வாசு சார்
தெய்வச் செயல், காட்டு ராணி என மதுர கானத்தின் பயணம் திவாகர் என்ற இசையமைப்பாளர் முகாமில் தற்போது நிலை கொண்டுள்ளது. ... மன்னிக்கவும்.. வானிலை அறிக்கை கேட்டுக் கேட்டு எழுத்தும் அது மாதிரி ஆகிவிட்டது..
நேர்வழி படத்தின் மஞ்சள் குங்குமம் பாட்டு அந்தக் காலத்தில் மிகவும் விரும்பிக் கேட்ட பாட்டாகும். ஜெய்யின் டாப் டென் அல்லது ட்வென்டி லிஸ்டில் இடம் பெறக் கூடிய பாட்டு.
அந்த திவாகர் அவர்கள் இசையமைத்து புலிக்குட்டி கோவிந்தராஜ் அவர்கள் தயாரித்த படம் புலி பெற்ற பிள்ளை. 60களின் கடைசியிலேயே இந்தப் படம் எடுப்பதற்கான அறிவிப்புகள் வந்து விட்டன. யார் யாரையோ போட்டு எடுக்க பலமுறை முயற்சித்தார் எனக் கேள்விப்பட்டிருக்கிறேன். கடைசியில் 80களின் துவக்கத்தில் தான் இந்தப் படம் ஒரு வடிவம் பெற்றது. ஒரு சில பாடல்கள் முதலிலேயே பதிவு செய்யப்பட்டு விட்டன எனவும் மீதிப் பாடல்கள் புதியதாக பதிவு செய்யப்பட்டன எனவும் கூட சொல்வார்கள்.
அப்படிப்பட்ட அபூர்வமான படத்தைப் பற்றிய செய்தியினை பொம்மையில் எப்போதோ படித்ததை அப்படியே நினைவில் வைத்திருந்து இப்போது எடுத்து பகிர்ந்து கொண்டிருக்கும் தங்களுடைய அபாரமான நினைவாற்றல் மலைக்க வைக்கிறது.
தங்களுக்கும், இந்தப்படத்தின் பாடல்களைத் தந்துதவிய சுந்தரபாண்டியன் சாருக்கும் உளமார்ந்த பாராட்டுக்களும் நன்றியும்.