-
10th March 2009, 01:33 PM
#11
Senior Member
Seasoned Hubber
தமிழ்ப் படங்களில் அறிமுகமாகும் அதி நவீன கேமரா
‘ஸ்லம்டாக் மில்லினர்' தேவ் படேல், ஃப்ரீடா பின்டோ.
ஹாலிவுட் படங்களைப் படமாக்கப் பயன்படுத்தப்படும் ‘சிலிகான் இமேஜின்' என்ற ‘எஸ்.ஐ. 2 கே' அதி நவீன டிஜிட்டல் கேமரா தமிழ் சினிமாவிலும் விரைவில் பயன்படுத்தப்படவுள்ளது.
இந்தக் கேமரா சென்னையிலுள்ள தென்னிந்தியத் திரைப்பட ஒளிப்பதிவாளர் சங்கத்தில் காட்சிக்கு வைக்கப்பட்டுள்ளது. இந்த கேமராவின் மொத்த எடை 1.5 கிலோ மட்டுமே. இதிலிருந்து 500 கிராம் எடை கொண்ட லென்ஸ் பாக்ஸைத் தனியாகப் பிரித்தெடுத்துக்கொள்ளலாம்.
காட்சிகளை படப்பிடிப்புத் தளத்திலேயே பார்த்துக்கொள்ள சிறிய மானிட்டரும் இதில் உள்ளது. மிகக் குறுகலான தெருக்கள், நெரிசல் மிகுந்த பகுதிகளில் இந்தக் கேமராவை எந்த உபகரணத்தின் உதவியும் இல்லாமல் கையில் வைத்துக்கொண்டே காட்சிகளைப் படமாக்கலாம்.
கேமராவின் விலை ரூ.50 லட்சம். ஒரு நாள் வாடகை ரூ.25 ஆயிரம். இதற்கு ஃபிலிம் தேவையில்லை. டிஜிட்டல் முறையில் இயங்கும். 8 ஆஸ்கர் விருதுகளை வென்ற ‘ஸ்லம்டாக் மில்லியனர்' படம் இந்தக் கேமராவில்தான் படமாக்கப்பட்டது.
எஸ்.பி.பி.சரண் தயாரிப்பில் ஜாக்கிஷெராஃப், ரவிகிருஷ்ணா நடிக்கும் ‘ஆரண்யகாண்டம்' படத்தின் முக்கியக் காட்சிகள் இந்தக் கேமராவினால் படமாக்கப்படுகின்றன. ஒளிப்பதிவாளர் கே.வி.ஆனந்த் இயக்கவுள்ள புதிய படத்தில் இந்தக் கேமரா முழுமையாகப் பயன்படுத்தப்படுகிறது.
http://www.dinamani.com/Cinema/CineI...n%A7Ls&Topic=0
-
10th March 2009 01:33 PM
# ADS
Circuit advertisement
Bookmarks