்றால் என்னுடைய தந்தை விஜய குமாரி அம்மாவின் மிகப் பெரிய ரசிகர்.
இப்போது தொலைக்காட்சியில் இந்த நிகழ்ச்சியைப் பார்த்துக் கொண்டு இருப்பார் என்று நான் நினைக்கிறேன். வாரா வாரம் வெள்ளிக்கிழமை ஒரு புதுப் பையன் ஒரு புதுப் பொண்ணு என்று வரிசை கட்டி வந்து கொண்டு இருக்கும் இந்த வேளையில் என்னுடைய ஆசை எல்லாம், பழம்பெரும் நடிகர், நடிகைகள் மற்றும் சாதனையாளர்களை எல்லா நிகழ்ச்சிக்கும் அழைக்க வேண்டும் என்பது தான்.
இதை நான் தேர்தல் சமயத்தில் கூறுவதால் எல்லோரும் தவறாக நினைக்க வாய்ப்பு உண்டு. ஆனால் இதை நான் மனதில் இருந்து பேசுகிறேன். நமக்கெல்லாம் அவர்கள் தான் வழிகாட்டிகள்.
அவன் இவன் படத்தின் படப்பிடிப்பில் இருக்கும் போது ஆர்யா என்னிடம் சத்தியஜித் ரே அவர்களைப் பற்றி நான் ஒரு நாள் பேசியதை நினைவில் வைத்து சத்ய ஜோதி நிறுவனத்தை நினைவு கூர்ந்து பேசினார் நிஜமாகவே அவருக்கு சத்தியஜித் ரே அவர்களைத் தெரியவில்லை, அதே போல் ஆர்யா அம்பிகா அம்மாவை புதுமுகமா என்று ஒரு நாள் கேட்டு என்னை அதிரவைத்தார். நான் அவர்களை அழைக்க வேண்டும் என்று கூறுவதற்கு காரணம் அது தான் என்றார்.
நான் இன்னும் ஒரு விஷயத்தை சொல்லி கொள்ள விரும்புகிறேன் , எஸ்.எஸ்.ஆர் ,எம்.ஜி.ஆர் ,சிவாஜி ஆகியோரின் ஆத்மா எங்களுக்குள் இப்போது இறங்கி நடிகர் சங்க கட்டிடத்தைக் கட்ட எங்களைத் தயாராக்கி வருகிறது என்று பேசினார்.
-
’முதலமைச்சரே அழைத்தாலும் சமரசம் இல்லை’ - விஷாலின் பேச்சால் சர்ச்சை
நடிகர் சங்க தேர்தல் தொடர்பாக, முதலமைச்சரே பேச்சு வார்த்தைக்கு அழைத்தாலும் சமரசத்திற்கு இடம் கிடையாது என்று கூறியதாக எழுந்துள்ள சர்ச்சைக்கு மறுப்பு தெரிவித்துள்ளார்.
வருகின்ற அக்டோபர் 18ஆம் தேதி தென்னிந்திய நடிகர் சங்கத்தின் 2015-18ஆம் ஆண்டுகளுக்கான நிர்வாகிகளைத் தேர்வு செய்யும் தேர்தல் சென்னை மயிலாப்பூரில் நடைபெறவுள்ளது.
இதில் சரத்குமார் தலைமையிலான அணியும், நடிகர் நாசர் தலைமையிலான அணியும் களம் காண உள்ளன. நாசர் அணியில் தலைவர் பதவிக்கு நாசர், பொதுச் செயலாளர் பதவிக்கு விஷால், துணைத் தலைவர் பதவிகளுக்கு பொன்வண்ணன், கருணாஸ் மற்றும் பொருளாளர் பதவிக்கு கார்த்தி ஆகியோரும் போட்டியிடுகின்றனர்.
அதேபோல, சரத்குமார் அணியின் சார்பில் தலைவர் பதவிக்கு சரத்குமார், பொதுச் செயலாளர் பதவிக்கு ராதாரவி, துணைத் தலைவர் பதவிகளுக்கு விஜயகுமார், சிம்பு மற்றும் பொருளாளர் பதவிக்கு எஸ்.எஸ்.ஆர்.கண்ணன் ஆகியோரும் போட்டியிடுகின்றனர்.
இந்நிலையில், திருச்சியில் செய்தியாளர்களிடத்தில் கூறிய விஷால், ”முதலமைச்சரே பேச்சு வார்த்தைக்கு அழைத்தாலும் சமரசத்திற்கு இடம் கிடையாது” என்று கூறியிருந்ததாக சர்ச்சை கிளம்பியது.
ஆனால், உடனே இதற்கு மறுப்புத் தெரிவித்துள்ளார். இது குறித்து தனது ட்விட்டர் பக்கத்தில் அளித்துள்ள விளக்கத்தில், “நான் நமது மரியாதைக்குரிய முதலமைச்சரை மதிக்கிறேன். மேலும், நான் எனது பக்கத்தில் சரியாக இருக்கிறேன்.
நான் ஒரு போதும் அவ்வாறு சொல்லவில்லை. மரியாதைக்குரிய முதலமைச்சரின் வார்த்தைகளுக்கு மதிக்காதபடி எந்தவொரு கருத்தையும் தெரிவிக்கவில்லை. இந்த கருத்து சரியானது கிடையாது” என்று கூறியுள்ளார்.
-
தேசிய திலகம் குஷ்பு... இது நடிகர் திலகம்சிவாஜி ரசிகர்கள் கொடுத்த பட்டமுங்க...- one INDIA
சென்னை: நடிகை குஷ்புவிற்கு 'தேசிய திலகம்' என்று பட்டம் கொடுத்து அசத்தியுள்ளனர் நடிகர் திலகம் சிவாஜி கணேசனின் ரசிகர்கள். அதுவும் நிகழ்ச்சிக்கே வராத குஷ்புவிற்கு வம்படியாக பட்டத்தைக் கொடுத்துள்ளனர் ரசிக கண்மணிகள்.90களில் தமிழ் சினிமாவின் கனவுக்கன்னியாக வலம் வந்தவர் நடிகை குஷ்பு. பிரபு உடன் ஜோடி சேர்ந்து... ரஜினி, கமல் என்று உச்ச நடிகர்களுடன் நடித்த குஷ்புவிற்கு கோவில் கட்டிய தமிழக ரசிகர்கள் இருக்கின்றனர்.
சினிமாவில் கதாநாயகியான நடித்த பின்னர் அக்கா, அண்ணியாக நடித்த போதும் சரி குஷ்புதான் சென்டர் ஆஃப் த அட்ராக்சன். திரை நட்சத்திரமாக ஜொலித்த குஷ்பு தனது அடுத்த ரவுண்டை சின்னத்திரையில் தொடங்கினார். ஜாக்பாட் கேம் ஷோவில் குஷ்புவின் ஜாக்கெட்தான் அதிக பிரபலம்.
அரசியலில் குதித்த குஷ்பு
அதிமுகவின் ஆஸ்தான சேனலில் இருந்த போதே காங்கிரஸ் கட்சியில் சேரப்போகிறார் குஷ்பு என்ற பேச்சு அடிபட்டது. இல்லை இல்லை அதிமுகவில் இணைவார் குஷ்பு என்று பேசப்பட்டது. ரைட் இன்டிகேட்டர், லெப்ட்ல சிக்னல் காட்டிட்டு நேரா போயிட்டாங்களே என்பது போல திமுகவில் இணைந்தார் குஷ்பு.
காங்கிரஸ் கட்சியில்
சட்டசபை தேர்தல், லோக்சபா தேர்தல்களில் திமுகவிற்கு ஆதரவாக தமிழகம் முழுவதும் பிரச்சார பீரங்கியாக வலம் வந்தார். ஆனாலும் எந்தவித பதவியோ, தேர்தலில் நிற்க இடமோ கிடைக்கவில்லை. சில கசப்பான சம்பவங்களினால், திமுகவில் இருந்து விலகி காங்கிரஸ் கட்சியில் இணைந்தார். அப்போது அவர் என் தாய் வீட்டுக்கு வந்தது போன உணர்கிறேன் என்று கூறினார்
செய்தி தொடர்பாளர்
காங்கிரசில் இணைந்த சில மாதங்களிலேயே குஷ்புவிற்கு தேசிய செய்தி தொடர்பாளர் பதவி வழங்கப்பட்டுள்ளது. தமிழகத்தில் காங்கிரசின் பிரசார பீரங்கியாக கட்சி பயன்படுத்தி வருகிறது. அவரும் கட்சியின் அனைத்து நிகழ்ச்சிகளிலும் பங்கெடுத்து வருகிறார்.
சிவாஜி பிறந்தநாள் விழா
சென்னை சூளையில் சிவாஜி ரசிகர்கள் மற்றும் காங்கிரசார் சிவாஜி பிறந்த நாள் விழாவை கொண்டாடினார்கள். இந்த நிகழ்ச்சிக்கு குஷ்பு சிறப்பு அழைப்பாளராக அழைக்கப்பட்டிருந்தார். அவரை ‘தேசிய திலகம்' என்ற பட்டத்துடன் சிவாஜி ரசிகர்கள் விளம்பரப்படுத்தி இருந்தனர்.
குஷ்பு வரலையே
குஷ்பு மகள் உடல்நிலை சரியில்லாததால் கடைசி நேரத்தில் அவர் விழாவில் கலந்து கொள்ளவில்லை. நிகழ்ச்சியில் சிவாஜி படத்துக்கு மாலை அணிவித்து மரியாதை செலுத்தினார்கள். பின்னர் பெண்களுக்கு இலவச சேலைகளை மத்திய சென்னை மாவட்ட காங்கிரஸ் தலைவர் ரங்கபாஷ்யம் வழங்கினார்
காங்கிரசை வளர்க்கிறார்
நடிகர் திலகம் சிவாஜி காங்கிரசை வளர்த்தார். அவரைப் போலவே இன்று குஷ்புவும் தேசிய அளவில் காங்கிரசை வளர்க்க பணியாற்றுகிறார், எனவே தேசிய திலகம் என்ற பட்டத்தை நாங்கள் வழங்கி உள்ளோம் என்று கூறினார் சிவாஜி ரசிகர் மன்ற தலைவர் சூளை ராஜேந்திரன். போஸ்டர் அடிச்சு... பட்டம் எல்லாம் கொடுத்தும் குஷ்பு வரலையேப்பா என்று கடைசியில் சிவாஜி ரசிகர்கள் ஏமாற்றமடைந்தது கண் கூடாக தெரிந்தது.
-
'ஆறாது சினம்' பெயரில் ரீமேக் ஆகிறது 'மெமரீஸ்'
http://tamil.thehindu.com/multimedia...m_2582968f.jpg
தமிழில் அறிவழகன் - அருள்நிதி இணைப்பில் ரீமேக்காகி வரும் 'மெமரீஸ்' ரீமேக்கிற்கு 'ஆறாது சினம்' என்று தலைப்பிட்டு இருக்கிறார்கள்.
'ஈரம்', 'வல்லினம்' போன்ற வித்தியாசமான கதைக்களங்களைக் கொண்ட படங்களை இயக்கியவர் இயக்குநர் அறிவழகன்.
தற்போது அறிவழகன் இயக்கும் இப்படம் மலையாளத்தில் பெரும் வரவேற்பைப் பெற்ற 'மெமரீஸ்' படத்தின் ரீமேக்காகும். ப்ருத்வி ராஜ் நடித்திருந்த இப்படத்தை ஜீத்து ஜோசப் இயக்கி இருந்தார். தற்போது இப்படத்துக்கு 'ஆறாது சினம்' என்று தலைப்பிட்டு இருக்கிறார்கள்.
ஸ்ரீதேனாண்டாள் பிலிம்ஸ் தயாரிக்கும் இப்படத்தில் அருள்நிதி, ஐஸ்வர்யா ராஜேஷ் உள்ளிட்ட பலர் நடித்து வருகிறார்கள். இப்படத்தின் படப்பிடிப்பு சென்னையில் நடைபெற்று வருகிறது.