Quote:
`அவள் ஒரு மின்சாரம்'
கலைஞர் டிவியில் வரும் திங்கள் முதல் ஒளிபரப்பாகும் ஏவி.எம்.மின் புதிய தொடர், `அவள் ஒரு மின்சாரம்'.
நேர்மையான நடுத்தர வர்க்கத்தைச் சேர்ந்த இளைஞனை, உண்மையாக உழைத்தவனை, தங்கள் சுயநலத்துக்காக ஒரு பணக்காரக் குடும்பம் பலி வாங்குகிறது.
பலி வாங்கியதோடு மட்டும் அல்லாமல் பழியை அவன் மேலேயே சுமத்தி, அவன் குடும்பத்தையும் பழி வாங்கத் துடிக்கிறது.
தலைவனை இழந்த குடும்பம் இன்று வறுமையில், அவமானப்படுகுழியில் விழுந்து கிடக்க, க்ருஷ்ணா என்ற இளம் பெண் அந்த வீட்டிற்குள் உதவி கேட்டு நுழைகிறாள்! உதவிக்காக வந்தவள் அல்ல க்ருஷ்ணா! உதவ வந்தவள்!.
அந்தக் குடும்பத்துக்காக நேசக்கரம் நீட்டி, இறந்தவனின் பெற்றோர்களை தன் தாய் தகப்பனாகக் கருதி, அவனது விதவை மனைவிக்கு அண்ணி ஸ்தானம் தந்து, அவனது சகோதரிக்கு வாழ்வு தர நினைத்து அந்தக் குடும்பத்தை ஏறத்தாழ தத்தெடுக்கிறாள்!.
அந்தக் குடும்பத் தலைவன் கறை படிந்தவன் அல்ல - கண்ணியமானவன்! சதியால் சூழப்பட்டு உயிரை விட்டவன் என்றும், அதற்குக் காரணமானவர்களின் தோலை உரித்து சமூகத்துக்கு இனம் காட்டவும் அந்தக் குடும்பத்துக்கு கலங்கரை விளக்கமாக வந்தவள் கதாநாயகி க்ருஷ்ணா!
அவள் யார்? இந்தக் குடும்பத்துக்கு கை கொடுக்க ஏன் வந்தாள்? இது பாசமா? பரிகாரமா? நன்றி உணர்ச்சியா? கேள்விக்கு விடையே `அவள் ஒரு மின்சாரம்' தொடர்.
திடுக்கிட வைக்கும் திருப்பங்கள் நிறைந்த, இதுவரை சின்னத்திரை கண்டிராத முற்றிலும் புதிய பல சம்பவங்கள் நிறைந்த இந்த தொடர், திங்கள் முதல் வியாழன் வரை தினமும் இரவு 9-30 மணிக்கு ஒளிபரப்பாகிறது.
தொடரின் நட்சத்திரங்கள்: ஷராவணி, ராஜா, ராஜாசேகர், சாந்தி வில்லியம்ஸ், சாந்தி ஆனந்த், அசோக், சிவன் சீனிவாசன், கீதா ரவிசங்கர், ராணி, முரளி, சாய் பிரசாந்த், தனலட்சுமி, பேபி அகிலா, பேபி பிரியதர்ஷினி.
தொடருக்கு ஒளிப்பதிவு: சாது ஆனுமந்த்ராவ். இசை: ரமணி பரத்வாஜ். பாடலாசிரியர்: வைரமுத்து, கதை, திரைக்கதை, வசனம்: தேவிபாலா. இயக்கம்: ஆர்.கே.
தயாரிப்பு: எம்.சரவணன், எம்.எஸ்.குகன், அருணா குகன், அபர்ணா குகன்.