:)
pp,
idaiveli arputham. thelivaana sinthanai. now i miss thiruthakkan here. :)
:)
Printable View
:)
pp,
idaiveli arputham. thelivaana sinthanai. now i miss thiruthakkan here. :)
:)
I too! :(
Thanx for your compliments!
தேர்தல் திருவிழா
ஒலியும் ஒளியும் கூடி வரும் உற்சாகத் திருவிழா
தோரணங்கள் தொங்க கொடி பறக்கும் ஒரு விழா
மக்கள் சேவை மகேசன் சேவையென கோஷம்
பதவி பெற்று செல்வம் பெருக்க போடும் வேஷம்
ஏழையை ஏமாற்ற கயவர் கூட்டம்
துணிந்து ஆடும் நூதன சூதாட்டம்
அரசியலில் நிலையான நண்பரில்லை
அவர்கட்கு நிரந்தரமான பகைவரில்லை
இன்றிங்கிருப்பார் இனிதே காலந்தள்ள
நாளையங்கிருப்பார் இன்னும் அள்ள
எத்தனை எத்தனை தாவல்கள்
மனித மூதாதையர் சாயல்கள்
பச்சை மேய்ச்சல் வயல்கள்
எங்கென்று தேடும் கண்கள்
மழைக்குப் பின் வெடித்த காளான்கள்
புதிது புதிதாய் முளைக்கும் கட்சிகள்
ஊரறிந்த எத்தனையோ கேடிகள்
தேர்தலில் கொட்டுவர் கோடிகள்
அமோக விளைச்சல் தரும் விதைகள்
அவர்கள் கைகளில் பல வித்தைகள்
அவர் கைகளில் தெளிவாய் ரத்தக் கறைகள்
அதை மூடி மறைத்திடும் கட்சிக்கரைகள்
தொன்னையும் நெய்யும் ஒன்றுக்கொன்று ஆதாரம்
இங்கு அரசியலும் திரையுலகும் கலக்கும் கலாசாரம்
இவர் கூத்துப் பார்க்கக் கூடிடும் பாமரர்கள்
சொற்ப லாபத்திற்காய் ஏமாறும் பலியாடுகள்
உல்லாசபுரியில் திளைக்கும் தலைவர்கள்
உயிரைக் கொடுத்திடும் தொண்டர்கள்
ரசிகர் அணியெனும் பகுத்தறியா இயந்திரங்கள்
இயக்கிட இவரிடம் எத்தனையோ தந்திரங்கள்
காற்றோடு பறக்கின்ற சருகுகள்
தினமும் மாறுகின்ற கொள்கைகள்
கூடிக் கொள்ளையடிக்கும் கூட்டணி
குடியரசாட்சியின் தீராததோர் பிணி
வாக்காளர் பட்டியலில் நிறைய பொய்கள்
சேர்க்கப்படவேயில்லை பல பெயர்கள்
வாக்காளரைப் பிடிக்க பல தூண்டில்கள்
நியாயமில்லா பல சலுகைகள் இலவசங்கள்
உழைத்து உயரும் லட்சியங்கள்
உயர விடாத சுலப லட்சங்கள்
ரத்தத்தின் ரத்தமேயென மேடையில் முழக்கங்கள்
தன் ரத்தங்கள் தழைக்க உழைப்பது வழக்கங்கள்
பேசுவது அத்தனையும் பசப்பு மொழிகள்
தேடுவது திரவியம் தரும் குறுக்கு வழிகள்
லாபநட்டம் கூட்டிக் கழிக்கும் மன்னர்கள்
ஏமாந்த ஏழையின் நாடியறிந்த வித்தகர்கள்
ஒழுங்கைக் காத்திடவே பல சட்டங்கள்
உடைக்க இருக்கே குயுக்தித் திட்டங்கள்
பொக்கை வாயுடன் சத்தியம் வெல்லுமென சிரித்தார்
பச்சை நோட்டிலவர் தேர்தலில் வென்றிட சிரிக்கிறார்
Word-building pleasure
It is amazing how much word-building pleasure is enhanced by technology. Our family’s favourite game of scrabble in olden days used to make me impatient whenever – which is most often – some of our ‘greedy’ members who refuse to settle for single-digit point words take many minutes racking their brains to find a word fetching maximum points in the given situation.
Besides, luck played a major role in our picking the tiles from the bag. Even in the downloaded version of scrabble I keep handy on the desktop (having been pushed to near solitude with only the computer as the partner in the game) I have the choice to exchange my letters where luck is inevitable. But in the live online game played with live partner is more thrilling. No chance for delays: the time allowed for each move is strictly 3 minutes.
While playing online we do not have to wait for the tiles to be exhausted for the end of the game showing the winner. Whichever player ( of the set of two) reaches 200 points first wins. This is logical too since whenever a player’s word touches the 8 crucial red squares on the 4 borders the board is swept clean and the game continues with a set of new letters allotted.
The best part is putting luck in the back seat: whenever a player’s word touches the yellow square he can ask for 2 letters of his choice. And when the word touches the blue square he can choose one letter. This is a great advantage in steering our way to success with clever, shrewd and quick planning. The scope for exchanging the letters is also there as in the older versions.
For crazy fans the joy of keeping on improving their rank according to the accumulating points can be thrilling and addicting. Lacking that ardour I am content with maintaining a decent score with alternating wins and losses.
I find this an interesting and pleasurable pastime to keep my grey cells a bit active and retard their aging process as best as I can. With increasing longevity old people with ample time in hand but failing physical stamina are searching for solace in TV mega serials, spiritual interests and idle worries! My choice is word games in computer.
விடுதலை
நில்லாமல் சுழலுது பூமி
நிதமும் புலருது காலை
நிழலாய் மாறுது நேற்று
நிலவும் தேய்ந்து வளருது
நித்திரையில்லாதது இயற்கை
நியதிகள் அதன் அச்சு
நிலை மாறும் வேளை
நிகழும் அழிவும் அழுகையும்
நிகழ்வில் உறையும் நீதி
நினைத்தால் மாறும் மானிடம்
நிதியின் பின்னே உலகம்
நிகழ்த்தும் பல பாதகம்
நின்று கொல்லும் தெய்வம்
நிகழ்காலம் தரும் பல வரம்
நிறைகுடமாகுமோ நம் மனம்
நிந்தனை ஏதும் நெருங்காது
நிலத்தில் யார்க்கும் வணங்காது
நிம்மதியின் குளிர் நிழலிலே
நிலைக்கின்ற மோனமொன்றே
நிகரில்லா பேரின்ப நிலை
நிழல்கள் நீளும் வேளை
நினைவுகள் மங்கும் மாலை
நிழலாய் மாறும் கவலை
நிதானம் காணும் வெள்ளம்
நிரம்பி ததும்பும் உள்ளம்
நிற்காத அலைகளின் ஆழம்
நிச்சலனம் உறங்கும் மஞ்சம்
நிசங்கள் உணர்ந்த நெஞ்சில்
நிர்மூலமாகும் பற்றெல்லாம்
நிரந்தரமானதோர் விடுதலை
நிகழ்காலமல்லாது நிகழும்காலமெல்லாம் நிகழட்டும் நிதானமாய்
நிகழ்த்திய நிகரில்லா நிதர்சனம்.
-
கிறுக்கன்
:D கவிதையை பெற்றுக்கொண்டதாய் அனுப்பிய எடிட்டரின் பதிலிலும் 'நி'யின் பாதிப்பு இருந்தது நினைவுக்கு வருகிறது!
அவலங்கள்
ஆறுகள் பலவும் வற்றிப் போயாச்சி
குளங்கள் மனையாகி மாடி வீடாச்சி
வயலில் உழைப்பவன் என்றும் வறியவன்
விளைச்சலுக்கு கிடைப்பது சொற்ப விலை
வாங்குபவன் கொடுப்பது கொள்ளை விலை
இடையில் எங்கோ பதுங்குது பெருந்தொகை
சேரியில், நடைபாதையில் லட்சம் பேர்
வியர்வையில், வியாதியில் வாழ்க்கைமுறை
விடியலில்லை, விடுதலையில்லை இவர்கட்கு
வேட்கையுடன் விரட்டுகிறார் கானல்நீரை
வெள்ளித்திரை வித்தகர்கள் பை நிறைக்க
விசிலடித்து மெய் சிலிர்க்கும் விசிறிகள்
குளுகுளு அறையில் கோடிகளின் கதகதப்பில்
கொழிப்பவர் மேலும் மேலும் கொழிக்க
மகன், மகள், பேரனென குலம் செழிக்க
தக்கவைத்த அதிகாரம் ஆனைபலம்
கூடா நட்பும், கொடிய பேராசையும்
கூடாரம் மாறி மாறி கோலோச்சும்
விலை கொடுத்து பெற்ற கல்வி
வேலை பெற்றுத்தர உதவவில்லை
திண்டாடுது இளைஞர் பட்டாளம்
திசை மாறுது இளையவர் கூட்டம்
இவர் உய்ய அரசில் இல்லை திட்டம்
இயற்றுவதில்லை அர்த்தமுள்ள சட்டம்
இயற்கை வளத்தை அழிக்கும் கயவர்கள்,
இயல்பு வாழ்வை அச்சுறுத்தும் வெறியர்கள்,
சுயநலம் மறவா கொடுமன தலைவர்கள்,
சுயபுத்தியில்லா ஆட்டுமந்தை தொண்டர்கள்,
வசதியாய் வளரத் தெரிந்த குள்ள நரிகள்,
நாட்டின் நலம் குலைக்கும் பாதகர்களிவர்.
அரசியலிங்கு கவர்ச்சியானதோர் நாடகம்
கண்கட்டு வித்தை போலொரு காலட்சேபம்
வேடிக்கை பார்க்கும் கோடான கோடிக்கு
ஆக்கமில்லை, ஊக்கமும் உயர்வுமில்லை
வளர்ச்சிக்கு வழிகாட்ட யாருமில்லை
வியர்த்தமான கேளிக்கைக்கு பஞ்சமில்லை
வக்கிரங்கள் அம்பலத்தில் ஆடவேண்டும்
அகில உலக பந்தயத்தில் ஓட வேண்டும்
வெட்கமில்லா வழக்கங்கள் வளர்க்க வேண்டும்
விவேகமில்லா விளக்கங்கள் வழங்க வேண்டும்
அழிவுப் பாதையிலே பாய்ந்து செல்லவேண்டும்
முழு இனமும் சீரிழந்து அலைய வேண்டும்
படைத்தவன் அலுத்துத்தான் போனானோ?
மீண்டும் படைக்க ஆவல் கொண்டானோ?
அழித்திட அவன் திருவுளம் கொண்டபின்
அவலங்கள் இங்கு தொடர்கதைதானே!
கிடப்பதெல்லாம் கிடக்க கிழவனுக்கு மணவறை
கிழவியா, கிழவனா பக்கத்தில் அமரப்போவது?
திடுக்கிடும் உண்மைகள்
நேற்று இனிய மாலைப் பொழுதில் பல்பொருள் அங்காடிக்கு சில மளிகை பொருட்கள் வாங்கச் சென்றிருந்தோம். ஏதோ ஒரு பொருளை தேட முடியாமல் அங்கு பணி புரியும் ஒரு சிறு பெண்ணின் உதவியை நாடினேன். அவளும் உடனடியாய் என்னை அழைத்துச் சென்று, ‘இங்கே இருக்கு, பாட்டி’ என்றாள்! எனக்குள் ஒரு திடுக்கிடல்! பல ஊர்களில், பல இடங்களில் இது வரை ‘ஆன்டி’, ‘மேடம்’ போன்ற விளிச்சொற்களுக்கு பழகிப் போன என் செவிகளுக்கு இந்த புதிய சொல் ஏனோ சங்கடமான உணர்வை தந்து மூளைக்குள் ஒரு தவிப்பையும் தோற்றுவித்துவிட்டது. அந்தப் பெண் மீது ஒரு தவறும் இல்லை, அவளுடைய சொந்த அப்பனையோ ஆத்தாவையோ பெத்தவளை அழைப்பது போன்ற வாஞ்சையுடனும், பணிவுடனும்தான் அழைத்தாள். சங்கம் வைத்து தமிழ் வளர்த்த மதுரையில் வயதில் முதிர்ந்த ஒரு மாதினை ‘பாட்டி’ என்றழைத்தது மிகவும் பொருத்தமே. குழந்தை பருவம் முதல் கூடவே வளர்ந்த ஒப்பனை ஆசைகளும், ஒப்பற்ற ஆர்வங்களும், உடல் ஓய்ந்த நிலையிலும் ஓயாத சிந்தனை செயல்பாடுகளுமாய் உலா வரும் எனக்கு வயது பற்றிய பிரஞ்கையே இருந்ததில்லை! முதுமை என்ற ஒரு விஷயத்துக்கும் எனக்கும் எதுவுமே சம்பந்தமில்லாதது போல்தான் எனது எண்ணங்களும் நடவடிக்கைகளும் இருப்பது வழக்கம். நான் கண்ணடி முன் கழிக்கும் மணித்துளிகள் மிகவும் குறைவு- எனவே நரைக்கத் துவங்கிவிட்ட தலைமுடியும், பொலிவிழக்கத் துவங்கிய முக சருமமும் மூளைக்குள் பதிவாகி மறுகணமே மறக்கப்பட்டுவிடும்! இப்படியாக என் இயல்பு வாழ்க்கை ஓடிக்கொண்டிருக்கையில் ‘பாட்டி’ என்று அழைக்கப்பட்டவுடன் ஒரு திடுக்கிடல் நேர்ந்ததென்னவோ உண்மைதான்.
மீதி வெளி வேலைகளை முடித்துவிட்டு வீடு திரும்பிய பிறகு வெளிநாட்டிலிருக்கும் மூத்த மகனுடன் இணையத்தில் உரையாடத்துவங்கியதும் அடி மனதில் நெருடிக்கொண்டிருந்த விஷயத்தை, ஒரு பெண் என்னை கடையில் ‘பாட்டி’ என்று அழைத்ததை கூறினேன். அவனோ கொஞ்சமும் அலட்டிக்கொள்ளாமல், 10 வருஷத்துக்கு முன்பே பாட்டி ஆகிவிட்டீர்கள்தானே?’ என்றான்! அவன் மூத்த மகனுக்கு 10 வயது. அது ஒரு மகிழ்ச்சியான பதவியேற்றம், வயதை எவ்விதத்திலும் குறிக்கும் சம்பவமல்ல என்றேன். இந்த ‘பாட்டி’ என்னை கிழவி என்று அடையாளம் காட்டுதோ என்று ஐயுறுவதாக சொன்னேன். பேரப்பிள்ளைகள்- மொத்தம் 6- வழங்கிய பதவி வேறு முதுமையை சுட்டிக்காடும் பொருள் வேறு அதே சொல்லுக்கு என்று என் மூளை குதர்க்கமாக, பிடிவாதமாக உணர்த்திக் கொண்டேயிருந்தது. இன்று அயல்நாட்டிலிருக்கும் மகளிடமும் இதையே தொலைபேசியில் சொல்லி புலம்பினேன். உங்களை எங்கள் பிள்ளைகள் ‘ஆச்சி’ என்றும் ‘அப்பம்மா’ என்றும்தானே அழைக்கிறார்கள், அவர்கள் பிள்ளைகளுக்குதான் நீங்கள் பாட்டியாவீர்கள் என்று புது விளக்கம் கொடுத்தாள். இன்னும் ஒரு தலைமுறை இருக்கிறது நான் பாட்டி ஆவதற்கு அவள் விளக்கப்படி என்றாலும் முழு ஆறுதல் கிடைத்தபாடில்லை. தலைமுடிக்கு சாயம் தடவி வயதை மறைக்க முயலுகின்றவர்களைப் பார்த்து முகச் சுருக்கமும், முகத்தில் ஓர் அனுபவ முதிர்ச்சியும் அவர்கள் முயற்ச்சியை தோற்றுப்போக செய்கின்றனவே என்று வேடிக்கையாக ரசிப்பவள் நான். அலங்காரம் பிடிக்கும், அழகுணர்வை காட்ட, போலி தோற்றம் காட்ட அல்ல!
உலகின் வார்த்தை பிரயோக பழக்கங்களுக்கு என்னை இனி தயார் செய்து கொண்டால் திடுக்கிட வேண்டியிருக்காது. மனது என்றும் அப்படியே இளமை உணர்வோடு, குழந்தையின் குதூகலத்தோடுதானே இருக்கப் போகிறது? யார் வேண்டுமானாலும் எப்படி வேண்டுமானாலும் கூப்பிடட்டும்! மறுக்காமல் மரியாதையை அங்கீகரிக்க பழகிக் கொள்வேன் இனி!
மீண்டும்
சின்னக்குழந்தையின் சிமிழ் வாய் சிரிப்பில்
சிக்கனமில்லை பாகுபடுத்தும் பாவமில்லை
கொஞ்சும் மொழியில் கெஞ்சும் விழியில்
கொஞ்சம் கூட வஞ்சமில்லை நஞ்சுமில்லை
சின்னத்தலையில் தீய சிந்தனையில்லை
சீண்டிப்பார்க்கும் சின்னத்தனமில்லை
சூதுவாது தெரியாத பருவம்
கள்ளம் கபடு அறியாத உள்ளம்
எவரையும் எதையும் நம்பும் எளிமை
அழகான அமுதான அஞ்ஞானம்
ஆவலை மறைக்கத் தேவையில்லை
அன்பை மறுக்கத் தோன்றுவதில்லை
எழுதாத வெள்ளைக் காகிதம்
பிசையக் காத்திருக்கும் களிமண்
உளியால் செதுக்கிடவோர் சிற்பம்
இறைவன் எழுதிய அற்புத நவீனம்
விதியின் மதியின் கையிலோர் விடுகதை
வினையும் விபரமும் கலக்கும் தொடர்கதை
வளர வளரத் தேயும் அதிசய நிலவு
பழகப் பழக மாசுறும் அனுபவ உலகு
சறுக்கல்கள் சமரசங்கள் பல கண்டு
சர்க்கரையோ உப்போவென மயக்கம் கொண்டு
கருப்போ வெள்ளையோ எதுவென கலங்கி
சம்மதமில்லாப் பல கரைகளில் தங்கி
ஏன் வளர்ந்தோம்? எப்படி திரிந்த பாலானோம்?
இழந்த பரிசுத்தம் நிரந்தரமானதோர் இழப்போ?
இறைவன் கருணைக்கு எல்லையில்லை
இயற்கையில் எதுவும் இறப்பதில்லை
துவக்கத்தைத் தொட்டு முடியும் வட்டம்
மீண்டும் குழந்தையாகும் முதிய கட்டம்
பொக்கை வாயிலே வெள்ளை சிரிப்பு
பிரம்மானந்தத்தின் வழி வந்த களிப்பு
நினைவில் எதுவும் நிற்பதில்லை
நிலையாய் எதிலும் நாட்டமில்லை
நேற்றும் நாளையும் பொருட்டில்லை
நின்று போயிருக்கும் காலக்கடிகாரம்
pp maam....vanakam nga...:-)
avalangal....romba pramaatham.....enaku ellaa varigalumey muthaagathaan thondrugirathu....en manathai thotta aazhamaana varigal....
"படைத்தவன் அலுத்துத்தான் போனானோ?
மீண்டும் படைக்க ஆவல் கொண்டானோ? "
superbbbbb!
meemdum....is equally touching!
romba poruthamaaga, arumaiyaaga, unarthum thiramai mika writing....nga....awesome!
:D :ty:
மரமோற்சவம்
மாறுகின்ற பருவங்கள்
மாற்றுகின்ற வண்ணங்கள்
மரங்களில் வசியங்கள்
மயக்குகின்ற கோலங்கள்
மாற்றமில்லா நியதிகள்
மந்திரக்கோலின் நிகழ்வுகள்
முடியாத வசந்தங்கள்
மணக்கின்ற கற்பனைகள்
மலருகின்ற உவமைகள்:
மருதாணி சிகப்புகள்
மகரந்த மஞ்சள்கள்
மண்மகளின் ஒப்பனைகள்
மின்னுகின்ற செந்தழல்கள்
மணியான நவரத்தினங்கள்
மாணிக்க வைடூரியங்கள்
மரகதத்தின் மறுபக்கங்கள்
மங்கையரின் கனவுகள்
மந்தகாச நினைவுகள்
மாருதமாகும் சாமரங்கள்
மாலை வான காட்சிகள்
மாயாலோக தரிசனங்கள்
மனம் வருடும் மயிலிறகுகள்
மெல்லத் தொடும் தளிர் விரல்கள்
மழைக் கால சாரல்கள்
மோகனமான ராகங்கள்
மெளன நாடகங்கள்
மொழியில்லா காவியங்கள்
மங்காத ஓவியங்கள்
மரபின் அதிசயங்கள்
மண்ணில் தேவதருக்கள்
மகிழ்ச்சியின் ரகசியங்கள்
மொட்டவிழும் கவர்ச்சிகள்
மடை திறந்த வெள்ளங்கள்
மாசில்லா களிப்புகள்
மட்டற்ற பரவசங்கள்
மனசுக்குள் பேரின்பங்கள்
மருந்தாகும் விருந்துகள்
மீண்டும் ஒரு இலையுதிர் காலம்
மீட்டிட காத்திருக்கும் நரம்புகள்
தீர்ப்பு
முழுதாய் மனதைத் திருடிவிட்டாய்
முற்றிலும் என்னை மாற்றிவிட்டாய்
என்னை எனக்கே தெரியவில்லை
எதுவும் முன்போல் இப்போதில்லை
நினைவை அழித்து கனவை நிறைத்து
நிலை தடுமாறி நிற்க வைத்தாய்
உன் விரல் நுனி கட்டளையில்
இயங்கும் இயந்திர பொம்மையானேன்
பொல்லாத மாயம் செய்தாய்
கல் மனதை கரைத்துவிட்டாய்
சொல்லாத சுகமிதுதானோ
வெல்ல இனியேதுமுளதோ
தந்திரங்கள் பல செய்து
ஆயுதங்கள் பல கொண்டு
அடியோடெனை வீழ்த்திவிட்ட
அழகான கொடும்பாவாய்
உள்ளங்கை நெல்லிக்கனி போல்
உன் குற்றமிங்கு நிரூபணம்
நீதிமன்றம் செல்ல வேண்டாம்
வாதிட்டு விளக்க வேண்டாம்
நானே சொன்னேன் தீர்ப்பினை
தந்தேன் தகுந்ததோர் தண்டனை
அடைத்தேன் நெஞ்சக் கோட்டைக்குள்ளே
ஆயுள் கைதியாக்கிவிட்டேன் உன்னையே
அல்லும் பகலும் காவலுண்டு
அதில் அணையாத காதலுண்டு
இமைக்குள் இருக்கும் கண்மணியாய்
இருப்பாய் என்னுள் பத்திரமாய்
தர்மம்
கண்டிக்கிறான் கண்காணிக்கிறான்
கண்டபடி திட்டித் தீர்க்கிறான்
காட்டுமிராண்டிபோல் நடக்கிறான்
கடுமையாய் ஆதிக்கம் செய்கிறான்
கட்டுப்பெட்டியாயிருக்கச் சொல்கிறான்
கட்டுப்பாடுகள் பலவும் விதிக்கிறான்
கைகட்டி சேவகம் செய்யச் சொல்கிறான்
கண்ணீரில் தினம் மிதக்க வைக்கிறான்
அவனியல்பு மரபணுவின் ஒரு ஆதி கோளாறு
அதை வெல்லும் சங்கதிகள் உன்னிடமுளது
அனுசரித்துப் போய்விடு பொறுமை காட்டிடு
அன்புக்கு அடங்கும் முரட்டுக்குழந்தையவன்
அப்படி இப்படி இன்று இருந்தாலும் விரைவிலே
அடங்கிக் கிடப்பான் சாதுவாய் உன் நிழலிலே
அழகான குடும்பத்தின் ஆணிவேராயிருந்திடு
அறிவாய் உன் ஆட்சியின் அகண்ட எல்லையை
உனக்கென்ன குறைச்சல் எதிலே மட்டம்
உரிமைகள் இல்லாத பதுமை நீயல்லவே
உலகம் தெரியாத ஒரு பேதையுமல்லவே
உணர்ச்சியில்லா பொம்மையா பெண்டாட்டி
உருட்டிப்பார்த்தால் திருப்பி முறை நீ
உரக்கக் கத்தினால் எதிர்த்துப் பேசு
உக்கிரமாய் போராடு விட்டுக்கொடாதே
உன் நியாயங்கள் உறுதியாய் நிற்கட்டும்
அன்றும் இன்றும் கண்ணோட்டம் வேறு
ஆட்டம் கண்டது வாழ்வின் அடித்தளம்
அடங்கச் சொன்ன பெரியவர் இன்றில்லை
ஆடச் சொல்பவர் ஆதரவு அதிகமானது
அதிலே பலியாகிப்போகுது இனிய நல்லறம்
ஆயிரம் காலப் பயிருக்கின்று அற்பாயுசு
அவசரமான காலத்தின் அவதியில் சிக்கி
ஆவியை விட்டது அரிய இல்லற தர்மம்
நேற்றில் மட்டும் வாழ்ந்தேன் நேற்று
இன்றில் மட்டும் இருக்கிறேன் இன்று
படிக்காத பக்கங்கள் இன்னும் எத்தனை
புரட்டும் இப்புத்தகமிதில் இதுவரை
முடிந்த அத்தியாயங்கள் நிறையத்தான்
நடந்த நாடக காட்சிகள் ஏராளம்தான்
எத்தனை திருப்பங்கள் எத்தனை மர்மங்கள்
எதிர்பாராத நிகழ்வுகள் கிளறிய ஆர்வங்கள்
ஆச்சர்யங்கள் ஏமாற்றங்கள் நிறைவுகள்
புதிது புதிதாய் தோன்றின கதாபாத்திரங்கள்
காணாமல் போயின பல நட்சத்திரங்கள்
கண்ணுக்குத் தெரியாத விரல்கள் இயக்கும்
கருத்தைக் கவரும் அதிசய பொம்மலாட்டம்
பொதுவாய் புரியக்கூடிய கதையோட்டம்
அடிமனதில் படியும் ஒரு ஆற்று வண்டல்
அதில் வளரும் வளமான கற்பனைகள்
பட்டின் இழையாய் ஊடூறுது ஒரு கரு
அதன் அர்த்தம் தேடுது என் மனது
நோகாமல் உதிரும் காய்ந்த சருகு
அதுபோல் அமைதியான முற்றுப்புள்ளி
கதையின் முடிவில் காத்திருக்கும் என்ற
கனவில் கணங்கள் கடிதாய் விரையும்
நெருநல் உளனொருவன் இன்றில்லை என்னும்
பெருமையுடைத்திவ் வுலகு என்பது தான் நினைவுக்கு வருகிறது..எல்லோரும் அமைதியான முற்றுப் புள்ளிக்குத்தான் காத்திருக்கிறோம் எப்போதென்று அறியாமலேயே...அதுவே இருக்கும் கணத்தை சுவை கூட்டுகிறது...
அமைதியான முற்றுப்புள்ளிக்கும் கொடுப்பினை வேண்டும் போல! மருத்துவத்துறையின் முன்னேற்றமெல்லாம் மூச்சினை மெஷினில் நிப்பாட்டி வைத்து கதையின் முற்றுப்புள்ளியை வரவிடாமல் இழுத்தடிக்கும் அவலத்திற்குத்தானோ என்கிற விசாரம் எழுகிறது சுற்றிலும் நடப்பதை பார்க்கும் போது!கொல்லாமல் கொல்லும் கலையா?:sigh2:
பாவியே
பாரடா அவள் அழுவதை
ஏங்கி ஏங்கி
தேம்பி தேம்பி
விம்மி விம்மி
அடி வாங்கிய குழந்தையாய்
வற்றாத குளமோ
வஞ்சியின் கண்கள்
வடிக்கின்ற கண்ணீரில்
வடியாத வேதனை
வாழ முடியா ரோதனை
பாவியே பதரே பதடியே
உத்திரத்திற்காகா உதியமரமே
பகுத்தறிவில்லா மிருகமே
ஒன்றா இரண்டா உனக்கு காரணம்
வெறியாட்டம் ஆட விளைவதற்கு
உள்ளே வளர்க்கிறாய் ஒரு பூதம்
முளையில் கிள்ளாத ஆலவிருட்சம்
கதைகளில் கேட்ட ராட்சத அரக்கன்
உரைக்கும் வார்த்தைக்கு பொருளறியாய்
உடைக்கும் பொருளின் மதிப்பறியாய்
நாயாய் பேயாய் திரிந்திட
நாறப்பிறவி எடுத்தாய்
நம்பி வந்தவளின் நரகம் ஆனாய்
நல்லறத்தை கொன்றாய்
நட்டாற்றில் விட்டாய்
மொத்தமாய் தனை மறந்து
மனித சாடையை தொலைத்து
கூசாமல் தலை நிமிர்த்தி
வேசம் மட்டும் போடுகிறாய்
யாரை ஏமாற்ற உன்னைத் தவிர
வெக்கமில்லை துக்கமில்லையுனக்கு
அதையெல்லாம் ஏற்றினாய் அவள் தோளில்
பேதை சுமக்கின்ற சிலுவை
ஆணியறையும் நாள் என்று
ஆனந்த முடிவெப்போது
ஒளியில்லா விழி அருளில்லா வதனம்
உயிரில்லா உன் உடலின் பெயரென்ன
பூ சூடிய பொட்டு வைத்த
விதவை ஒருத்தி உன் வீட்டில்
ஊரறியா ஊமை நாடகம்
இஷ்டம் போல் வளர்ந்தாய்
இடிப்பாரின்றி கெட்டாய்
இறுமாப்பில் மிதக்கிறாய்
இம்மியும் அறியாய் நிசத்தை
இப்படியே இருக்கப் போகிறாயா
(ஒரு சோகக் கதையை படித்தபின் பொங்கிய ஊற்றின் பெருக்கிது)
என் காதலன்
வருடக்கணக்காய் வளர்ந்த மோகம்
ஆசைத்தீயில் வளர்த்த யாகம்
தீராத உள்ளுயிர் தாகம்
அது ஒரு அற்புத யோகம்
மறைந்திருந்து அழைப்பான் என் காதலன்
பசுமரக்கிளையில் ஒளிந்திருந்து கூவும்
பச்சைக்கிளியினைப் போல் கொஞ்சுவான்
இச்சை மொழிகள் காற்றில் நிறைந்திருக்கும்
இருட்டில் துழாவும் நானொரு பிச்சி
நீ நிற்கிறாய் எப்போதும் எட்டி
ஏக்கத்தில் வாடவிட்ட ஏமாற்றுக்காரா
வஞ்சியை வதைக்கும் பொல்லாத கள்ளா
நான் பிறந்த நாள் முதலாய்
என் மெய்யுடலின் ஓர் நிழலாய்
கூடவே நீ வருகின்றாய்
என் ஆருயிர் காதலனே!
கண்ணால் காணாமல் கையால் தொடாமல்
கண நேரமும் விலகாத ஆவி ரூபனே
உன்னுள் கரைய அணுஅணுவாய் ஏங்கி
என் ஐம்புலனும் நரகத்தில் உழலுதே
எனை நீ உரசிச் செல்கையிலே
என் மூச்சு ஒரு நொடி நிற்கிறதே
செய்வதறியாது தவிக்கிறேன்
கடுந்தவம் நான் செய்கிறேன்
வந்தென் துன்பம் தீர்த்திடு
ஆனந்தக் கரையில் சேர்த்திடு
ஆலிங்கனத்தில் அமிழ்வேன்
விட்டு விடுலையாகிப் பறப்பேன்
இறப்பும் பிறப்பும் என்றுமே
நாணயத்தின் இரு புறமே
அர்த்தமுள்ள அவற்றின் சங்கமம்
நடக்கத்தானே கண்ணாமூச்சி நாடகம்
துரும்பு இவள்
துன்புறுத்தலாம்
வக்கில்லாதவள்
வதைக்கலாம்
திக்கில்லாதவள்
துரத்தலாம்
இதுதானே உனது கணிப்பு
அதில் அளவில்லா களிப்பு
விதை தான் சிறியது
விருட்சமோ பெரியது
சின்னப்பயலே தெரியாதா
சின்னவள் பலம் புரியாதா
எரிமலையை தீண்டாதே
கடும்புயலை தூண்டாதே
நாகத்தை சீண்டாதே
நஞ்சை கக்க வைக்காதே
விடியலை நானும் தேடட்டுமா
புதிய பாதையை வகுக்கட்டுமா
குனிந்த தலையை நிமிர்த்தட்டுமா
விஸ்வரூபம்தனை காட்டட்டுமா
வெப்பத்தை நீயும் தாங்குவாயா
வெந்து பின் புதிதாய் எழுவாயா
கிரீடங்கள் சாய்வதில்லை
கன்னி மயில் சீதை ஒரு நாள் சோலையிலே
தோழியருடன் களித்திருந்த வேளையிலே
காதல் கிள்ளையிரண்டு கைப்பிடிக்க வருவான்
அழகிய ரகுராமனென பேசியது கேட்டு
மனமிக மகிழ்ந்த அரசகுமாரி சேடியரை
கவர்ந்து வரச்செய்தாள் அப்பறவையிரண்டை
கைக்குள் பிடித்துக் கொண்டாள் அப்பேடையை
ஆவல் மிகக் கூவினாள் மேலும் சொல்லென்று
சேதி தந்த போதையில் கூட இருங்கள் என்னுடன்
கல்யாணராமன் வந்திடும் சுப நாள் வரை என்றாள்
மாளிகையின் சௌகரியம் தோதில்லை எம் வனத்திலே
முட்டையிட காத்திருக்கும் நேரமிதென்றது பேடை
பெட்டையை விட்டுவிடச்சொல்லி ஆண் கிளியும்
காட்டில் குஞ்சு பொறித்து வளர்த்ததும் வருவதாய்
கெஞ்சியும் கேளாமல் பிடிவாதமாய் பிடியை விடாத
பெண்ணரசியை மனம் கசந்து சாபமிட்டு உயிரை விட்டது
சிறைப்பட்ட அப்பாவி பெண் கிளி வயிற்றில் முட்டைகளுடன்
அது கண்ட ஆண் கிளியும் கங்கையிலே மூழ்கி மாய்ந்ததே
ஆண் கிளி அடுத்து அவதரித்தது அயோத்தியில் வண்ணானாய்
முற்பிறவி வன்மம் தீராமலே திரிந்த பொழுதிலே
இலங்கையிலிருந்து பிரிய சகி சீதையை மீட்டு வந்து
அரசாள அரியணையேறிய ராமனை அவன் மனையாளை
அவதூறாய் பேசியதை ரகசிய ஒற்றனும் கேட்டானே
ஊரெல்லாம் புகழ்ந்தாலும் ஒருவன் இகழ்ந்ததை
மறைக்க முடியாது தோற்றானே விதி வென்றதே
ஏனைய இளவல்கள் மறுத்து மூர்ச்சையாகி விட
தாயைக் கொன்ற தந்தை சொல் மீறா பரசுராமனொக்க
கதறக் கதறக் காட்டிலே தானும் கதறியபடியே இலக்குவன்
கரு சுமந்த உத்தமியை கபடறியா பேடையை சீதையை
கைவிட்டு வந்தானே காக்கட்டும் வால்மீகி முனியெனவே
சதியின் சுத்தமறியா பதியல்ல அரச பதவியின்
களங்கமில்லா பெருமையை சிரமேற்தாங்கியவன்
அக்கினியில் போட்டெடுத்த பொன்மயிலை பிரியவும்
சூல் கொண்ட இல்லாளை நாடு கடத்தவும் துணிந்தானே
லவனும் குசனும் வளர்ந்து வீரதீரமுடனே நிமிர்ந்து
புரவிகளையடக்கி அனுமன் ஆசியுடன் அன்னை கவசத்துடன்
அனைவரையும் வீழ்த்தி திறம் காட்ட அவர் குலம் மூலம்
அறிந்த மாமன்னன் வாரிசுகளை அணைத்துக்கொள்ள ஏங்கினான்
அன்னையை அருகே அமர்த்திட மீண்டும் அக்கினியை மூட்டினான்
மூத்த தாயாரெல்லாம் மனம் குமுறி பொங்கித் தவித்து தடுத்திட
பொறுத்துக்கிடந்தவள் அபலையவள் போதும் இனி சோதனைகள்
என்றெண்ணி ஆதரவாய் பிளந்த அன்னை பூமியின் மடி புகுந்தாள்
Attachment 2619Attachment 2617
Attachment 2618
The link to the The Hindu article:http://www.thehindu.com/books/redisc...cle4221896.ece
Where The Mind Is Without Fear
Where the mind is without fear and the head is held high
Where knowledge is free
Where the world has not been broken up into fragments
By narrow domestic walls
Where words come out from the depth of truth
Where tireless striving stretches its arms towards perfection
Where the clear stream of reason has not lost its way
Into the dreary desert sand of dead habit
Where the mind is led forward by thee
Into ever-widening thought and action
Into that heaven of freedom, my Father, let my country awake.
பயமில்லா மனம்
எங்கே மனம் பயமில்லாதிருக்கிறதோ, தலை நிமிர்ந்த நிலையில் இருக்கிறதோ
எங்கே ஞானம் எளிதாய் உறைகிறதோ
எங்கே உலகம் குறுகிய வீட்டுச்சுவர்களால் துண்டுப்பகுதிகளாக உடைக்கப்படாதிருக்கிறதோ
எங்கே வார்த்தைகள் சத்தியத்தின் ஆழத்திலிருந்து வருகின்றனவோ
எங்கே அயராத முயற்சியின் கரங்கள் சிறப்பின் உச்சத்தை எட்ட நீள்கிறதோ
எங்கே பகுத்தறிவெனும் தெளிந்த நீரோடை செத்தொழிந்த பழக்கமெனும் வறண்ட பாலை மணலில் தொலைந்துபோகாதிருக்கிறதோ
எங்கே மனம் விரிந்துகொண்டேயிருக்கும் சிந்தனை செயல் நோக்கி தங்களால் வழிநடத்திச்செல்லப்படுகிறதோ
அந்த சுதந்திர சுவர்க்கத்திலே, எந்தையே, எம் நாடு கண்விழிக்கட்டும்.
கல்லாக காத்திருந்தேன்
சிலையாய் செதுக்க வந்தான்
காற்றில் கலந்திருந்தேன்
கானமாய் எனை பாடினான்
சொல்லாய் இறைந்திருந்தேன்
கவிதையாய் கோர்த்துவிட்டான்
நதியாய் ஓடி வந்தேன்
கடலாய் கைகளில் தாங்கினான்
பெண்ணை பேரரசியாக்கும்
பெரிய மந்திரவாதி மணாளனே
வைரக்கல் ஆதியில் கரிக்கட்டிதான்
வருடக்கணக்காய் அழுந்தி புழுங்கி
வெளிப்பட்டது மின்னும் அழகொளி
வெட்டவொண்ணாவோர் உறுதி
ஆர்ப்பரிக்கும் கடல் மேலே அலை
ஆழியின் ஆழத்தில் பேரமைதிமயம்
அரிய உயிரினங்கள் இயங்குமங்கு
ஆடம்பரமில்லா அருமையின் பெருமை
வெந்து நொந்து வளரும் உறமான திரு
ஆழத்து நிலவரம் அறியவியலா மாய்மாலம்
ஆனந்த ஆரவார அவள் அரிதாரக்கோலம்
அறியார் சிறுமதியார் அந்தோ பரிதாபம்
பழகிக் கொள்
சோறாக்க
துணி துவைக்க
பெத்து வளக்க
அது பழசு
கணினி தட்டு
ஸ்மார்ட் போன் எடு
மாலில் ஷாப் பண்ணு
அமெரிக்கா போ
காரோட்ட பழகு
கிரீன் கார்ட் வாங்கு
கிராம உலகிதில்
கவிதை நீயடி
தாயே ஏனிப்படி ஓடுகிறாய்
மேனிக்கு பலமான பராமரிப்பு
வயிற்றுக்கு சத்தில்லா கொரிப்பு
பாரம்பரிய வழிகள் நிராகரிப்பு
குடும்பக்கலைகள் புறக்கணிப்பு
புருசன் பிள்ளைகள் பரிதவிப்பு
அவகாசமில்லாதொரு பரபரப்பு
வென்றது பளபளப்பில்லா கப்பு
கப்பு நாத்தம் தாங்கல
வெளிய போக முடியல
யாரும் இங்க குளிக்கல
துணிமணிய துவைக்கல
பீடி சிகரெட் நாறுது
மது வாடை குமட்டுது
தூசு குப்பை பறக்குது
மாசு உலகை மூடுது
மூச்சு எனக்கு முட்டுது
சுத்தம் செய்வது யாரு
மனசாட்சியை பூட்டிவை பத்திரமாய்
ரகசியமாய் யாரும் நெருங்கமுடியாமல்
போகுமிடமெல்லாம் தூக்கிச்செல்லாமல்
பெருஞ்சுமையது பெருந்தடையுமது
பேராசைக்கும் பாவமனைத்துக்கும்
பொல்லா தீங்கெதற்கும் பயன்படாது
மறுக்கபடுவதற்க்கு முளைக்குமே
மனம் போல காரணங்கள் பல
கருப்பு குண்டு ஏழை இவை நிரந்தரம்
மெத்த படித்தது குற்றம் அன்று
வேலைக்கு போகாமல் இருந்தால் இன்று
வெண்டைக்காயை முறித்துப் பார்த்து
முருங்கைக்காயை முறுக்கிப்பார்த்து
வாங்கிடும் வாணிபமா வாழ்க்கை
சந்தைப்பொருளாய் நீ நீடிப்பாயா
பேரம் பேசப்பபோவதினி நீயம்மா
வாழ்வதற்கு வகுத்த நேரம்
நொடிகள் சிலவாய்
வருடங்கள் பலவாய்
வரமாய் சாபமாய்
ஈர களிமண்ணாய்
கையில் கண்டாய்
என்ன பிசைகின்றாய்
பிள்ளையாரா குரங்கா
நீயம்மா நீயேதானம்மா
உன் விதியை எழுதுவது
அடிபட்டு மிதிபட்டு அபலையாய்
கண்ணீரில் உழல்வாயா
கல்வியும் காசுமிருந்தும்
அவலமாய் வாழ்வாயா
எதையெல்லாம் சுமப்பாய்
எத்தனை காலம் ஏமாறுவாய்
தியாகச்சடரே தெய்வமே
தேயத்தான் சந்தனம்
எரியத்தான் கற்பூரம்
உன் சந்நிதியிலிருப்பது
சாத்தானா தேவனா
தகுதியுள்ளவனை இருத்து
துஷ்டனை துவம்சம் செய்
அண்டத்தை ஆளும் நாயகியே
ஆக்கும் அழிக்கும் சக்தியே
வழி காட்டும் ஜோதியே
பலியாகாதே வீணே ஈனருக்கு
பலமாகு விளக்காய் வாழ்வதற்கு
பாம்பிற்கு விஷத்தையும்
தேளுக்கு கொடுக்கையும்
பரமன் ஏன் கொடுத்தான்
இழப்பதற்க்கினி ஏதுளது
உயிர் மட்டுந்தானே மிச்சம்
போர்வீரக்குண்டோ அச்சம்
உயிர் அவர்கென்றும் துச்சம்
போரில் வலிக்குமோ சாவு
பகைவனிடம் தோல்வியளவு
கவ்விய தர்மத்தை சூது
துப்பிட காத்திருப்பாயா
நெஞ்சு பொறுக்குதில்லையேயென
நெக்குருகிய நல்வீணை பாரதி நீயா
கயமை கண்டு வெகுண்டு
பொசுக்கக் கிளம்புவாயா
அவன் கண்ட அக்னிக்குஞ்சாய்
திக்கெட்டும் கொட்டட்டும் முரசு
அறியட்டும் அடக்கிப் பழகியவர்
அழியுமினி அதர்மமும் அநீதியுமென
தடம் பிறளா தேவியே
தன்மான வீரியே
களம் வெல்ல வருவாயா
கோபுரங்கள் சாய்வதில்லை
கணக்குகள் தவறுவதில்லை
காலப்பந்து உன் கையில்
கலங்காதே கவலை விடு
தோல்வியே துணிவாயோ என்னுடன் மோத
ஆற்றோர நாணல் நான் அறியாயோ இன்னும்
அமிழ்ந்து அமிழ்ந்து நிமிர்வேன் மூழ்காமலே
முறிந்திடும் முருங்கை மரமென்றெண்ணாதே
துவளேன் தொடர் துன்பம் வந்திட்டாலுமே
காலனை காலாலுதைத்த பாரதி பக்தையிவள்
மனம் அடையுது ஒரு பரவசம்
அழகிய காட்சியில் லயிக்கும்
இனிய பாடலில் மயங்கி கிடக்கும்
கற்பனை படைப்பில் அது கரையும்
ரசிக்கத் தெரிந்த ஓர் பிறவிக்கு
ருசிக்கும் தேனடைதான் வாழ்வு
பழகு நடிக்க
பாப்பாவாய்
அப்பாவியாய்
வெகுளியாய்
பிழைப்பாய்
மேடையிதில்
கிட்டுமே கனவுகள்
எட்டுமே வானங்கள்
வசப்படுமே ராஜ்ஜியங்கள்
ஆவோமோ பூஜ்ஜியங்கள்
உயர்வு தாழ்வு வராது பிறப்பில்
வளராது வளத்தில் கல்வியில்
தண்ணீர் மட்டத்து தாமரையாய்
நிமிர்ந்து நிற்கும் நல்லொழுக்கத்தால்
இப்பூலகில் பூக்களுக்கு பாதுகாப்பில்லை
பொய்களுக்கு ஒரு போதும் பஞ்சமில்லை
புகழுக்கும் பதவிக்கும் பறக்க தவறுவதில்லை
பாவமும் புண்ணியமும் அளக்கும் படி இல்லை
மலர்களின் மடியில் மயங்கும் தேனீக்கள்
மகர்ந்தம் சுமந்து பரப்பும் தவறாமல்
இயற்கை தளைக்கும் தொடரும் மகிழ்வாகவே
மானிடர் மதுவுண்டுருண்டால் பலன் என்ன