Quote:
பிரியாவின் சதிவலையில் மாட்டிக்கொண்ட ஷக்தி குடும்பம்
சன் டிவியில் திங்கள் முதல் வெள்ளி வரை தினமும் மாலை 6.30 மணிக்கு ஒளிபரப்பாகி வரும் உதிரிப்பூக்கள் தொடர் பரபரப்பான காட்சியமைப்பில் விறுவிறுப்பை தக்கவைத்துக் கொண்டிருக்கிறது. சிவநேசனின் வளர்ப்பு பிள்ளைகளான சக்தி, திலீபன், நிலா மூவரும் ஆளுக்கொரு பிரச்சினைகளை சந்திக்கிறார்கள். தனது தாயார் மலை உச்சியில் இருந்து கீழே விழுந்ததை பார்த்ததில் இருந்தே அதிர்ச்சியில் சிலையாகிப் போகிறாள் ஷக்தி. தாயாரின் இறப்புக்கு காரணமாக தன் தந்தை தட்சிணாமூர்த்தியின் சின்ன வீட்டு பெண்ணான பிரியா இருப்பதாக எண்ணிக் கொண்ட ஷக்தி, அவள் மீது தன் கோபத்தைக் கொட்டுகிறாள். தான் வாழ்க்கைப் பட்ட குடும்பத்தின் மூத்த மருமகன் முருகபூபதியைக் கூட காரணமில்லாமல் அடிக்கப் பாய்கிறாள்.
இம்மாதிரியான பிரச்சினைகள் தொடரத் தொடர, ஷக்தியின் மாமியார் அலமேலு ஒரு முடிவுக்கு வருகிறாள். சக்தி இதே மாதிரி தன் நடவடிக்¬கயை தொடர்ந்து கொண்டிருப்பதால், அவளைத் தள்ளி வைத்து விட்டு தன் மகனுக்கு வேறு பெண்ணை பார்த்து திருமணம் செய்து வைக்க முடிவு செய்கிறாள். அதை செயல்படுத்தும் விதத்தில் முதல் கட்டமாக ஷக்தியை தங்கள் வீட்டில் இருந்து துரத்தி விடுகிறாள். ஆனால் ஷக்தியின் கணவன் தனது தாயாரின் இந்த திட்டத்துக்கு உடன்பட்டானா?
ஷக்தியின் தம்பி திலீபனுக்கு சொந்த அத்தை பெண் சுசியை திருமணம் செய்து வைக்க ஏற்பாடுகள் நடக்கிறது. இந்த நேரத்தில் திலீபனின் அலுவலகத்தில் டூர் போகிறார்கள். இந்த பயணத்தில் திலீபனுடன் நெருங்கிப் பழகும் அவன் அலுவலக ஊழியை ஷாலினி, அவனுக்கு கூல் டிரிங்க்சில் மயக்க மருந்து கலந்து கொடுத்து விடுகிறாள். டூர் முடிந்து எல்லாரும் கிளம்பும் நேரத்தில் திலீபனின் போதை தெளிந்ததும் பத்திரமாக அழைத்து வருகிறேன் என்று அவள் சொல்ல, அலுவலக ஊழியர்களும் அதை நம்பி புறப்படுகிறார்கள். ஆனால் அந்த இரவில் தனது அறைக்கு அவனை கொண்டு வந்த ஷாலினி, அவன் தன்னை பலவந்தம் செய்ததாக நம்ப வைக்கிறாள். இதனால் போதை தெளிந்து எழுந்த திலீபன் கதிகலங்கிப் போகிறாள். அத்தை மகளுடன் அடுத்த மாதம் திருமணம். இங்கே இப்படி நடந்து கொண்டிருக்கிறேனே என்று குழம்பிப் போகிறான். ஷாலினி நடத்திய நாடகம் இது என்பதும், இதுவும் பிரியாவின் கைவண்ணம் தான் என்பதும் அந்த நேரத்தில் திலீபனுக்குத் தெரியாது. இந்த மாதிரியான சூழலில் திலீபன்-சுதா திருமணத்துக்கு வாய்ப்பு உண்டா?
சக்தி, திலீபனின் தங்கை நிலாவின் கதையோ வேறுமாதிரியானது. சத்யா என்ற பெண் பித்தனை நம்பி அவனே தன் எதிர்காலம் என்று எண்ணுகிறாள். அந்த சத்யா ஏற்கனவே தனது சொந்த மனைவியை கொன்று வீட்டிலேயே புதைத்தவன். அப்பாவிப் பெண்கள் அவனிடம் மாட்டினால் அவர்கள் கதி அதோகதி தான். ஆனால் துரதிருஷ்டவசமாக அவனை உத்தமன் என்று நம்பும் நிலா, அவனை மணந்து கொள்ளத் தயாராகிறாள்.
இப்படி தனது மூன்று வளர்ப்புப் பிள்ளைகளும் ஆளுக்கொரு சிக்கலில் மாட்டித் தவிக்க, இதை தெரிந்து கொண்ட சிவநேசன் துடித்துப் போகிறான். அவர்கள் வாழ்வின் சிக்கலை சரி செய்ய முயற்சிக்கிறான்.அப்போது அவன் எதிர்கொள்ளும் எதிர்பாராத பிரச்சினைகள் அடுத்தடுத்து வரும் பரபர காட்சிகள் என்கிறார், தொடரின் இயக்குனர் விக்ரமாதித்தன். சேத்தன், வடிவுக்கரசி, மானசா எல்.ராஜு, ஸ்ரீலேகா, மகாலட்சுமி நடிக்க, ஹோம் மீடியா மேக்கர்ஸ் சார்பில் தயாரிப்பு: சுஜாதா விஜயகுமார்.