An Artist on all surfaces, Mr. Effortless - Roger Federer

[JamesFague]

மரின்கோவுக்கு எதிராக சர்வீஸ் அடிக்கிறார் ஃபெடரெர் | படம்: ஏ.எப்.பி
மரின்கோவுக்கு எதிராக சர்வீஸ் அடிக்கிறார் ஃபெடரெர் | படம்: ஏ.எப்.பி
சிபுல்கோவாவை வீழ்த்தியதும் ஆர்பரிக்கிறார் பெல்லிஸ்
சிபுல்கோவாவை வீழ்த்தியதும் ஆர்பரிக்கிறார் பெல்லிஸ்
அமெரிக்க ஓபன் டென்னிஸ் போட்டியில் பங்கேற்றுள்ள உலகின் 3-ம் நிலை வீரரான ஸ்விட்சர்லாந்தின் ரோஜர் ஃபெடரர் தனது முதல் சுற்றில் வெற்றி கண்டதன் மூலம் இந்த ஆண்டில் 50-வது வெற்றியைப் பதிவு செய்துள்ளார்.

ஆண்டின் கடைசி கிராண்ட்ஸ்லாம் போட்டியான அமெரிக்க ஓபன் டென்னிஸ் போட்டி நியூயார்க் நகரில் நடைபெற்று வருகிறது. இதில் 2-வது நாளான செவ்வாய்க்கிழமை நடைபெற்ற ஆடவர் ஒற்றையர் முதல் சுற்றில் ரோஜர் ஃபெடரர் 6-3, 6-4, 7-6 (4) என்ற நேர் செட்களில் ஆஸ்திரேலியாவின் மரின்கோ மெட்டோசேவிச்சை தோற்கடித்தார். இந்தப் போட்டியோடு சேர்த்து நியூயார்க்கில் இரவு நேரத்தில் விளையாடிய 24 போட்டிகளில் 23-ல் வெற்றி கண்டுள்ளார் ஃபெடரர்.

ஃபெடரர் தனது அடுத்த சுற்றில் மற்றொரு ஆஸ்திரேலிய வீரரான சாம் குரோத்தை சந்திக்கவுள்ளார். வெற்றி குறித்துப் பேசிய ஃபெடரர், “போட்டி 3-வது செட்டுக்கு சென்றபோது நான் எதிர்பார்த்ததைவிட கடினமாக இருந்தது. மரின்கோ கடும் சவால் அளித்தார்” என்றார்.

மரின்கோவுக்கு எதிராக ஃபெடரர் 10 ஏஸ் சர்வீஸ்களை பறக்கவிட்டார். அவருடைய ஆட்டத்தை கூடைப்பந்து ஜாம்பவான் மைக்கேல் ஜோர்டான் நேரில் கண்டுகளித்தார்.

60-வது கிராண்ட்ஸ்லாம் போட்டியில் விளையாடி வரும் ரோஜர் ஃபெடரர் இந்த முறை சாம்பியனாகும் பட்சத்தில் கடந்த 40 ஆண்டுகளில் நடைபெற்ற கிராண்ட்ஸ்லாம் போட்டியில் பட்டம் வென்ற மூத்த வீரர் என்ற பெருமையைப் பெறுவார்.

Courtesy The Hindu Tamil